VOV4.K’ho – Rơcang tus pơrjum Quốc hội, tàm pơrjum dơ\ 38, Ủy ban Thường vụ Quốc hội lời tu\ tơngai nàng ai jơnau đơs bè ală jơnau yal sền sơ wì cồng nha lam lơh jat broă rơndap lơh bơtàu tơnguh lơh sa mpồl bơtìan mờ kes priă dà lơgar nam 2019 mờ rơndap broă tàm pà kes priă dà lơgar nam 2020. Ală kuang bàng đơs tờm, nam 2020 broă kuơmàng là gơtùi gàr sùm bơta kơ\ kơljap bơh broă lơh sa dờng dê. Mơkung sồr pơn jat tai lam lơh broă lơh pria\ jền nền nòn, tềm pềr, geh cồng nha mờ loh làng. 

Tàm dơ\ pơrjum, ală kuang bàng đơs, nam 2019, Chính phủ pơn jat tai đơng lam, pơlam jơh nùs tàm ală gah lơh sa mpồl bơtìan, sền gàr lơngap lơngai, sền gàr dà lơgar mờ cribơyai broă mờ lơgar ndai, mờ 5 broă lơh sơr lèt rlau mờ broă rơndap lơh, 7 broă lơh lơh geh jơnau kờ` broă rơndap lơh ai tơlik. Broă lơh nam pria\ jền geh lam lơh jơh nùs bơh bồ nam tơn, broă lơh pria\ jền git kơrhia, gàr kơ\ kơljap; sền gròi bơta gơmù bơngă khà pria\, khà pria\ lơgar Việt Nam dê pơn drờm mờ pria\ lơgar ndai mờ drà kă bro priă lơgar ndai geh gàr kơ\.

Bulah bè hơ\, Phó Chủ tịch Quốc hội, ồng Uông Chu Lưu đơs là: rài lơh sa lơgar he dê gam ală bơta ờ niam, ờ hềt ngan ngồn kơ\ kơljap:

“Tac phan hờ lơgar ndai bơh bol he dê nam 2019 gơguh 7%, mơya drà kă bro bol he dê kung gam tơr gùm tàm ală drà kă bro ờs mờng mờ drà kă bro dờng. Bal bè broă bơcri pria\ bơh lơgar ndai, dilah geh broă den ờ hềt git nền là pria\ bơcri gơ mut tàm lơgar Việt Nam bè ală nam pa do, mờ digơlan sơ lơu\ wơl. Hơ\ là ală bơta mờ bol he pal đơs lài tàm tơngai tus”.

Mờ ală broă lơh Chính phủ ai tơlik, ală jơnau đơs sồr pal pơn jat tai chồl pràn bơcri pria\ dà lơgar, tài bơcri pria\ dà lơgar 9 nhai pa rơp tă 45%. Tă bơsong kal ke chồl pràn lơh sa bơtàu tơnguh, tàm hơ\ geh tă bơsong thể chế, adat boh lam, kơrnuat boh lam. Kơ lôi rơcang bè broă jàu khà kờp du\ lài tă dơ\ ngui, Chủ nhiệm Ủy ban lơh sa bơh Quốc hội dê, ồng Vũ Hồng Thanh đơs là:

“Tàm ală jơnau yal ală nam rềp ndo, den dia bơh ală mpồl lơh sa kă bro dê ndrờm ờ lơh geh khà geh ai tơlik. Jơh bal mpồl lơh sa kă bro tàm lơgar mờ lơgar ndai. Ală nam den ndrờm đơs là bol he jàu khà kờp du\ lài tă dơ\ ngui ai mpồl lơh sa kă bro in ua\ ir bè hơ\ den neh dipal làh ờ, mờ lời tus lồi nam 2020 sền tìs di cồng nha den broă do gam pơn jat tai gơlik geh halà ờ”.

Chủ nhiệm Ủy ban adat boh lam bơh Quốc hội dê, ồng Nguyễn Khắc Định sồr geh broă lơh dong kờl hoàc huơr bè lơh sa suơn sre mờ chồl pràn ală broă lơh tàm ală nhai lồi nam:

“Geh ală hoàc huơr neh bơh jo\, kung geh hoàc huơr bè kòp jê ndul gơ jroh sur châu Phi mờ 2, 3 kòp bơ tờp bơh trồ pang dờng soat dà lơh aniai. Geh bơta lơi dong kờl làng bol in den dong kờl mơ, dong kờl mpồl lơh sa kă bro, dong kờl bè kờp khà dồs, tơn jo\ tơngai tơm dồs nàng chồl pràn lơh sa suơn sre. Mờ pa do kung đơs ua\ bè bơta [ơ\ tiah ơm kis, kòp bơ tờp tàm kòn bơnus, kòp sốt xuất huyết gơguh ua\ mờ bơh tu\ do tus lồi nam pal chồl pràn lơh niam sră nggal hành chính, bơh tu\ do tus lồi nam pal chồl pràn rơndap tap sèng mpồl lơh broă hành chính, tơmù 600 xã, 10 kơnhòal”.

