VOV4.K’ho – Mang òr, 07/12, tàm thị xã Gia Nghĩa, càr Daknông, Mpồl ơruh pơnu Cộng sản Hồ Chí Minh dà lơgar bơyai lơh “ Ngai chờ cau kơnòm să ală kòn cau Tây Nguyên nam 2016”, geh bơta tus bal bơh rlau 700 nă ơruh pơnu bơh 5 càr tây Nguyên là Kontum, Gialai, Daklak, Lâm Đồng mờ Daknông. Tàm nam pa do, broă lơh ơruh pơnu mờ srơh ơruh pơnu kơnòm pa tàu kơnòm dềt bơh 5 càr Tây Nguyên neh lơh geh uă cồng nha ngan ngồn tàm broă lơh bơto bơtê nùs nhơm kờ` gơboh dà lơgar, nùs nhơm kac màng ai ơruh pơnu in, dong ơruh pơnu ală kòn cau Tây Nguyên bơsram, tơnguh niam bè tơl bơta, ngan là khoa học kĩ thuật nàng bơt bơtàu [òn lơgar hờm ram, dong ơruh pơnu lơh broă mờ lơh pas dipal, bơt bơtàu mờ prap gàr ală bơta kuơ chài rơgơi ală kòn cau. Ngai chờ cau kơnòm să ală càr Tây Nguyên là broă lơh ờs mờng geh ală kơnă mpồl ơruh pơnu 5 càr Tây Nguyên bơyai lơh sùm, là tu\ nàng ală ơruh pơnu ală kòn cau Tây Nguyên sơlơ tam klac, tìp mat cribơyai, tam pà mờng chài tàm broă lơh mpồl dê.

              Cau cih mờ yal tơnggit K’Duẩn