VOV4.K’ho - Tềng đăp mờ broă kal ke bè bơta tòm bơh ù tiah tàm ală càr geh brê, Quốc hội neh tơl^k Nghị quyết sồ 112 nam 2015; Thủ tướng kung neh tơl^k Chỉ thị lơh jăt Nghị quyết 112 bơh Quốc hội, sồr tam cah jơh ală bă ù, jào ù lơh sa suơn sre ai càr, làng bol in. Gùng dà broă lơh di pal do, neh geh làng bol, cau tòm brê mờ gơnoar atbồ [òn lơgar kờ` bal ngan tài geh dong kờl bơsong nùs nhơm ờ su\k ơm neh uă nam do.

Hìu nhă ồng Nah, kòn cau Bơnhàr, bơh uă rài neh lơh sa tềng bă ù tàm [òn Đak Ó 2, xã Kon Chiêng, kơnhoàl Mang Yang. Bu\ lah neh tam phan niam jo\ nam, mơya tàm sră rùp ù tiah, bă ù hìu nhă ồng Nah kung gam tàm rơndăp broă ù brê, gam là ù gơwèt Lâm trường Kon Chiêng dê, tu\ do là Công ty lâm nghiệp Kon Chiêng.

Bă ù lơh sa hìu ồng Nah dê

Pa do, tu\ kuang bàng kơnhoàl bal mờ lâm trường do tus was mờ yal geh lơh ală sră nggal kờ` lơh sră ngui ù, ồng Nah chờ hờp ngan: “Bă ù do bơh mò pàng lời wơl, bơh tu\ hơ\ tam phan sùm neh uă nam bloh, ală tòm pơ-ò ne là bơh mò pàng tam. Tus tu\ do, geh lơh sră ngui ù kờ` ring niam tàm broă lơh sa. Hìu a` mìng geh bă ù do kờ` lơh sa mơ”.

Tàm kơnhoàl Mang Yang, Công ty Lâm nghiệp Kon Chiêng là anih tòm brê geh bă ù dờng ơnàng ngan mờ di pơgăp 15 rơbô 700 lồ. Tàm hơ\, geh rơlao 2 rơbô lồ là [òn ơm kis mờ lơh sa niam, jo\ jòng bơh 5 [òn làng bol kòn cau kis bơh jo\ tàm do dê. Jăt ồng Nguyễn Thanh Bình, Phó kuang atbồ Công ty Lâm nghiệp Kon Chiêng yal, broă sền wơl, jào rơlao 2 rơbô lồ ù do ai [òn lơgar sền gàr, lơh sră ngui ù làng bol in là di pal, pleh mờ broă tam phà ù tiah bơh công ty mờ làng bol. Ồng Nguyễn Thanh Bình pà g^t: “Jơh bă ù jào wơl [òn lơgar dê, tàm hơ\ geh bal ù lơh sa suơn sre mờ ù lơh hìu ơm là di pơgăp 2003 lồ. Mùl màl, bă ù do, làng bol neh tam phan bơh jo\ ngan, tàm hơ\ geh bal sre, hơ\ sồng tam tòm bời lời. Làng bol kung kơ\p kờ` tam cah, ai wơl kờ` làng bol in geh gơnoar sền gàr ù tiah, lài do bol a` sền gàr tàm pang sră mơ, mùl màl làng bol gam tam phan”.

Den jăt ồng Đinh Ngui, Chủ tịch UBND xã Kon Chiêng yal, Quốc hội tơl^k Nghị quyết sồ 112 nam 2015 bè broă tơnguh sền gàr ù tiah geh bơh anih lơh sa suơn sre, brê bơnơm dà lơgar sền gàr geh là 1 broă tam gơl niam ngan tus mờ broă sền gàr ù tiah kung bè gàr niam ù lơh sa, ù lơh hìu ơm làng bol in: “Tàm tơngai tus, bol a` geh pơgồp bal mờ công ty mờ ală gah, mpồl lơh broă geh gơnoar kơnhoàl dê, geh was, sền gròi mùl màl kờ` mblàng tus tơl bơta ù. Bè ù lơi geh tàm ù lơh sa suơn sre, ù lơi là ù brê. Bơh tu\ hơ\, xã geh tơwèt, dan mờ gơnoar atbồ, bă ù lơi lơh sa suơn sre den tam gơl làng bol in, tơnơ\ do lơh sră ngui ù kờ` làng bol lơh sa niam”.

Tàm bơta ndai, tu\ sền wơl ală bă ù bơh nông-lâm trường pà go\, geh uă bă ù lơh mìr gam gơwèt rơndăp broă 3 bơta brê, tài geh tàm ală tiah kuơ màng.

Geh ờ uă [òn làng bol kis bơh yau tàm pang sră rùp ù tiah gam là ù brê

Gơwèt mờ bă ù do, jăt ồng Lê Trọng, Phó kuang atbồ UBND kơnhoàl Mang Yang yal, pal geh broă lơh kờ` dong kờl làng bol tam wơl brê. Bơta do di pal mờ broă dong kờl tơnguh bơtàu lơh sa brê bơnơm, mờ gàr niam ờ gơbàn ờ di pal tus mờ làng bol. Ồng Lê Trọng dan: “Gơwèt mờ bă ù tàm dơ\ do geh ai 3 bơta brê mờ làng bol gam tam phan kung gam tàm rơndăp broă ai 3 bơta brê den a` dan, pal jào wơl làng bol in jăt mờ Nghị định sồ 75 nam 2015 bơh Thủ tướng Chính phủ ha là Quyết định sồ 38 nam 2016 bơh Chính phủ mờ broă lơh 135. Kờ` jào ù làng bol in tam brê ha là jào ù brê làng bol tam brê bơh tàm bă ù làng bol dê”.

Càr Gia Lai tu\ do geh 11 công ty lâm nghiệp mờ 4 mpồl sền gàr brê rơcang gàr geh lơh bơh 15 lâm trường quốc doanh lài do, kờp jơh bă ù geh di pơgăp 212 rơbô lồ. Tàm ală mpồl lơh broă do, ndrờm geh sră rùp ù tiah mờ sră sền gàr ù ờ di pal, ờ geh lơh wơl di tu\, ờ tơl^k di pal mờ mùl màl broă sền gàr, ngui ù; broă ai tơl^k nhàr, tồt `jrong mờ lơh sră ù tiah pa mìng lơh tàm pang sră, ờ hềt geh ai mùl màl, geh bơto sồr, was tàm mùl màl. Bơh tu\ hơ\, lơh gơbàn g^t nđờ 10 rơbô lồ ù neh geh làng bol tam phan, ngui ù uă nam mơya tàm pang sră rùp ù tiah gam là ù brê, ù lâm nghiệp.

Rơndăp, tam gơl pa mờ tơnguh broă sền gàr ù tiah tàm ală nông-lâm trường quốc doanh là gùng dà, broă lơh di pal Đảng dà lơgar, Quốc hội mờ Chính phủ dê. Bơh tu\ hơ\, geh tơmù ală broă lơh ờ pràn kung bè ală kal ke gơbàn tàm broă sền gàr, ngui ù tàm ală tiah. Kờ` pơn jăt tai lơh jăk niam gùng dà, broă lơh do, tàm tơngai tus, pal geh broă tus bal nền nòn rơlao tai bơh ală Bộ, gah, mpồl lơh broă gơrèng bal mờ gơnoar atbồ ală kơnă dê.

     Cau cih mờ yal tơng^t Ndong Brawl