VOV4.K’ho – Pơrjum dơ\ 3, Quốc hội kơnă 14 mùl màl mu\t pơrjum tàm Hà Nội mờ uă tơngu me kuơ màng geh cau te\ khà gùt lơgar kơ\p kơnờm. Uă jơnau kơ\p kơnờm bơh cau te\ khà geh pơyoa tus kuang bàng Quốc hội tàm pơrjum do pà go\, cau te\ khà sền gròi ngan tus mờ broă sa kuề sa koà, hoàc huơr; broă bơ\t bơtàu adăt boh lam, jơnau yal sền gròi dờng bè bơta kloh niam ờ do ờ dă tàm phan sa, mờ gam là jơnau neh uă dơ\ pơrjum ờ hềt geh bơsong, hơ\ là ”Geh tơnhào ờ geh khà priă’ ”Geh khà priă  ờ geh tơnhào”.

Pơrjum dơ\ do geh bơyai lơh tơnơ\ mờ pơrjum Dà lơgar 5 tơn jơh mờ broă tơl^k 3 Nghị quyết kuơ màng tus mờ broă tơnguh bơtàu lơh sa mpồl bơtiàn dà lơgar dê mờ sền wơl broă lơh glài kuang bàng. Tìp mờ cau te\ khà, ồng Nguyễn Quang Tuấn, mpồl kuang bàng Quốc hội [òn dờng Hà Nội pà g^t, bơh kuang bàng tàm Quốc hội, cau te\ khà [òn dờng Hà Nội neh pơyoa tus pơrjum dơ\ 3, Quốc hội kơnă 14 uă tơngu me dờng màng bal mờ geh bal tơngu me gơrềng tus tơn mờ làng bol.

Hơ\ là broă blơi groăt, blơi gơnoar atbồ, lơh niam sră nggal, tơmù khà kuang bàng lơh broă, rơndăp broă lơh lời gời, broă lơh niam wơl ală hìu ơm bal neh ờ kơl jăp. Bal mờ cau te\ khà gùt lơgar, cau te\ khà [òn dờng Hà Nội kung sền gròi ngan tus mờ ală tơngu me bè broă sơndră mờ sa kuề sa koà mờ toh wơl phan bơna bơh cau sa kuề sa koà. Ồng Nguyễn Quang Tuấn đơs:

- Cau te\ khà kơ\p kờ` geh Quốc hội iăt mờ geh ală broă lơh di pal. Ală jơnau đơs do tơrgùm tàm broă tam dră mờ sa kuề sa koà mờ toh wơl phan bơna bơh cau sa kuề sa koà. Bè he neh g^t lài do, geh uă dơ\ tam dră mờ sa kuề sa koà geh bơsong, mơya khà toh wơl priă geh bơh sa kuề sa koà hơ\ mìng geh di pơgăp 8% ờ uă ngan jăt mờ mùl màl mờ he gơbàn roh

Là pơrjum tàm gùl nam, den tàng dơ\ pơrjum do, Quốc hội geh ai uă ngan tơngai tàm broă bơ\t bơtàu adăt boh lam. Quốc hội di gơlan geh sền wơl, ring bal 13 rơndăp broă adăt, 05 rơndăp broă nghị quyết mờ ai pơgồp jơnau đơs 05 rơndăp broă adăt ndai.

Ồng Phạm Tất Thắng, mpồl kuang bàng Quốc hội càr Vĩnh Long đơs là: broă sa kuề sa koà gam geh bơh kơrnoăt ai tơl^k ờ nền nòn adăt sơndră mờ sa kuề sa koà tu\ do dê. Hơ\ là bu\ lah neh tơl^k mùl màl ală cau pal yal phan bơna, priă geh tàm broă lơh sră nggal tơl^k măt te\ khà mờ yal bơtơl phan bơna pah nam tàm ală anih lơh broă, mpồl lơh broă, mơya mùl màl broă lơh do gam mìng geh nùs nhơm lơh gời. Den tàng, pal gờ` tam gơl adăt sơndră mờ sa kuề sa koà tu\ do:

- A` go\ yal kung ờ geh gùng dà bơto sồr mùl màl mờ kung ờ geh jơnau sồr lơi kờ` sền gròi geh broă yal do. Yal hơ] kung geh nùs nhơm yal is mờ anih lơh broă dờp kờ` g^t ờ go\ geh tus sền kờ` g^t mờ kuơ màng ngan là ờ geh kơrnoăt lơi mùl màl kờ` sền gròi he lơh glài, ngui geh jơnau yal hơ\ tàm broă sơndră mờ sa kuề sa koà.

