VOV4.K’ho- Tàm Pơrjum geh pờ tơlik tơn tàm internet tơn jơh nam bơsram 2018- 2019 mờ lam lơh jat kơnòl broă nam bơsram pa 2019- 2020 bơh Bộ Giáo dục mờ Đào tạo dê, jơnau jơnkah mờ ờ tơl cau pơgru kung gam là jơnau geh uă kuang bàng đơs sơl. Bulah ală bộ, gah sơnah lơh broă geh gơrềng bal bal mờ gơnoar atbồ ală tiah neh geh uă gùng dà broă lơh bơsong mơya do là jơnau kal ke gơtùi bơsong jơh tàm tơngai lơyah.

Jat jơnau yal bơh Bộ Giáo dục mờ Đào tạo dê, nam bơsram 2018- 2019, Bộ neh lơh geh uă cồng nha tàm broă tơnguh jơnhoa bơta jak chài mpồl cau lơh pơgru mờ kuang bàng atbồ bơto bơtê, tàm hơ\ geh broă dan jàu bơtơl biên chế ai 17 càr gơguh tam gơl kơnòm bơsram mờ 5 càr Tây Nguyên in. Bàr pe tiah bè Hà Nội mờ Quảng Ngãi neh lơh jat niam broă kờp sền mpồl cau pơgru mờ jơnau jơngkah, ờ tơl, ki\ sră pơrgon lơh broă mờ cau pơgru tàm ală hìu bơsram mầm non, phổ thông.

 Mơya, jơnau jơngkah mờ ờ tơl pơgru kung gam geh sơl tàm bàr pe tiah. Uă càr gam ờ tơl pơgru jà khà ai bè Điện Biên, Lào Cai, Hà Giang, Tuyên Quang, Quảng Trị, Kon Tum, An Giang, Hậu Giang, Cà Mau…Bulah ală càr do neh pal rơndăp tăp sèng, tơrgùm bal hìu bơsram, ơdu\ bơsram nàng tơrmù cau pơgru mơkung gam gàr sơl khà ai cau pơgru tàm ală kấp bơsram jat bơta ai bơh kơrnoat boh lam dê mơya kung ờ hềt gơtùi bơsong jơh sơl broă do. Ồng Nguyễn Thanh Bình, Chủ tịch Ủy ban Nhân dân càr An Giang yal:

Tỉnh ủy, Ủy ban nhân dân càr ring bal ai gơnoar gah bơto bơtê in bơ\t bơtàu rơndăp broă lơh krơi is mờ rơndăp broă lơh krơi is do jat tàm jơnau đơs: Dơ\ dùl là pal lơh geh bè khà ai cau pơgru bơto tàm ơdu\ mờ dơ\ 2 là rơndăp tăp sèng hìu bơsram ơdu\ bơsram lơh bè lơi hơ\ lơh ngan ală hìu bơsram ơm rềp bal den gơtùi tơrgùm bal wơl, pleh jơnau tơrgùm bal uă ir lơh gơlik ală anih rah rài. Jơnau lơh jat Kơrnoat pal lơh geh jơnau kờ` mờ bơta kuơmàng ngan rlau jơh là bơta jak chài bơto bơtê mờ dơ\ 2 là ba` lời gơlik kal ke ai kơnòm bơsram in tài bơh jơnau bơsram ngài mờ hìu là ală oh pal ơm rlô nggùl gùng.

Jơnau yal bơh Bộ Giáo dục mờ Đào tạo dê kung yal loh, bàr pe tiah lơh jat tơrmù biên chế gơ wèt mờ gah bơto bơtê kră kơldang ir, ờ hềt pơgồp bal mờ broă bơtàu tơnguh khà kờp làng bol (pah nam koh tơrmù jat tu\ tơngai nàng tus nam 2021 gơmù 10%), den tàng bè hơ\ ờ geh biên chế nàng rwah pa, gơlam tus ờ tơl pơgru, ngan là pơgru bơto mầm non. Ồng Nguyễn Mạnh Hiển, Bí thư Tỉnh ủy Hải Dương pà gi\t, gơ wèt mờ ală [òn dờng dờng, ală tiah geh khà làng bol ntrờ` ơm kis gơ tam gơl uă tài bơh geh uă tiah lơh sa mờ măy mok, tiah lơh gơlik phan tăc mờ lơgar ndai den jơnau jơngkah, ờ tơl cau pơgru sùm kal ke ngan bơsong:

Tu\ do, lơh jat Kơrnoat bơh Dà lơgar dê den Hải Dương kung pal tơrmù sơl, mơya tu\ do kung gam pal gàr geh jat nùs nhơm đơng lam bơh Thủ tướng dê là tàm tiah lơi geh kơnòm bơsram den tàm anih hơ\ pal geh ơdu\ bơsram mờ tàm tiah lơi geh ơdu\ bơsram den pal geh pơgru. Geh jơnau sồr hìu bơsram dà lơgar crơng gơs den gơmù mơya mpồl cau pơgru den pơn jat tai pal gơguh. Dan mờ Bộ, Bộ Nội vụ kơlôi sơnơng gùng dà broă lơh krơi is ai ală tiah mờ geh uă tiah lơh sa mờ măy mok mờ làng bol ntrờ` ơm kis tam gơl.

Uă kuang bàng đơs là, jơnau kờ` bơh broă rơndăp tăp sèng wơl mpồl cau pơgru là nàng kờ` sac rwah ală pơgru geh broă lơh jak, nùs nhơm niam nàng tơnguh jơnhoa cồng nha bơto bơtê. Den tàng bè hơ\, bulah ờ tơl pơgru mơya ală tiah kung pal geh bơta sac rwah sơl, pal geh bơta sền swì, dilah pơgru ờ lơh geh tơl jơnau sồr den pal rơndăp tăp sèng gơ in dipal. Bộ Giáo dục mờ Đào tạo pal tơrgùm kờp loh làng khà cau pơgru jơngkah mờ ờ tơl bơh tơl môn bơsram dê, kấp bơsram dê nàng mpồl bơtiàn in geh bơta sền gơ in wil tơl rlau:

Broă jơngkah mờ ờ tơl pơgru gam gơlik geh, ờ tơl mờ jơngkah tàm bàr pe tiah. Bol he neh geh tơrgùm kờp. Geh ală môn gam ờ tơl pơgru uă là dà đơs lơgar ndai, tin học, halà công nghệ mơya bàr pe môn den jơngkah wơl pơgru. A` dan mờ Bộ yal mpồl bơtiàn in gi\t mờ kuơmàng dilah jơnau yal do gơlik kơnòm bơsram jak den hơ\ sồng sền go\ geh rài tơnơ\ do geh broă lơh. Ai dilah mìng đơs jơngkah đơs ờ tơl gời mờ ờ go\ yal jơngkah tềng lơi, ờ tơl tềng lơi den jơnau gi\t wa\ mpồl bơtiàn là kal ke ngan.

Tu\ làng bol gam ntrờ` tiah ơm kis tus tàm ală [òn dờng dờng, ală tiah geh uă tiah lơh sa mờ măy mok, tiah lơh gơlik phan tăc mờ lơgar ndai den tàng ală tiah do sùm kong kơn jơ\ kơn ju\t ngan bè phan bơna hìu bơsram cơldu\ bơsram, pơgru tàm tu\ tàm uă tiah [òn lơgar den khà kơnòm bơsram gơmù wơl. Bơta geh ngan do lơh ală tu\ bơsong broă jơngkah mờ ờ tơl pơgru sơlơ kal ke rlau tàm uă tiah.

Cau mblàng Lơ Mu K’Yến