Ală jơnau đơs tàm dơ\ pơrjum đơs: broă lơh rơcang sơndră sa kuề sa kùa tàm nam lài geh pơn jat tai lam lơh jat gùng dà broă lơh jơh nùs mờ lơh ngan ua\ ngan, ờ  geh anih kơryan, bơta sang sơbì, lơh tus tềng lơi den cah rơ`a tus tềng hơ\. Bơta pal đơs là dilah bè lài do, ală broă lơh tìs lùp khàu, lơh glài ờ gơtùi ai go\ bơta sơ gràm ai, ờ gơtùi lơh loh bơta sơ mờm gơ noar kuơ, den tàng bơh ală tìs đơs ngan là tìs sa kuề sa kùa den gơ tam gơl tus tìs lơh sa bè lơh tìs, ờ geh kơ nòl lơh gơbàn jơnau gơ lời wơl kơn jơ\ ngan. Bơta pa bơh nam do dê là bơh sơn rờp neh gơtùi lơh loh bơta sơ gràm ai mờ neh lah yă, lùp khàu 2, 3 broă lơh tìs, ngan là lùp khàu tơn tàm sa kuề sa kùa mờ tong mờ dờp priă sa kuề sa kùa. Chủ nhiệm Ủy ban Tư pháp Quốc hội, mò Lê Thị Nga đơs nền:

“Bol he kung git, ndờm bè do là broă lơh tìs geh git go\ dờng ngan rlau jơh lài tus tu\ do bơh ồng Nguyễn Bắc Son mờ ồng Truơng Minh Tuấn dê, do là broă lơh tìs dờng ngan. Bol a` đơs là, do là bơta tam gơl pa tàm broă rơcang sơndră sa kuề sa kùa. Dùl bơta tai tàm broă rơcang sơndră sa kuề sa kùa là ai wơl phan bơna, priă jền ua\ ngan pơn drờm mờ lài do. Broă lơh rơcang sơndră den ua\, tơngai lài, tơ nơ\ adat rơcang sơndră sa kuề sa kùa neh tơlik Nghị định sồ 59. Tàm Nghị định sồ 59 neh pơlam, sền gròi bơta ờ ring bal gơ noar kuơ. Ờ geh ai lơh bơta lơi mờ ờ gơtùi lơh bơta lơi”.

Ală jơnau đơs kung sồr pal sền sơ wì nền nòn broă tam dră kă bro đah Mỹ mờ Lo; broă sền gàr lơngap lơngai, sền gàr dà lơgar tàm dunia, tàm ală lơgar rềp bal mờ kuơmàng là ală bơta gơlik geh tàm dà lềng đah mat tơngai lik tu\ do. Sồr sền gròi tus bơta sền gàr lơngap lơngai ờ do ờ dă, ală bơta cau tìs bè kă bro ma túy, kă bro cau, rềs àr gùng lòt.

Tàm dơ\ pơrjum, Chủ tịch Quốc hội, mò Nguyễn Thị Kim Ngân sồr Quốc hội mờ Chính phủ tơr gùm lam lơh jat mùl màl ală Nghị quyết bơh dà lơgar dê. Tàm hơ\, sền gròi tus ală bơta gam ờ niam. Chủ tịch Quốc hội đơs ngan bè broă kuơmàng nam 2020 dê là gàr sùm bơta kơ\ kơljap broă lơh sa dờng:

“Nam 2020, jơnau kờ` bol he dê kung gam là gàr sùm, mơya nàng gơtùi gàr sùm bơta kơ\ kơljap bơh broă lơh sa dờng dê tàm tu\ tơngai mờ ală bơta tàm lơgar mờ dunia gơlik geh kal ke. Gùng dà broă lơh dong kờl kă bro, tam phà tam pìt kă bro, tam pìt ù tiah, chính trị tàm ală lơgar dờng, ală lơgar do geh git gơp kă bro den geh gơ rềng ờ niam tus broă lơh sa mờ broă tac mờ blơi phan bơh lơgar ndai Việt Nam dê. Bol he ngui tu\ niam cèng wơl bơh ală Hiệp định kă bro khat gơboh rài pa mờ tam dră mờ ală bơta aniai, bơta lòng tu\ bol he mut gơ rờm bal ngai sơlơ ua\ tàm rài lơh sa dunia”.

Chủ tịch Quốc hội, mò Nguyễn Thị Kim Ngân kung sồr pơn jat tai lam lơh jat broă lơh priă jền nền nòn, tềm pềr, geh cồng nha mờ loh làng. Nam 2020, lơh ngan tơnguh priă dia mờ bơsong dồs priă dia nnàg lơh niam rài priă jền dà lơgar dê.

Cau mblàng K’Duẩn