VOV4.K’ho – Nàng dong làng bol gơtìp kal ke tài bơh kòp Covid-19 lơh gơbàn, Ủy ban Thường vụ Quốc hội neh ring bal mờ broă pal tơlik 2, 3 broă lơh dong kờl làng bol gơtìp kal ke tài bơh kòp bơ tờp dờng lơh gơbàn; ring bal ală kơrnuat dong kờl bè jơnau yal bơh Chính phủ dê neh pà git. Bơnah dong kờl bơh Chính phủ dê ai tơlik jơnau sồr jơh bal kes pria\ dà lơgar mờ chính sách xã hội là 62 rbô tơmàn đông. Tàm hơ\, ai ua\ ngan nàng dong kờl cau lơh broă gơtìp roh broă lơh tài bơh gơ rềng bơh kòp dê. Bulah bè hơ\, lam lơh bơnah dong kờl do bè lơi nàng broă dong kờl ờ gơtìp sơ nơm gơnoar kuơ mờ dong kờl di cau den là jơnau kal ke ngan tàm tu\ lam lơh.

Chờ hờp bơrlu\ bal mờ ờ suk là nùs nhơm bal bơh ua\ ngan cau lơh broă dê tu\ klo yal Chính phủ lam lơh bơnah broă dong kờl gàr tơl niam rài kis mpồl bơtìan, dong kờl làng bol gơtìp aniai tài bơh kòp Covid-19 lơh gơbàn. Do là bơnah dong kờl lời ai ală cau [uơn gơtìp gơ rềng in. Tàm hơ\, geh dùl khà ua\ ngan cau lơh broă gơtìp gơmù pria\ jền lơh geh halà roh broă lơh tài bơh kòp Covid-19, geh: Cau lơh broă gơtìp ơm ing lơh jat jơnau pơrgon lơh broă, ơm rlô lơh broă ờ geh pria\ nhai tàm ală mpồl lơh sa kă bro, cau lơh broă gơtìp tơn jơh sră pơrgon lơh broă mơya ờ hềt geh tơl bơta nàng geh dờp bơnah dong kờl ờ geh broă lơh mờ cau lơh broă ờ geh jơnau pơrgon lơh broă, roh broă lơh. Bè hơ\ den tàng, cau lơh broă kơp mhar lam lơh bơnah dong kờl do.

Jat ồng Tạ Văn Dưỡng, kuang atbồ Mpồl broă lơh dong kờl adat boh lam, Liên đoàn Lao động [òn dờng Hà Nội pà git, bơnah dong kờl gàr tơl niam rài kis mpồl bơtìan lời ai làng bol gơtìp gơ rềng bơh kòp Covid-19 dê in ai tơnggo\, Chính phủ ngan ngồn lơh ngan dong kờl làng bolmờ mpồl lơh sa kă bro tàm khà ua\ ngan rlau jơh tàm tơngai tu\ do. Bulah bè hơ\, mùl màl ai go\, ua\ broă lơh dong kờl bơh dà lơgar dê tu\ lam lơh jat tàm kấp hơ đơm den gơtìp sơ nơm ai gơnoar kuơ, ală broă lơh dong kờl ờ di cau. Den tàng, nàng lam lơh geh cồng nha bơnah dong kờl bơh Chính phủ dê, gơnoar atbồ kấp hơ đơm mờ cau ngui cau lơh broă pal pơ gồp bal, tơr gùm jơh mat cau lơh broă, đal git di cau geh dong kờl, gàr niam bơta loh làng, song dơpă.

Ồng Tạ Văn Dưỡng pà git:

“Broă lơh jat pal geh lơh nền nòn, pleh sơ mờm bơta dong kờl. Nùs nhơm lơh jat là ală kấp gơnoar atbồ, quận, kơnhòal là kuơmàng. Geh tu\ là ală kấp sơnah [òn kung lơh broă bal sơl, tus kờp sền tàm tơl bă tiah, jat khà kờp bơh sră nggal dê bè: khà tă dia, bảo hiểm xã hội mờ bơta geh ngan tàm kấp hơ đơm. Ai công đoàn den gơtùi pơ gồp bal sền gròi lam lơh, ờ di là đơng lam sac rơ wah halà ai tơlik jơnau sồr dong kờl cau lơi in”.

Gơtùi go\, cau geh dờp kuơ bơh bơnah dong kờl do dê là dờng ngan. Broă lơh dong kờl mờ gùng dà geh làng bol ring bal mờ kơp gơn mơya broă pal đơs là bơnah lam lơh jat pal nền nòn, gàr niam dong kờl di cau. Geh bè hơ\ den hơ\ sồng broă dong kờl gơtùi lơh geh cồng nha tàm bơta geh ngan.

Ồng Ngọ Duy Hiểu, Phó Chủ tịch Tổng Liên đoàn Lao động Việt Nam đơs là: Pal bơt bơtàu tơngume broă lơh ngan ngồn, bơceh lơh sră cih jơnau yal, jàu kơ nòl broă ai gơnoar atbồ kấp hơ đơm in, pơgồp bal mờ cau ngui cau lơh broă, mpồl bal tàm [òn lơgar nàng git di cau, nàng khi in geh dờp bơta dong kờl:

“Pal sền git ală bơta sră pơ àr lơh cơng, ngan ngồn. Dilah ờ den khi digơlan yal ală cau kờ` geh dong kờl ờ geh ngan. Bơh hơ\ tơnguh bơta kuơ bơh broă lơh dong kờl dê tàm bơta geh ngan. Gơtùi kơryan bơta sơ mờm gơnoar kuơ, ờ lời hui\ dùl nă cau lơi. Bol he ngui bơh nhai 4, den tàng ală bộ, gah broă lơh pal lơh bal, bơh jơnau sền sơ wì, lòt sền ngan ngồn, kờp du\ lài ală broă gơlik geh, bơta broă lòt sền lài mờ tu\ bơt bơtàu ală tơngume, sră cih jơnau yal nàng lam lơh”.

Tu\ do, Công đoàn Việt Nam gam pơgồp bal mờ ală bộ, gah broă lơh nàng bơceh bơt bơtàu ală sră cih jơnau yal, sră pơ àr nàng đal git broă lơh ngan ngồn kờ` git di ală cau ngan ngồn gơtìp kal ke. Broă lam lơh geh jơh nùs tus bal tàm broă sền gròi di cau, di tơl khà, ờ lời hui\ mờ gơtùi pleh sơ mờm broă lơh dong kờl. Tổng Liên đoàn Lao động Việt Nam kung gam kơlôi sơnơng nàng geh dùl bơnah dong kờl bơh pria\ jền Công đoàn dê nàng kờ` at tê bal mờ Chính phủ dong kờl ală cau lơh broă ngan ngồn gơtìp kal ke.

Cau mblàng K’Duẩn