VOV4.K’ho - Mpồl tàp pràn să jan Việt Nam geh Gai lòng biàng sơnrờp tàm ASIAD nam 2018 tu\ ală cau ùr pơr lòng rowing ai geh jai pha tàm dar dut ndơl geh lơh gùl ngai òr (23/8). Tàm tơngume dar dut ndơl plung 4 nă ùr khà nggờc, geh 6 mpồl tus bal pơr lòng mờ 4 nă cau ùr Việt Nam dê, geh: Tạ Thanh Huyền, Lường Thị Thảo, Hồ Thị Ly mờ Phạm Thị Thảo pơrlòng pràn ngan tàm bơta trồ tiah tơngai duh nàng rê lài mờ cồng nha 7 phút 01 giây 11. Do kung là gai lòng biàng dong sơbì bơta kơn jơ\ nùs nhơm ai mpồl pơrlòng tàp pràn să jan Việt Nam in pơrlòng tàm ală ngai pơn jat tai.