Kuang gơs gơnap gơnoar at bồ hờ đăng rlao jơh dà lơgar pa ky\ kơrunat sồ 493/QĐ-TTg tơlik ngui bè  Broa\ lơh mut ngui Adat tam gơl, bơsir ờ ua\ bơta bơh adat rcang sơndra\ mờ crùh ồs sa.

Rơndap broă kờ` dờp git kơ nòl mờ tam pà kơ nòl broă mùl màl tus mờ ală gah, sơnah broă dà lơgar, ală càr, bòn dờng mut ngui adat tam gơl, bơ tơl ờ uă bơta bơh adat rơcang sơndră mờ crùh ồs sa, gàr niam bơta di tu\, ringbal, geh cồng nha, drơng jơnau kờ` mùl màl.

Bal mờ hơ\, bơt bơtàu kơrnuat pơ gồp bal lơh broă đah ală gah, sơnah lơh broă dà lơgar, ală càr, bòn dờng, ală anih lơh broă, mpồl bal tàm broă rơcang sơndră crùh ồs sa, kờ` kơryan ală dơ\ ồs sa, bơrtoh, gàr niam ờ do ờ dă bè kòn bơnus, tơmù tus khà lơyah ngan rlau jơh hoàc huơr bơh ồs sa, bơr toh lơh gơbàn, drơng broă lơh bơtàu tơnguh lơh sa, mpồl bơtiàn kơ\ kơljap, bơt bơtàu tơl làm mpồl lơh broă, biên chế bơh mpồl rơcang sơndră crùh ồs sa mờ dong kờl rềs àr mờ mut ngui geh cồng nha kơrnuat boh lam bè rơcang sơndră crùh ồs sa mờ dong kờl rềs àr tàm gùt lơgar.

Mùl màl, nam 2014 mờ ală nam tơ nơ\ tai, ală gah, sơnah lơh broă dà lơgar, anih duh broă làng bol ală kơnă geh kơ nòl bơyai lơh mblàng pơlam, bơto bơtê adat tam gơl, bơ tơl ờ uă bơta bơh adat rơcang sơndră mờ crùh ồs sa mờ ală sră nggal pơlam mut ngui, bơto pơlam, đơng lam ală sră, bau\, mpồl bal lơh broă mblàng lam, bơto bơtê kơrnuat bơh lam bơh gah, sơnah lơh broă, càr, bòn dờng he bơt bơtàu rơndap broă mut lơh ală dơ\ lơh broă uă bè mblàng lam, bơto bơtê uă ală jơnau cih kơrnuat boh lam dê bè rơcang sơndră crùh ồs sa mờ dong kờl rềs àr.

Gah bơto bơtê mờ bơsram dà lơgar đơng lam, pơ gồp bal mờ gah kuang àng dà lơgar, Anih duh broă làng bol ală càr, bòn dờng gơ wèt dà lơgar đơng lam anih atbồ dà lơgar bè bơto bơtê jơnau cih mùl màl, broă pơ gồp bal bơta git wă mờ pơlam tàp bơta chài bè rơcang sơndră crùh ồs sa tàm broă bơto bơtê, broă lơh bơdìh mờ tơngai bơsram tàm ơdu\ tàm gùt bơsram mờ ală hìu bơsram ndai di mờ tơl gah bơsram, kai bơsram tàm tơl tiah.

Gah lơh broă cau ling sồt să mờ mpồl bơtiàn dà lơgar đơng lam, pơ gồp bal mờ gah kuang àng dà lơgar, gah priă jền dà lơgar mờ ală anih lơh broă gơ rềng bal tơlik kơrnuat làm gah cih bè bơta dong kờl tus mờ cau tus bal crùh ồs sa bơh ngai 7 tus nhai 9 nam 2014.

Gah kuang àng dà lơgar mhar rơcang crơng gơs ală gah cảnh sát rơcang sơndră crùh ồs sa mờ ală mpồl crùh ồs sa, dong kờl rềs àr tàm ală tiah gơlik geh uă bè rơcang sơndra\ crùh ồs sa, kơ lôi sơ nơng, tơlik jơnau đơs, broă lơh bơt bơtàu tơl làm ròt mpồl lơh broă cảnh sát rơcang sơndră crùh ồs sa mờ dong kờl rềs àr tàm dà lơgar mờ bòn lơgar, nàng gàr niam bơta ringbal tàm broă đơng lam bồ, kơ lôi sơ nơng, tơlik jơnau sồr bơ tơl jơnau cih bè bơyai lơh mpồl cảnh sát rơcang sơndră crùh ồs sa tu\ mut lơh tam gơl adat kuang àng làng bol.

Anih duh broă làng bol ală càr, bòn dờng gơ wèt dà lơgar  đơng lam broă crơng gơs mpồl rơcang gàr bòn tàm ntum mờ mpồl rơcang sơndră crùh ồs sa tàm bòn lơgar, mpồl rơcang sơndră crùh ồs sa gah broă lơh ờs mờng, lơh broă sùm jat jơnau cih adat boh lam dê, kơ lôi sơ nơng, dăn mờ mpồl duh broă ala mat làng bol dùl kơnă bal bè khà dong kờl sùm ai cau atbồ mpồl, cau jat jơng atbồ mpồl rơcang gàr bòn mờ cau atbồ, cau jat jơng atbồ mpồl rơcang sơndră crùh ồs sa bòn lơgar lơh broă jat broă lơh ờ ờs mờng. Pah nam tam pà priă jền  is ai ală broă lơh rơcang sơndră crùh ồs sa mờ dong kờl rềs àr đơs bal mờ ai mpồl rơcang gàr bòn đơs is bơh bơnah priă ai gah sền gàr dà lơgar, sền gàr ngap lơngai bơh bòn lơgar dê jat jơnau cih bơh adat tam gơl bơ tơl ờ uă bơta bơh adat rơcang sơndră crùh ồs sa.

Bal mờ hơ\ pơnjat tai bơt bơtàu rơndap broă lơh bal anih lơh broă bơh mpồl cảnh sát rơcang sơndră crùh ồs sa tàm bòn lơgar, rơndap ù tiah mờ geh broă dong kờl bơcri lơh pôs đồng, hìu lơh broă bơh ală mpồl rơcang sơndră mờ crùh ồs sa dê.

Bal mờ hơ\ kung kơ lôi sơ nơng ală broă lơh, rơndap broă ntrờn halà lơh niam ală hìu lơh broă ờ gàr khà tơl ờ do ờ dă bè rơcang sơndră crùh ồs sa mờ ală bơta pal geh lik klàs rềs àr geh mut ngui lài mờ tu\ adat rơcang sơndră crùh ồs sa nam 2001 geh ai ngui ngan ngồn, ngan là drà, hìu jơnhua cờn, ală tiah tơr gùm gal cau, hìu lơh gơlik dà sơ nơm, phan buơn gơbàn ồs sa, nàng sơ lơ tơnguh rlau tai bơta geh klàs rềs àr mờ gàr niam ờ do ờ dă rơcang sơndră crùh ồs sa, yal mờ mpồl duh broă ala mat làng bol 1 kơnă bal sền sơ wì, tơlik kơrnuat.

                                                                   Cau mblàng K’ Duẩn