VOV4.K’ho - Tàm dơ\ pơrlòng ơruh pơnu đơs crih kòn cau mờ uh, teh gùng đơs crih, dròng cing mồng kòn cau càr Daklak geh bơyai lơh nam lài, cau sền geh ai go\ bơta niam ngan mờ dùl mpồl cing kơnòm sa\ bơh cau Jarai tàm kơnhòal Ea Sup dròng cing Pêl.

            Bal mờ cing Arap, cing Pêl kung la dùl bơta cing ai go\ ngan bơhìan niam krơi bơh cau Jarai. Cing Pêl tu\ do geh cau kơnòm sa\ kờ` rlau tài gơ niam, gơ tùi dròng ala\ jơnau cing dròng pràn, pa ngan.

            Dùl bòr cing Pêl geh pơgap bơh 24 tus 28 pang, tàm hơ\ ờ ua\ pang cing la cing lam gùng dròng, bơh tơl na\ cau dròng dùl pang cing. Hơ\ la ala\ cing geh sơnđan Ania, Chi, Pêt, Pơkha. Gơjat bơh tơl bòr cing mờ cing Pêt mờ cing Pakha di gơlan gơ geh ua\ rlau dùl pang. Bal mờ hơ\ la dùl che cing bơh 13 tus 24 pang geh 2 na\ cau dròng bơh 2 bồ mờ 2 na\ cau chài ơm tam gùl nàng dròng. Che do geh ai go\ lơh geh niam ntas, lơh geh bơta ntas krơi is bơh tơl jơnau cing.

            Cing Pêl mờng ngui tàm ala\ dơ\ `ô sa, lơh chờ chờ hờp. Tàm dơ\ pơrlòng ơruh pơnu đơs crih kòn cau mờ uh teh gùng đơs crih, dròng cing mồng kòn cau càr Daklak, Câu lạc bộ cing kơnòm sa\ [òn A1, kơnhòal Ea Sup neh dròng cing Pêl mờ jơnau dròng cing geh sơnđan ‘’Bè geh Bác Hồ tàm ngai chờ jai pha dờng’’. Jơnau dròng cing geh khà jờng la khà A, khà jờng jơnhua ngan tam dơ\ pơrlòng. Bòr cing Pêl neh ai go\ bơta niam bơh cing mồng mờ lơh di bơta jơh nus bơh cau gam kơnòm sa\.

            Bi Y Khăm Ta Niê, atbồ câu lạc bộ cing mồng [òn A1 ai git, mpồng  cing mồng geh crơng gơs bơh nam 2015, tus tu\ do neh geh rlau 40 na\ cau, geh lơh bal mờ dròng cing mồng mờ tam ya bơhìan yau. Cậu lạc bộ geh bơyai lơh lơh broa\ dùl poh dùl dơ\, hơ\ sồng geh lơh broa\ jat kàl nàng gơ in di pal mờ mùl màl lơh sa. Tờm ngan bơh câu lạc bộ la ala\ ơruh pơnu tàm [òn lơgar, mơya kung pal geh ngan bơta tus bal bơh ala\ cau chài git dròng cing bơto cing mồng mờ cau đơs crih tam ya kòn cau:

            Tu\ do câu lạc bộ a` dê la dùl câu lạc bộ cing mồng kơnòm sa\ bơh [òn A1, kơnhòal Ea Sup nàng sền gàr bơhìan chài rgơi bơh cau Jarai, pơnjat tai bau prap gàr bơhìan mò pang. Ala\ rnàng cau bơh dềt tus dờng mờ tus bal mờ cau chài kung bè ala\ oh mi neh geh bơta mờng tàm broa dròng cing  sùm geh bơto bơtê wơl ala\ bol oh in.

            Oh Y Sinh Hra, cau tàm mpồl cau lạc bộ, boh bơr:

            Oh gơ lơh pơnỳơ sa\ ngan la cau kòn bơh kòn cau Jarai bềng bơhìan chài rgơi mờ oh geh bèp ồng bơto bơtê wơl bơhìan chài rgơi hơ\ nàng bal mờ rnàng kòn sau đòm jat.

            Bơta kuơ màng sùm lòt bal mờ cing mồng bơh cau Jarai la tam ya. Gơjat mờ tơl adat lơh yàng, gơ jat jơnau cing mờ geh ua\ jơnau tam ya gơ di di pal. Mờ ala\ jơnau cing moat den mờng gan la Arap, tơl cau geh ngui tam ya at tê bal mờ tơngguh tơmù sa\ sùm. Mờ ala\ jơnau cing chờ bè cing Pêl, den tơl cau tam ya geh tơnguh tơmù tê jat 2 đah pung dà.

            Mờ cau Jarai, tam ya la dùl bơta bơhìan niam pal geh bal mờ ntas cing mồng di nhịp. Tàm tơl bùi dròng cing, cau tam ya den la gal ngan. Cau sền sơnơng bơhìan chài rgơi Linh Nga Niê Kdăm mblàng: Rùp rài bơh ala\ ùr ơruh, klau pơnu tam ya jat ntas cing sùm gơ hòi gơjà, bulah gơ geh gơ tam gơl nàng gơ di pal mờ rài kis pa tu\ do:

            Jơnau tam ya la yau ngan, la tam ya at tê, jo\ ngan bloh hơ\ sồng sền go\ wơl jơnau tam ya do. Ai bè tam ya xoang den la tam ya bơhìan bơh cau Jarai la tam kue\ nao tê èt bal mờ chồl hờ đah lài. Tơnơ\ do, ala\ mò pang đơs la bol pơnu ơruh bol khi bơsram nàng cuh tơrbluh bơrhong. Bơh jơnau tam ya tơrbluh bơrhong ờ di la tam ya yau mờ la tam ya pa. Mơya kung ờ geh bè lơi sơl, mìng hơ\ la tam ya, mờ tam tu\ ntas cing den geh tam ya, bè hơ\ la di.

            Cing mồng cau Jarai mờ tam ya gam geh ala\ cau kơnòm sa\ tàm Ea Sup, Daklak pơnjat tai bơtàu tơngguh, pơ gồp bal tàm bơhìan niam  chài ờ di phan bơna  ala mat bơh kòn bơnus gam sùm tàm Tây Nguyên.

                                                Cau cih mờ yal tơnggit K’ Brọp