VOV4.K’ho – Nam 2020, Bộ Lao động Thương binh mờ Xã hội lơh ngan tơrmù khà hìu bơnhă r[ah (jat tơl khà r[ah geh dờp ua\ bơta) gơmù bơh 1 tus 1,5%, mìng is ală kơnhòal r[ah gơmù 4%.

Nàng lơh geh jơnau kờ` tơrmù r[ah geh ai tơlik, Bộ Lao động Thương binh mờ Xã hội geh chồl pràn broă lơh dong kờl hìu bơnhă r[ah, hìu bơnhă ndrờm bè cau r[ah, hìu bơnhă pa jơh r[ah, dong kờl lài cau r[ah tiah làng bol kòn cau; hời rơ hời tơrmù bơta tam cah ngài, bơta lin tàm broă geh dờp broă drơng ala dà lơgar mờ bơta dong kờl mpồl bơtìan, tàm pria\ lơh geh mờ rài kis đah tiah drà mờ tiah [òn lơgar, tiah kơh bơ nơm, tiah sar lơgar ngài. Bộ kung lam lơh ua\ ală broă lơh tơrmù r[ah geh cồng nha, tơnguh ală jơnau bơceh pa tơrmù r[ah kơ nờm tàm mpồl bơtìan; lam lơh ală broă lơh dà lơgar gơ jat bal mờ bơcri pria\ bơt bơtàu phan bơna tàm [òn lơgar; ală broă lơh bal, tam klac bal đah ală hìu bơnhă r[ah mờ mpồl lơh sa kă bro tàm broă lơh gơlik, tac phan lơh gơs, gơ hòi jà gơ jà cau lơh broă r[ah mut lơh broă kơ\ kơljap tàm ală mpồl lơh sa kă bro. Bal mờ hơ\, geh lam lơh geh cồng nha srơh tàm pơr lòng “Gùt lơgar at tê bal tài cau r[ah - ờ lời cau lơi gơtìp lời wơl hờ ngkời” nàng kờ` chồl pràn broă lơh mblàng yal nàng kờ` lơh gơlik bơta tam gơl pràn kơldang mờ jơnau git wă bơh ală kấp ủy Đảng, gơnoar atbồ mờ tàm ală rơnàng làng bol dê bè broă lơh hời rơ hời dờp tơl khà r[ah ua\ gah, jơnau kờ` tơrmù r[ah kơ\ kơljap.

Bộ trưởng Bộ Lao động Thương binh mờ Xã hội, ồng Đào Ngọc Dung pà git:

“Nam 2020, bol he pal geh bơta sền sơ wì pa bè broă lơh tơrmù r[ah. Lài ngan là bơt bơtàu tơl khà r[ah pa ai tơngai bơh nam 2021 tus nam 2025 in jat bơta ờ mìng dờp ală mờng chài lơh broă, cồng nha lơh geh, tàm hơ\ geh: Pria\ lơh geh, ală broă lơh ờ tơl bè broă lơh gàr kloh niam, dà sàng kloh, jơnau tơnggit, bơto bơsram mơya kung pal geh 3 broă kươmàng nàng tam gơl. Lài ngan, gơ wèt mờ tiah r[ah, tiah sar lơgar ngài, tiah làng bol kòn cau pal bơt bơtàu dùl broă lơh jơnau kờ` dà lơgar; bal mờ tơrmù r[ah kơ\ kơljap là Broă lơh bơt bơtàu [òn lơgar pa”.

Bộ trưởng Đào Ngọc Dung kung pà git: Cồng nha tơrmù r[ah kơ\ kơljap bơh lơgar Việt Nam dê tàm tơngai lài neh lơh geh ua\ cồng nha pal pơn iờ să ngan. Bulah bè hơ\, broă lơh tơrmù r[ah gam ai tơlik ua\ bơta lòng. Broă tơrmù r[ah ờ di là gơtùi lơh mơ, mờ pal đal git jo\ jòng mờ ngai sơlơ kal ke rlau. Gơ wèt mờ ală cau ờ jai jơh r[ah, tài rài kis kal ke, pràn să jan ờ niam, tài kuet kơlte den geh tam cah khà mờ geh tam gơl gơs cau geh dong kờl mpồl bơtìan:

“Mìng geh tơrmù r[ah kơ\ kơljap den hơ\ sồng khà bơtàu tơnguh kòn bơnus dê geh tơnguh mờ bơta tam cah ngài, bơta lin hơ\ sồng gơtùi gơmù mờ tu\ hơ\ den hơ\ sồng gơtùi bơsong bơta bơtàu tơnguh tơl làm, gơ glòm jơh, ờ geh cau lơi gơtìp lời wơl hờ ngkời. Gơ wèt mờ ală cau geh jai jơh r[ah, halà tài rài kis kal ke, pràn kơldang să jan ờ niam, kuet kơlte den pal tam cah khà mờ tam gơl gơs cau geh dong kờl mpồl bơtìan. Mơya ờ di là tu\ tam gơl mpồl cau do gơs cau geh dong kờl den ờ sền gròi, mìng lời nàng geh dờp bơta dong kờl bơh mpồl bơtìan, mờ pal lời khi in geh dờp ală broă lơh gơtùi dong kờl ua\ rlau mờ khà bè ờs, mơkung gam pal pơn jờng nàng khin in ờ kơp kơ nờm. Lơh niam bè tơrmù r[ah geh chồl pràn bơt bơtàu [òn lơgar pa mờ tơnguh niam rài kis làng bol dê”.

Tus jơh nam 2019, khà hìu bơnhă r[ah kờp bal gùt lơgar dê gơmù gam hơ đơm 4% (gơmù 1,3% pơn drờm mờ lồi nam 2018); kờp bal khà hìu bơnhă r[ah tàm ală kơnhòal r[ah gơmù gam hơ đơm 29% (gơmù mờr 5% pơn drờm mờ lồi nam 2018); kờp bal khà hìu bơnhă r[ah tàm ală xã ua\ kal ke, tiah kềng gah dà lềng halà bồt dà lềng, xã tiah nhàr dà lơgar, xã ờ do ờ dă tiah làng bol kòn cau mờ tiah kơh bơ nơm gơmù pơgap bơh 3 tus 4% pơn drờm mờ lồi nam 2018.

Tus tu\ do, geh 52 tàm 292 xã ua\ kal ke tiah kềng gah dà lềng mờ bồt dà lềng lik bơh bơta ua\ kal ke; 125 xã lơh gơs jơnau kờ` broă lơh 135 tơngai bơh nam 2017 tus nam 2020; 8 tàm 64 kơnhòal jơh r[ah (geh 12,5%); 14 tàm 30 kơnhòal (geh 46,6%) geh dờp bơta dong kờl jat Nghị quyết 30a lik klàs bơh bơta kal ke. Cồng nha tơrmù r[ah bơh lơgar Việt Nam dê pơn jat tai là dùl bơta niam, geh mpồl bơtìan dunia đơs niam ngan.

Cau mblàng K’Duẩn