VOV4.K’ho- Dà Làc- Lâm Đồng là tiah nhơl chờ ơm rlô să niam ngan khà dùl bơh Việt Nam dê. Bơdìh mờ ală tiah, anih nhơl chờ lòt còp ờs mờng bơh jo\ neh pơnrơ ngan bơh Dà Làc dê bè nhjrùh dà Prenn, nhjrùh dà Datanla, tơnau dà Than Thở, Thung lũng Tình yêu, Dòr Mộng mơ, Sươn bơkau [òn dờng…tu\ do geh uă tiah lơh sa sươn sre công nghệ cao tàm [òn dờng do neh gơ gơs là tiah tus lơh gơkờn ngan cau, gơhòi gơ jà ngai sơlơ uă ngan năc lòt nhơl tus còp sền mờ sền nàng gi\t.

Bulah pa sơnđờm lơh lơm, mơya broă lơh nhơl chờ pa do neh ngai sơlơ gơ gơs mờ bơtàu tơnguh mờ gơs là phan bơna nhơl chờ ờ gơtùi ờ geh tàm [òn dờng Dà Làc dê.

3 nhai bồ nam 2017 do, gah nhơl chờ [òn dờng Dà Làc, càr Lâm Đồng dê wa\ rò rlau 1 tơlak 500 rbô nă năc lòt nhơl. Jơnau pal đơs ngan là, bơdìh mờ ală tiah, anih lòt còp nhơl chờ mờng quèng ngan bơh Dà Làc, càr Lâm Đồng dê bè nhjrùh dà Prenn, nhjrùh dà Datanla, tơnau dà Than Thở, Thung lũng Tình yêu, Dòr Mộng mơ, Sươn bơkau [òn dờng…den năc lòt nhờl lòt jòi tus ală tiah lơh sa tam biăp, bơkàu, zơu tây jat broă lơh sa sươn sre công nghệ cao bơh cau lơh broă sa tàm tiah do dê ngai sơlơ gal. Tus còp mờ mat tờm sền go\ tơn ală àr biăp ală bơta tơlir niam ngan geh tam mờ sơngka sền gàr mờ công nghệ pa ngan tàm dùl anih nhơl chờ lơh broă sa sươn sre tàm sơnah [òn 9, [òn dờng Dà Làc, bi Nguyễn Thị Nhung, năc lòt nhơl tus bơh [òn dờng Hồ Chí Minh đơs bè jơnau sền go\ bơh bi dê bè do:

“A` gơlơh kờn ngan tu\ tus còp mờ nhơl chờ sươn bè do. Tài bơh tàm do he geh sền go\ tơn sền go\ chi tam geh kis dờng mờ bơtàu tơnguh bè lơi. Bơh hơ\ he kung gi\t loh geh công nghệ tam jat sinh học, jat gùng dà broă lơh kloh, broă mờ cau lơh broă sa lơh gơlik phan bơna niam, bơkah ờdo ờdă ai cau ngui sa in”.

Năc lòt nhơl tus còp sền broă chài lơh broă sa sươn sre công nghệ cao tàm Dà Làc

Bơdìh mờ ală anih lòt còp lơh broă sa sươn sre lơh is, lơh geh jơnau kờn lòt còp nhơl chờ lơh broă sa sươn sre ngai sơlơ gơguh tai bơh năc lòt nhơl dê, Ủy ban Nhân dân [òn dờng Dà Làc neh di tu\ lòt sền mờ yal mờr 30 anih lơh sa sươn sre công nghệ cao geh tơl bơta pal geh pờ mpồng wa\ rò năc lòt còp. Jat bi Nguyễn Văn Thành, là cau pơlam lòt nhơl tàm Dà Làc yal, bulah là dùl broă lơh pa bơtàu tơnguh lơm, mơya nhơl chờ lơh broă sa sươn sre neh gơ gơs là dùl tàm ală phan bơna nhơl chờ lơh gơkờn ngan cau ờ gơtùi ờ geh ai năc lòt nhơl in tu\ tus mờ [òn dờng do. Ngan den tàng bè hơ\ mờ gơnoar atbồ [òn dờng Dà Làc, càr Lâm Đồng sền dờng màng bơtàu tơnguh nhơl chờ lơh broă sa sươn sre là bơnàng jă kuơmàng nàng pơgồp bơnah chul chồl gah nhơl chờ bơtàu tơnguh kơ\ kơl jăp rlau. Bi Nguyễn Văn Thành, pà gi\t:

