VOV4.K’ho - Tu\ do, tàm tơl hìu nhă, broă prăp sơnơm sơm kòp tàm hìu neh geh uă. Bơta do geh drơng tàm broă sơm kòp mờ [uơn tàm ală tu\ kờ` mhar. Mơya, uă cau ờ mờng  tơngai ai ngui sơnơm lài mờ tu\ ngui. Ngui sơnơm neh jơh tơngai ai ngui lơh gơbàn uă bơta ờ niam mờ he ờ g^t lài. Dơ\ lùp dược sĩ Nguyễn Đình Diệm, Phó Phòng Nghiệp vụ Dược, Sở Y Tế càr Dak Lak tơnơ\ do geh sồr tơnkah tu\ ngui, prăp gàr sơnơm sơm kòp tàm hìu nhă, pleh mờ broă ngui sơnơm neh jơh tơngai ai ngui.

-Tơngai ai ngui bơh sơnơm geh ai bè lơi ơ dược sĩ?

Dược sĩ Nguyễn Đình Diệm: Tơngai ai ngui sơnơm là tơngai geh ai bơh 1 khà sơnơm mờ tơngơ\ mờ tơngai hơ\, sơnơm ờ geh ngui tai. Uă cau geh bơta mờng prăp sơnơm tàm hìu tơnơ\ mờ dùl tơngai jo\ den kung gam ngui mờ ờ sền tus mờ tơngai ngui sơnơm, bơta do geh lơh aniai tus mờ bơta pràn kơl dang să jan.

Jăt mờ tơl bơta sơnơm mờ geh bơta aniai krơi is tu\ ngui sơnơm neh jơh tơngai ai ngui. Lài jơh, cau kòp ờ bời kòp mờ lơh kòp sơlơ jroă rơlao mờ roh tơngai “kuơ” kờ` sơm kòp tu\ gam ờ jroă.

Geh tu\ cau kòp di gơlan chơ\t di lah ală bơta sơnơm hơ\ là sơnơm sơm kòp pràn. Ngòt rơngơ\t rơlao, sơnơm jơh tơngai ai ngui di gơlan lơh geh ală bơta khih aniai tus mờ să jan.

-Dược sĩ gơtùi pà g^t loh làng rơlao khà ngòt rtơngơ\t bơh tơl mpồl sơnơm di lah neh jơh tơngai ai ngui?

Dược sĩ Nguyễn Đình Diệm: Gơwèt mờ ờ uă sơnơm ngui bơdìh să ha là tơmù duh să den di gơlan bơta ngòt rơngơ\t ờ uă ir, mơya gơwèt mờ ờ uă bơta sơnơm sơm kòp pràn bè nùs gùng mhàm, gơguh huyết áp, đồm sơdàng, sơnơm sơm kòp hian, sơnơm cro\c măt den bơta gơrềng bal uă ngan.

Bè gơwèt mờ cau kòp gơguh huyết áp, kòp đồm sơdàng den cau kòp pal ngui pah ngai. Di lah sơnơm neh jơh tơngai ai ngui den ndrờm bal mờ broă ờ gơtùi sơm kòp den lơh gơbàn ală bơta ờ niam ndai geh tu\ tus chơ\t. Gơwèt mờ sơnơm kháng sinh pal lơh jăt liều sơm kòp mờ tơngai sơnơm kòp.

Di lah sơnơm do neh jơh tơngai ai ngui den ờ gơtùi sơm kòp, lơh aniai tus mờ să jan, kuơ màng lơh gơbàn sơndră mờ sơnơm kháng sinh

-Ơ dược sĩ? Tu\ prăp sơnơm sơm kòp tàm hìu den pal kah ală bơta lơi kờ` gàr niam bơta ờ do ờ dă mờ geh cồng nha bơh sơnơm?

Dược sĩ Nguyễn Đình Diệm: Kờ` ngui sơnơm niam ờ do ờ dă, lơh geh cồng nha den tàm broă ngui, làng bol pal kah ờ uă bơta tơnơ\ do:

-Pal ngui sơnơm jăt jơnau bơto sồr bơh bác sĩ, dược sĩ, kuơ màng mờ mpồl sơnơm geh cih măt.

-Tu\ blơi sơnơm pal sền nền tơngai ai ngui bơh sơnơm dê.

-Di lah geh tùh sơnơm tàm hìu den pal lơh jăt broă sền gròi sơnơm jăt tơngai, sơbì ală bơta sơnơm neh mờr jơh tơngai ai ngui. Ală bơta sơnơm dà, tơnơ\ mờ tu\ neh pờ bơno\p, bu\ lah gam tơngai ai ngui mơya kung ờ gơtùi ngui jo\ ir tàm 15 ngai. Gơwèt mờ sơnơm cro\c măt mờ ală bơta sơnơm siro den tơnơ\ mờ tu\ pờ bơno\p ba` ngui uă ir 1 nhai.

-Tàm broă prăp gàr sơnơm pal lơh jăt kơrnoăt l^p tềng kơl dung sơnơm. Bè prăp sơnơm tàm tiah niam, ờ geh sùh dà, ờ geh măt tơngai sòl tơn. Ba` lời tàm ală tiah duh uă bè cốp rơndeh ha là ală tiah sùh dà bè hìu um, duh bè hìu [ềp.

-Tu\ ờ hềt geh ngui den ba` pờ bơno\p khàr sơnơm kờ` pleh mờ broă gơbàn ală bơta gơrềng bơh bơdìh.

-Gơwèt mờ ờ uă sơnơm kờ` prăp gàr niam bè sơnơm insulin den pal lơh jăt bơta duh tàm broă prăp gàr geh cih tềng kơl dung sơnơm. Bè prăp tàm bơta duh bơh 5 tus 8 độ C ha là prăp tàm tiah mrềt bơh tùh mrềt kờ` gàr niam broă ngui sơnơm geh cồng nha.

-Ơi, dan ưn ngài dược sĩ uă ngan!

Cau mblàng Ndong Brawl