VOV4.K’ho – Jat Quy chế pơr lòng cấp 3 dà lơgar nam 2017 bơh Bộ Gíao dục mờ Đào tạo dê, sơn đờm bơh ngai do (01/4), ală cau pơr lòng tàm gùt lơgar sơn đờm tong sră cih mat tus bal pơr lòng jơh bơsram cấp 3 dà lơgar nam 2017. Tơngai cih mat pơr lòng nam do geh lơh bơh ngai 1 tus ngai 20/4. Tơnơ\ ngai 20/4, cau pơr lòng ờ geh tam gơl ală jơnau tơnggit bè jơnau pơr lòng halà môn pơr lòng neh cih mat. Kơnòm bơsram gơtùi blơi sră cih mat tus bal pơr lòng cấp 3 dà lơgar tàm ală hìu bơsram cấp 3. Hìu bơsram bơto bơtê sùm, ală Phòng giáo dục quận, kơnhoàl tàm càr, [òn dờng. Tơnơ\ mờ tu\ tong sră cih mat, cau pơr lòng geh pờ dùl tài khoản mờ mật khẩu nàng mut tàm phần mềm atbồ bơh tàm internet tàm anih: http://thisinh.thithptquocgia.edu.vn. Tài khoản do geh ngui nàng mut tàm phần mềm atbồ pơr lòng bơh tu\ cih mat pơr lòng tus tu\ sền điểm pơr lòng, sền gơ kờn pơr lòng cấp 3 mờ sac rơwah mut hìu bơsram đại học, cao đẳng. Bơh ngai do, cau pơr lòng kung gơtùi jòi jơnau tơnggit geh gơrềng tus sac rơwah cau bơsram bơh jơh ală hìu bơsram đại học, cao đẳng lơh cau pơgru mờ ală bơta gơ rềng tus pơr lòng mờ rơwah cau bơsram nam 2017 bơh Cổng thông tin rơ wah cau bơsram bơh Bộ giáo dục mờ Đào tạo dê jat anih http://thituyensinh.vn.

Jat khà kờp bơh ală Sở giáo dục mờ Đào tạo dê, nam 2017 digơlan geh mờr 955 rbô nă cau tus bal pơr lòng cấp 3 dà lơgar, kờp bal mờ cau pơr lòng khat gơboh.

                      Cau cih mờ yal tơnggit K’Duẩn