VOV4.K’ho – Ea Sup là dùl tàm ală kơnhòal geh bơta làng bol tus kis bơdìh mờ rơndap broă uă ngan rlau jơh tàm Dak Lak. Tus bơh uă tiah krơi is, bơhìan rài kis geh uă bơta krơi, ală cau tìs sơmờm mut bal, ơm pồn lơh bè làng bol lòt lơh sa pa, den tàng bơta ngap lơngai tàm [òn lơgar pơhìn gơlik geh uă kal ke. Tềng đap bơta do, ală nam do, kuang đơng lam bồ kơnhòal neh sền gròi đơng lam broă mblàng yal mut ngui adat boh lam, bơt bơtàu srơh gùt làng bol sền gàr ngap lơngai dà lơgar, ai srơh ngai sơlơ bơtàu tơnguh, ngan ngồn, gàr niam rài kis ngap lơngai làng bol in:

Tơnơ\ mờ tu\ geh kơrnuat sồ 521 tơlik nam 2005 bơh Kuang gơs gơnap gơnoar atbồ hơđang rlau jơh dà lơgar dê bè broă mut lơh gùt làng bol sền gàr ngap lơngai dà lơgar, mpồl đơng lam Đảng kơnhòal, Anih duh broă làng bol kơnhòal Ea Sup, càr Dak Lak bơyai lơh mblàng ngui tus mờ kuang đơng lam bồ ală gah, mpồl lơh broă, mpồl bal kung bè chồl pràn broă mblàng yal, bơto bơtê adat boh lam, tơnguh git wă bơh kuang bàng, cau geh Đảng mờ làng bol, git loh jơnau kờ`, bơta kuơ màng bơh Ngai chờ gùt làng bol sền gàr ngap lơngai dà lơgar, lơh geh tam gơl pa tus mờ broă lơh sền gàr ngap lơngai, ờ do ờ dă. Bal mờ hơ\, Kuang àng kơnhòal neh cribơyai mờ mpồl Đảng, gơnoar atbồ ală kơnă ai tơlik uă sră nggal đơng lam, pơlam mut lơh.

10 nam do, ngai chờ gùt làng bol sền gàr ngap lơngai dà lơgar neh gơ rề pràn ngan, gơ hòi geh gal ngan ală rơnàng làng bol tus bal lơh jat, mờ uă tơngume, broă lơh li la, geh cồng nha. Gùt kơnhòal neh bơt bơtàu geh 274 mpồl sền gàr ngap lơngai is, ală [òn ơm kis sền gàr is, mờ broă lơh pa bè broă lơh [òn làng bol ơm kis sền gàr is mờ ngap lơngai sền gàr is tàm ală ntum Ea Bung, Ea Lê, Cư Mlanh; broă lơh sap ntas klèng 3 cơldu\ tàm Ia T'môt; broă lơh mpồl cau ùr ờ geh bơklau, ờ geh kòn gơbàn tìs tàm mpồl bơtiàn mờ cau tìs tàm ntum Ea Bung; broă lơh mpồl cau lơh broă sa mờ adat boh lam tàm ntum Ia T’môt…Kung bơh lam sồr gùt làng bol tus bal tàm srơh sền gàr ngap lơngai dà lơgar, kơnhòal Ea Sup neh lơh geh 11 thùng ơn sră pơyua yal yă cau tìs tàm ală ntum, [òn drà, bơh hơ\ làng bol neh yal yă, dong mpồl kuang àng git go\, lah yă 541 broă lơh tìs kup màng; pơgồp bal kup 63 nă cau gơtìp jòi kup, pơgồp bơnah tơmù bơta cau tìs tàm kơnhòal.

Nàng gàr niam, brồ guh cồng nha bơh srơh gùt làng bol sền gàr ngap lơngai dà lơgar, mpồl Đảng, gơnoar atbồ ală tiah neh sền gròi, bơtàu tơnguh mpồl Kuang àng ntum, [òn drà, sền gàr [òn ơm kis, anih lơh broă, hìu bơsram. Tu\ do, mpồl do neh geh bơta bơtàu tơl khà cau lơh broă, gàr tơl bơta niam, mờ 279 nă kuang àng ntum, 59 nă cau sền gàr [òn, neh yal ală anih lơh broă geh gơnoar in git nđờ rhiang jơnau tơngit gơ rềng tus sền gàr ngap lơngai, ờ do ờ dă geh kuơ ngan; pơgồp bal dong mpồl kuang àng rơcang sơndră mờ kơryan geh cồng nha ală bơta cau tìs, pơgồp bơnah sền gàr ngap lơngai, ờ do ờ dă mpồl bơtiàn tàm [òn lơgar.

Bal mờ broă bơt bơtàu, chồl pràn srơh gùt làng bol sền gàr ngap lơngai dà lơgar, mpồl đơng lam Đảng, anih duh broă làng bol kơnhòal Ea Sup, càr Dak lak gam sền gròi đơng lam mpồl Kuang àng kơnhòal brồ guh bơngă lơh tờm tàm broă tam dră, rơcang sơndră cau tìs, sền gàr ngap lơngai gùng dră bal, ờ do ờ dă mpồl bơtiàn. Mpồl kuang àng kơnhòal geh bơt bơtàu pràn kơldang kơ\ kơljap tơl làm, mpồl kuang bàng, cau ling kuang àng neh geh bơto pơlam wil tơl, nhap nhar, chài lơh broă, geh nùs nhơm khin cha, nùs nhơm gùng dră bal kơ\ kơljap, sùm jơh nùs, lam lài drơng broă làng bol. Sùm ai mpồl lơh broă tus tàm [òn lơgar, mut lơh ringbal ală broă lơh chài lơh broă, git ală bơta gơlik geh, gàr bơta rơcang lài tàm broă rơcang sơndră, kơryan ală bơta cau tìs, broă lơh tìs tàm [òn lơgar, kơryan ală bơta lơh aniai tus ờ do ờ dă, ờ lời geh ală anih gơbàn uă bơta ờ niam aniai tus ngap lơngai mpồl bơtiàn.

Cồng nha ală nam do, Kuang àng kơnhòal Ea Sup neh lùp khàu, lơh loh jơh ală broă tìs gơlik geh là broă tìs kơn jơ\ ngan, lùp khàu lơh loh 75% broă tìs ờ huan kơn jơ\ mờ kơn jơ\, kup ai uă phan bơna dờp wơl dà lơgar mờ làng bol in. Ală tă pơgồp bơh mpồl Kuang àng kơnhòal Ea Sup dê tàm broă rơcang sơndră cau tìs, sền gàr ngap lơngai ờ do ờ dă mpồl bơtiàn neh pơgồp bơnah gàr kơ\ ngap lơngai tàm tiah nhàr dà lơgar, lơh gơs tiah ơm kis ring niam nàng [òn lơgar in bơtàu tơnguh lơh sa.

                                                                                                             Cau mblàng K' Duẩn.