“Tàm Dà Làc tu\ do bơtàu tơnguh lơh broă sa sươn sre công nghệ cao là dùl gùng dà broă lơh mờ geh lơh pràn ngan. Tài bơh ală phan ngui, ală broă lơh ndrờm đòm jat mờ blơi bơh lơgar ndai lơm, kuơmàng là ală công nghệ pa neh geh ngui ngan ngồn tàm ù tiah [òn dờng Dà Làc. Gơ neh lơh gơlik geh dùl phan bơna nhơl chờ lơh broă sa sươn sre ai Dà Làc in mờ năc lòt nhơl tus tàm do geh gi\t wa\ geh bè lơi là lơh broă sa sươn sre công nghệ cao”.

Jat kờp du\ bơh gah nhơl chờ càr Lâm Đồng dê, bơh bồ nam tus tu\ do, ală anih nhơl chờ lơh broă sa sươn sre bơh [òn dờng Dà Làc dê ndrờm neh gơhòi gơ jà gi\t nđờ rhiang rbô nă năc lòt nhơl tus còp sền mờ sền kờn gi\t. Jơnau do pà go\, broă sền dờng màng mờ ai nhơl chờ lơh broă sa sươn sre ngui lơh broă là dùl gùng dà broă lơh niam ngan, pơgồp bơnah lơh gah nhơl chờ là gah lơh sa tờm ngan bơh Dà Làc dê bơtàu tơnguh pràn rlau. Mơya, jat mò Nguyễn Thị Bích Ngọc, Phó Giám đốc Sở Văn hoá, thể thao mờ du lịch càr Lâm Đồng đơs, nàng nhơl chờ lơh broă sa sươn sre gơ gơs là dùl phan bơna lơh gơkờn cau mờ gơ jat bơta mờng quèng jak chài kờn pal geh pơn jat tai tơrmù lơh uă broă lơh:

“Lơh broă sa sươn sre công nghệ cao bơh Dà Làc dê bơtàu tơnguh tàm tơngai pa do neh gơ gơs là bơta pal geh nàng Dà Làc- Lâm Đồng bơtàu tơnguh dùl broă lơh nhơl chờ pa, gơhòi gơ jà geh uă ngan năc lòt nhơl. Den tàng bè hơ\, tàm tơngai tus, bơtàu tơnguh nhơl chờ lơh broă sa sươn sre là jơnau kờn mờ là gùng dà broă lơh bơh gah nhơl chờ Lâm Đồng dê. Bol a` kung gam geh uă broă lơh nàng sơlơ hòi jà mờ yal tơngi\t ai gah broă lơh nhơl chờ do in. Mơkung pơgồp bal mờ bàr pe gah lơh broă geh gơnoar, gơnoar atbồ tiah do nàng lơh pràn lơh mat kă bro ai nhơl chờ lơh broă sa sươn sre in, mơkung dan dong kờl dùl bơnah ai ală mpồl lơh broă nhơl chờ lơh broă sa sươn sre in bơcri priă lơh phan bơna, dong kờl bơto cau lơh broă, kuơmàng là dong kờl broă lơh hòi jà, yal tơngi\t phan bơna”.

Mờ ală gùng dà broă lơh tàm dong kờl, lơh geh ală bơta [ưon nàng gah nhơl chờ pa do bơtàu tơnguh niam ngan bơh gah nhơl chờ Lâm Đồng dê, bal mờ bơta pràn jak neh geh lài tàm bơtàu tơnguh lơh broă sa sươn sre công nghệ cao bơh tiah do dê, broă lơh nhơl chờ sươn bơh Dà Làc- Lâm Đồng dê tàm tơngai tus ờ jo\ tai geh kơ\p kơnờm bơtàu tơnguh kơ\ kơl jăp rlau!

Cau cih mờ yal tơngi\t- Lơ Mu K’ Yến