Tàm pơrjum do, Quốc hội kung geh ai di pơgăp 6 ngai nggùl kờ` sền wơl, cri bơyai mờ tơl^k kơrnoăt bè ală broă bè jơnau yal bơh Chính phủ bè broă sền bơtơl cồng nha lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar nam 2016; broă lơh jăt rơndăp broă tơnguh bơtàu lơh sa mpồl bơtiàn mờ kes priă dà lơgar ală nhai bồ nam 2017; k^ kơrnoăt tơn jơh kes priă dà lơgar nam 2015; broă tam cah is tơngu me tơm bơtơl, dong kờl, ntrờn ơm kis gơs rơndăp broă dềt kờ` lơh jăt rơndăp broă [làng rơndeh par Long Thành.

Kuơ màng geh sền gròi tus mờ jơnau yal Quốc hội sền gròi dờng broă lơh jăt broă dong kờl adăt boh lam bè kloh niam phan sa tơngai bơh nam 2011 tus 2016, ồng Đôn Tuấn Phong, mpồl kuang bàng Quốc hội càr An Giang đơs là:

- Mờ broă kloh niam ờ do ờ dă tàm phan sa, do là broă jo\ jòng, làng bol kờ` tìp mờ phan sa kloh niam ờ do ờ dă. A` g^t dơ\ do Quốc hội geh jơnau yal sền gròi uă bè kloh niam ờ do ờ dă tàm phan sa tơngai bơh nam 2011 tus 2016, kơ\p kờ` geh uă jơnau yal mờ cau te\ khà.

Bơh broă tìp mờ cau te\ khà, ală kuang bàng Quốc hội kung đơs là: cau te\ khà sền gròi uă broă bè tiah kis bal mờ tiah lơh sa suơn sre. Tài broă [ơ\ gơbàn bơh ală tiah lơh sa mờ măy mo\k lơh uă bă ù lơh sa suơn sre ờ gơtùi lơh sa. Broă lơh bràs gam gơbàn kal ke ngan tus mờ gơnoar atbồ.

Bơdìh hơ\ tai, broă geh tơnhào ờ geh khà priă, geh priă ờ geh tơnhào gam sùm gơbàn, pa ngan là broă khà priă poăc sur tàm lơgar gơmù uă, lơh hoàc huơr uă ngan tus mờ cau ròng sur. Ồng Ngô Sách Thực, mpồl kuang bàng Quốc hội càr Bắc Giang đơs:

- Broă geh tơnhào roh khà priă là bơta tòm uă ngan, jơnau kơ\p kờ` bơh làng bol dê di pal ngan, mơya bol a` gơ\ tu\ do pal tam gơl pa, chồl pràn rơlao, nền nòn rơlao bè broă tam gơl lơh sa suơn sre. Do là broă di lah he gam ngui broă lơh sa bè tu\ do, den broă do ờ mìng tus mờ sur, ha là plai chi do, plai chi ndai mờ gam gơbàn sùm tàm ală gah lơh sa ndai tai. Den tàng, pal ai khà mờ chồl pràn broă tam gơl lơh sa, mờ Chính phủ, Bộ Công thương, Bộ Nông nghiệp mờ Phát triển Nông thôn pal k^ broă pơgồp bal tăc phan mờ lơgar ndai mờ he geh broă lơh pràn.

Ală broă geh sùm, ală broă gơrềng tơn tus mờ rài kis cau te\ khà sùm geh kuang bàng rơwah mờ yal tàm pơrjum Quốc hội. Kơ\p kờ` ală kuang bàng Quốc hội geh tơnguh nus nhơm geh kơnòl tềng đăp mờ làng bol, pơgồp bal tàm broă lơh anih lơh broă làng bol pồ do mùl màl là anih làng bol gơtùi pơyoa nùs nhơm pin dờn mờ kơ\p kờ` làng bol dê.

Cau cih mờ yal tơng^t Ndong Brawl