Geh ai git khà cau rbah tàm ua\ ngan bơta, bè ờ tơl bè lơh sa, lơh sơnơm,  bơto bơtê,  bơta kis la broa\ nàng geh tus rềp mờ rbah bơh ua\ bơta ngan gam geh Gah lơh broa\ cau ling sồt sa\ mờ mpồl bơtìan dà lơgar lơh geh, la broa\ lơh bơh sơnrờp nàng lơh geh bơta tơmù rbah tơngai tus mờ bơta mùl màl

Cồng nha mblàng rbah uă bơta geh lùp kờp tàm jơh ală càr mờ bòn dờng tàm gùt lơgar, jăt tàm khà bè bơto bơtê, lơh sơ nơm, broă lơh, phan bơna, bơta hìu ơm, priă lơh geh bơh Gah lơh broă cau ling sồt să mờ mpồl bơtiàn dà lơgar dê ai go\, rbah uă bơta tàm làng bol kòn cau mờ hìu bơnhă bòn lơgar geh khà jơnhoa rlau mờ cau yoan mờ hìu bơnhă tàm tiah bòn drà, bòn dờng. Tiah ring dà dờng Cửu Long là tiah geh khà rbah uă bơta jơnhoa ngan rlau jơh. Tàm hơ\, rbah priă lơh geh mìng là dùl tàm khà uă bơta ờ tơl mờ cau rbah pal ko\ng.

Jăt ồng Ngô Trường Thi kuang atbồ Cơldu\ lơh broă dà lơgar tơr mù rbah di Gah lơh broă cau ling sồt să mờ mpồl bơtiàn dà lơgar dê, jơnau kờn bơh cau rbah dê ờ di mìng kờn geh phan sa lơm gời mờ gam kờn geh tài ală jơnau bè kham sơm kòp, bơ srăm sră, dong kờl kơr nuăt boh lam. Rbah uă bơta neh geh Việt Nam lơh tàm ală nam do. Mơya, broă lơh tơr mù rbah ờ hềt ngan ngồn cèng wơl cồng nha bè jơnau kơ\p kờn tài bơh ờ tơl broă lơh kờp sền rbah.

Nam 2015, uă broă lơh, broă dong kờl bè tơr mù rbah tơn jơh, broă bơt bơtàu bơta tơl khà rbah uă bơta tàm Việt Nam geh dong tus broă sền kơlôi bơta rbah tơl làm rlau mờ tam cah cau loh làng rlau.

Cau mờng chài dong pơlam broă lơh tơr mù rbah mờ sền gàr dong kờl mpồl bơtiàn, di Mpồl bơtàu tơnguh anih duh broă dunia-UNDP, là mò Richard Marshall kung đơs là, Việt Nam kờn pal bơ tơl broă jòi gi\t bơta rbah uă bơta nàng tơnguh jơnhoa cồng nha broă lơh tơr mù rbah. Mơya, mò Richard Marshall đơs tờm, tu\ tam gơl bơh broă lơh kờp sền rbah dùl bơta tus kờp sền rbah uă bơta den ờ di là ờ dờp bơta gơ rềng bơh broă kờp sền rbah bơh priă lơh geh. Broă lơh uă bơta mìng là broă lơh bơ tơl nàng bal mờ broă lơh kờp sền rbah priă lơh geh, dong tus broă sền gi\t cau mờ gròi sền cau rbah geh cồng nha rlau.

Tu\ do, Gah lơh broă cau ling sồt să mờ mpồl bơtiàn dà lơgar gam jal mhar mu\t lơh rơndăp broă lơh Rbah uă bơta, lơh tơl khà rbah uă bơta. Jăt kơlôi sơ nơng bơh Tiến sĩ Nguyễn Hải Hữu kuang atbồ mpồl lơh broă sền gàr dong kờl mpồl bơtiàn, di Gah lơh broă cau ling sồt să mờ mpồl bơtiàn dà lơagr dê, jăt tàm mờng chài bơh dunia dê bè sền gi\t rbah uă bơta, broă lơh tơr mù rbah uă bơta tàm lơgar he pal sền gi\t loh cau nàng kờp sền rbah uă bơta là hìu bơnhă. Mơya, tơl nă cau tàm hìu bơnhă kung là dùl nă cau kuơmàng kờn pal sền gròi. Dơ\ bàr là ală jơnau kờn bơh sơn rờp mờ khà ết ngan rlau jơh kờn pal geh lơh geh.

Tiến sĩ Nguyễn Hải Hữu dan geh 15 jơnau kờn ê\t ngan pal geh, bè jơnau kờn sa hờm, sa phan tơl pràn, geh tơl àu mpha mờ àu mpha ram, geh kham sơm kòp tu\ gơtìp kòp tê jê să halà tu\ geh jơnau kờn kham kòp, kơ nòm dềt ờ gơtìp rơgai, nggờ] ki\ mờ jơnhoa jăt sơnam, cau dờng geh bơta pràn, geh jơnau kờn broă lơh pal geh broă lơh sùm; hìu bơnhă pal geh ală phan bơna ết ngan rlau jơh là bè ti vi, rơndeh coh, halà rơndeh măi nàng drơng jơnau kờ` iăt sền jơnau yal tơngi\t mờ lòt rê.

Jăt broă rơndăp lơh, nam 2015, broă lơh tơr mù rbah uă bơta geh sơnđờm mu\t lơh ngan ngồn. Mờ broă lơh dong kờl pa, mờ broă sền đơs mờ sền gi\t bơta rbah tơl làm rlau, ngan ngồn là ală bơta gơ rềng bơh broă dong kờl tàm cau rbah, kuơmàng là cau kòn cau rbah tàm tơngai tus geh tơl làm mờ geh cồng nha rlau.

                                                            Cau mblàng Lơ Mu K’ Yến