VOV4.K’ho - Mang òr (9/6), tàm blàng dờng  dà lềng Tam Thanh, [òn dờng Tam Kỳ neh lơh geh dơ\ lơh chờ Festival phan bơna  yau lời wơl Quảng Nam 2017. Festival phan bơna yau lời wơl Quảng Nam la jơnau chài rgơi, nhơl hcờ dờng ngan bal mờ ù tiah  bềng bơta kuơ chài rgơi mờ kòn bơnus  mờ 2 phan bơna lời  wơl chài rgơi dunia  la  [òn drà yau Hội An mờ tiah gơlang yau Mỹ  Sơn, tiah prap gàr phan bơna chi ce  phan kis geh is dunia Cù Lao Chàm mờ ua\ ngan phan bơna la go\ ngan mờ mat, phan bơna ờ  go\ mờ mat, phan  ù tiah niam li la phan bơna,  niam krơi.

Mờ jơnau sơnđan ‘’ Broa\ lơh geh tơrbo\ mờ phan bơna  yau lời wơl’’, Festival phan bơna yau lời wơl Quảng Nam la broa\ lơh gùng đơs crih, lơh bơta chài geh tus bơh rlau dùl rbô na\ cau chài bơh 10 lơgar tàm dunia. Đơs tàm  dơ\ mut lơh bơh, Phó Thủ tướng Vũ Đức Đam đơs tờm, dơ\ lơh chờ ‘’Quảng Nam - Gùng lòt phan bơna yau lời wơl’’ ờ mìng  lơh gơ rề rùp sa\ dùl Quảng Nam bềng bơta pràn, bềng bơta kis, jơh nùs mờ rềp mềr mờ  dơ\ lơh chờ gam pờ ơnàng tam  tơrbo\,  yal tơnggit rùp sa\, phan bơna yau lời wơl bơh ala\ tiah mờ jơh bal mờ Việt Nam.

Tàm mang mut lơh, ua\ jơnau niam bơne\, gơ hòi gơ jà,  geh ai go\ bơta niam neh cèng geh cau nac sền in mờ dùl dơ\ ntas,  àng đèng mờ  lơh bơta chài tềng bơrnàng lơh.

                                                            Cau cih mờ yal tơnggit K’ Brọp