VOV4.K’ho- Mờr 10 nam do, Mpồl lơh sa kă bro is lơh gơlik, kă bro mờ drơng broă ala Trung Khoa, tàm [òn 7, sơnah [òn An Bình, [òn drà Buôn Hồ, càr Daklak neh lơh gơlik mờ tăc dà hùc kloh ngan mờ mờr 10 bơta phan dà lơngồt, dà hùc ơn tàm khàr ndai bal mờ mat sơnđan Deako tăc tàm ală drà tàm tiah Tây Nguyên. Dùl tàm ală jơnau lơh gơs bơngă pin dờn bơh phan bơna do dê là cau lơh gơlik neh sền dờng màng lơh jat niam ală jơnau sồr bè ờdo ờdă phan sa, sền gàr niam pràn kơldang să jan cau ngui sa in.

Tềng đap mpồng mu\t tàm hìu măy tơn, Mpồl lơh sa kă bro is lơh gơlik, kă bro, drơng broă ala Trung Khoa, tàm sơnah [òn An Bình, [òn drà Buôn Hồ, càr Daklak neh cih akhar cih dờng: “Ờdo ờdă phan sa- pràn kơldang să jan cau ngui sa dê là kơnòl mờ bơta pơnìơ să bơh bol he dê!”. Ngan là bè hơ\, tàm hìu măy bơh mpồl lơh sa kă bro dê, ală broă lơh gơlik, bơh broă tơmu\t phan, lơh gơlik, ơn tàm khàr jơh ală ndrờm geh sền dờng màng sền gàr kloh niam ờdo ờdă phan sa. Ồng Bùi Văn Đức, atbồ gah măy mok lơh gơlik phan bơh Mpồl lơh sa kă bro lơh gơlik, kă bro, drơng broă ala Trung Khoa dê, pà gi\t: Jơh ală cau lơh phan ndrờm geh kham sơm kòp ờs mờng pah dơ\, cau lơh phan mu\t tàm hìu măy sùm soh phan sền gàr lơh broă mờ mu\t tàm ală cơldu\ lơh gơlik phan ndrờm pal lòt gan tiah lơh kloh niam să jan. Ală phan bơna rlau ir tơngai ngui ndrờm geh mpồl lơh sa kă bro tơrgùm ai wơl, tơ\p pơrgu\c jat di jơnau sồr. Ồng Bùi Văn Đức, đơs:

“Mpồl lơh sa kă bro sùm lơh jat tơl ngan jơh ală sră nggal, jơnau sồr. Bơta lơi mờ mpồl lơh sa kă bro ờ gi\t den kơnờm mờ gah mpồl lơh broă dong pơlam, pơnyơu bè Mpồl lơh kloh niam ờdo ờdă phan sa, khi bơto pơlam jat di tơngai pơrgon ờs mờng, lơh bè lơi gơ in di bơta bơto pơlam mờ măy mok lơh phan sa. Đơs bal là kung bơtuah sơl là bơh ngai mpồl lơh sa kă bro lơh sa den ờ hềt geh năc blơi phan lơi đơs lah bè phan bơna, ờ hềt geh phan bơna lơi gơtìp cau lah wàm”.

Nam 2007 lài do, Mpồl lơh sa kă bro lơh gơlik, kă bro mờ drơng broă ala Trung Khoa sơnđờm lơh mờ tăc tàm drà phan bơna dà hùc kloh ngan ding 20 li\t. Sùm tam gơl pa măy mok, bơcri priă blơi măy mok pa, tus tu\ do bơdìh mờ phan bơna dà hùc kloh ngan, mpồl lơh sa kă bro do neh lơh gơlik mờr jơ\t bơta phan bơna dà lơngồt bal mờ mat sơnđan Deako tăc uă tàm drà 5 càr tàm Tây Nguyên. Mò Trần Thị Bé, Kuang atbồ Mpồl lơh sa kă bro lơh gơlik, kă bro mờ drơng ala Trung Khoa, tàm sơnah [òn An Bình, [òn drà Buôn Hồ, càr Daklak pà gi\t, pah nam priă geh bơh kă bro phan bơh mpồl lơh sa kă bro dê digơlan lơh geh mờr 250 tơmàn priă, sùm lơh gơs jak ngan kơnòl tă dia dà lơgar dê. Mò Trần Thị Bé đơs là, là mpồl lơh sa kă bro lơh gơlik dà hùc, jơnau kis gơs mờ lơh gơs bơngă pin dờn bơh phan bơna dê hơ\ là bơta niam sùm sùm pal lòt jat bal mờ bơta sền gàr niam ờdo ờdă phan sa, sền gàr pràn kơldang să jan cau ngui sa dê:

“Bè ờdo ờdă phan sa, nàng ai phan bơna ờdo ờdă tus mờ cau ngui sa là bơta bơh sơn rờp mpồl lơh sa kă bro sùm sùm sền dờng màng, rwah ală phan lơh gơs phan bơna ờdo ờdă, geh tơl khà bơh Gah Lơh sơnơm dà lơgar dê ai gơnoar nàng lơh gơlik. Ai ală phan ngui măy mok den bol a` sùm lơh tam gơl pa nàng jat broă lơh is jơh ală bơta kờn sền gàr bè bơta niam, nàng jun tus mờ cau ngui sa ală phan bơna ờdo ờdă ờ go\ lơh aniai tus pràn kơldang să jan”.

Sền dờng màng lơh gơlik phan kờn sền gàr ờdo ờdă phan sa mờ bơta niam, Mpồl lơh sa kă bro lơh gơlik, kă bro mờ drơng broă ala Trung Khoa neh dờp geh uă sră jờng rơ mờ dờp sền bơceh pa. Mpồl kloh niam ờdo ờdă phan sa mờ ală gah sơnah lơh broă geh gơrềng neh dong kờl bal mpồl lơh sa kă bro Trung Khoa tàm broă bơto pơlam, sền sơ wì, gròi sền broă lơh jat niam ală jơnau sồr bè ờdo ờdă kloh niam phan sa.

Cau cih mờ yal tơngi\t- Lơ Mu K’ Yến