VOV4.K’ho - Nam 2018, Chính phủ pơn jăt tai ai khà ring niam broă lơh sa dờng, sền gròi broă gơmù khà priă mờ tơrgùm ai ală khà di mơ tơngai kờ` chồl pràn broă tam gơl broă tơnguh lơh sa pơgồp bal mờ broă lơh niam wơl broă lơh sa. Di nùs pin dờn tàm ală khà Chính phủ ai, mơya ală kuang bàng Quốc hội gam uă jơnau ờ su\k ơm.

Nam 2018, Chính phủ ai khà geh kờp jơh phan geh lơh tàm lơgar (GDP) tơnguh 6,5% tus 6,7%. Jăt mò Mai Thị Ánh Tuyết, mpồl kuang bàng càr An Giang yal, bơdìh mờ khà bè tơnguh mhar lơh sa den 1 khà kuơ màng geh tơl^k tus bơta niam bơh broă lơh sa, hơ\ là broă bơsong broă lơh mờ ai broă lơh cau ờ geh broă lơh in:

-A` đơs là, kờ` broă lơh sa lòt di khà, broă lơh sa là bơta niam, ring niam lơh sa dờng den pal ai khà bè broă ờ geh broă lơh mờ ai broă lơh tàm khà geh ai mìng kờ` Chính phủ geh ală broă lơh ndrờm bal, kờ` bơsong di pal.

Ală kuang bàng kung đơs là, khà bơh Chính phủ yal mờ Quốc hội dơ\ do geh uă khà ờ uă rơlao jăt mờ nam 2017 bè tăc mờ blơi phan mờ lơgar bơdìh nam 2017 là 14,4%, den tus nam 2018 là bơh 7 tus 8%; khà tă bơh kes priă dà lơgar nam 2017 là 3,5% tus nam 2018 là 3,7%...

Ồng Đỗ Văn Sinh, mpồl kuang bàng càr Quảng Trị đơs là, Chính phủ pal yal, mblàng di pal kờ` go\ là, he wèt tus khà ai broă lơh sa mu\t tàm bơta di pal mờ niam den pal geh ală khà lơh lơyài wơl.

-Tàm nam 2017 den bu\ lah he geh tơnguh, mơya a` đơs là nùs nhơm kơl jăp ờ hềt di là uă ngan. Ală bơta he kung mìng là lơh, bu\ lah là he geh khà GDP uă mơya khà geh kuơ mùl màl lơgar Việt Nam dê ờ geh uă.

Bè hơ\, den broă lơh sa kờ` kơl jăp den he pal tơnguh bơtàu anih lơh sa kă bro tàm lơgar he mờ he bơcri priă lơh sa tus hờ lơgar bơdìh. Hơ\ là priă cau lơgar Việt Nam dê, cau tòm là cau lơgar Việt Nam, cèng bơta kuơ pa ai cau lơgar Việt Nam hơ\ sồng kơl jăp.

Ring bal mờ nùs nhơm kơlôi sơnơng do, ồng Phạm Văn Hoà, mpồl kuang bàng càr Đồng Tháp đơs là, khà bơcri priă dà lơgar tu\ do uă. Bơdìh hơ\ tai, gơwèt mờ ală rơndăp broă gơbàn hoàc huơr jo\ kung pal geh broă kờ` bơsong, ai tơl^k kơnòl loh làng. Ồng Phạm Văn Hoà đơs:

-Dùl broă geh ai tơl^k tus mờ broă tơnguh bơtàu lơh sa mpồl bơtiàn nam 2018 a` sền gròi ngan hơ\ là cổ phần jơh ală anih lơh sa kă bro. Tơngai pa do, broă cổ phần jơh gam lơyài ngan, gam gơbàn ală sră nggal mờ he ờ hềt bơsong gơs, bơsong di pal.

Geh uă ală anih lơh sa kă bro tu\ do gơbàn hoàc huơr là bơh anih lơh sa kă bro Dà lơgar, mờ he cổ phần jơh geh ală anih lơh sa kă bro do den bơcri priă dà lơgar tàm gah kes priă ai ală anih lơh sa kă bro do in ờ gam geh tai, mờ he geh ờ uă priă dờng kờ`tơrgùm tàm broă lơh broă ndai.

Ală kal ke gam geh tàm nam 2017 kung kờ` geh ală kuang bàng mblàng loh làng, kờ` gơtùi ai tơl^k khà, broă tơnguh bơtàu lơh sa tàm nam 2018 di pal mờ bơta mùl màl dà lơgar dê.

Cau cih mờ yal tơng^t Ndong Brawl