Pa do,  kuang atbồ gah  gùng lòt pơndiang phan neh tơlik kơrnuat sồ 48 nam 2014 geh lơh niam bơsir ờ ua\ bơta bơh kơrnuat sồ  46 geh cih bè broa\  pơr lòng geh sra\ mai\ rơndeh. Pơnjat hơ\, ala\ làng bol geh sra\ mai\ rơndeh dờng hạng B1 hơ\ la ala\ cau ờ lơh broa\ mai\ rơndeh, ờ duh pal tam gơl sra\ mai\ rơndeh ua\ dơ\.

Broă tam gơl do, kờn lơh geh bơta bươn ai làng bol geh sră măi rơndeh dờng khà B1 (hơ\ là ală cau ờ lơh broă măi rơndeh), ờ duh pal tam gơl sră măi rơndeh uă dờng; Lơh geh tơl ală bơta bươn ai cau lơgar ndai geh sră măi rơndeh dunia in gơtùi măi rơndeh tàm lơgar Việt Nam mờ ờ duh pal lơh sră nggal tam gơl sră măi rơndeh; Mơkung, tơr mù bà tu\ tơngai tam gơl sră măi rơndeh ai ală cau geh sră măi rơndeh geh lơh tàm bòn lơgar do mơya tam gơl wơl sră măi rơndeh tàm ală bòn lơgar ndai.

Bè hơ\, jơnau cih do, ala tài geh ai ngui 10 nam bè tu\ do, den bơh ngai 1 nhai 12 tus do, sră măi rơndeh dờng khà B1 geh lơh ai cau măi rơndeh geh tu\ tơngai tus sơnam jơh sơnam lơh broă di ờ?

Di ngan bè hơ\, lài do, kơrnuat bơto pơlam sồ 46 cih tơngai ai ngui bơh sră măi rơndeh dờng khà B1 là 10 nam kờp bơh ngai lơh. Kơrnuat bơto pơlam pa den cih: Sră măi rơndeh dờng khà B1 lơh ai cau măi rơndeh geh tơngai ai ngui tus tơl 55 sơnam tus mờ cau ùr mờ 60 sơnam tus mờ cau klau. Dilah cau măi rơndeh rlau 45 sơnam tus mờ cau ùr mờ rlau 50 sơnam tus mờ cau klau den sră măi rơndeh geh lơh geh tơngai ai ngui 10 nam, kờp bơh ngai lơh.

Bè hơ\, là tơ nơ\ 55 sơnam tus mờ cau ùr, mờ tơ nơ\ 60 sơnam tus mờ cau klau den ờ geh ai măi rơndeh tai, ngan bè hơ\ ờ?

Ờ di là bè hơ\ ờ. Làng bol kung gam geh lơh sră măi rơndeh sơl, dilah tơl pràn mờ geh tơl sră nggal jăt jơnau cih bơh adăt boh lam dê. Tơngai ai ngui bơh sră măi rơndeh dê tus mờ ală cau do là 10 nam. Pơnyơu bè: Bi ùr A tơl 18 sơnam, geh lơh sră măi rơndeh dơ\ sơn rờp, den tơngai ai ngui bơh sră măi rơndeh dê là tus 55 sơnam. Tơ nơ\ 55 sơnam, dilah bi ùr A kờn pơn jăt tai măi rơndeh den pal tam gơl sră măi rơndeh, tơngai ai ngui bơh sră măi rơndeh ală dơ\ tam gơl tơ nơ\ geh tơngai ai ngui là 10 nam. Ồng B, 59 sơnam pa bơsram măi rơndeh den tơngai ai ngui lơh sră măi rơndeh ai ồng B in là 10 nam; Tơ nơ\ 60 sơnam, dilah ồng B kờ` pơn jăt tai măi rơndeh, den pal tam gơl sră măi rơndeh, tơngai ai ngui bơh sră măi rơndeh ală dơ\ tam gơl tơ nơ\ kung gam geh sơl tơngai ai ngui là 10 nam.

Bè hơ\, ală jơnau cih pa tàm kơr nuăt do geh lơh gơ rềng tus bơta lơi tus mờ cau măi rơndeh taxi halà cau măi rơndeh buýt halà ờ?

Ờ go\ gơ rềng ờ. Kơrnuat bơto pơlam sồ 48 mìng tam gơl tơngai ai ngui bơh sră măi rơndeh khà B1 (hơ\ là ală cau ờ lơh broă măi rơndeh); Ai tơngai ai ngui sră măi rơndeh bơh ală khà rơndeh ndai dê kung gam gàr wơl bè ờs sơl.

Bè hơ\, broă lơh tam gơl sră măi rơndeh jăt Kơrnuat bơto pơlam pa geh bơta kuơ lơi ai làng bol in?

Tu\ do, bol he ờ tam gơl sră măi rơndeh dunia tus sră măi rơndeh bơh lơgar Việt Nam dê. Mơya, bơh ngai 1 nhai 12 tus do, lơh jăt Kơr nuăt bơto pơlam sồ 48, den cau lơgar ndai halà cau Việt Nam ơm kis tàm lơgar ndai geh jơnau kờn măi rơndeh tàm lơgar Việt Nam, dilah geh sră măi rơndeh dunia, bơh anih lơh broă geh gơnuar bơh ală lơgar tus bal ki\ Kơr nuăt pơrgon bè gùng lòt gùng rơndeh nam 1968 lơh, gam tơngai ai ngui, den geh măi rơndeh geh ai neh cih tàm sră măi rơndeh mờ ờ duh pal tam gơl sră măi rơndeh lơgar Việt Nam.

Bal mờ hơ\ tai, tàm jơh ală tu\, dilah anih lơh broă lơh tam gơl sră măi rơndeh pal lơh ai làng bol in tàm tơngai ờ jo\ rlau ir 5 ngai lơh broă, kờp bơh tu\ dờp tơl sră nggal dipal jăt jơnau cih bơh adăt boh lam dê. Ai bè tu\ do, cau geh sră măi rơndeh bơh bòn lơgar ndai ătbồ pal ơm kơ\p 25 ngai lơh broă, hơ\ sồng gơtùi tam gơl sră măi rơndeh.

Bè hơ\, tàm bơta ătbồ bơto bơtê, pơr lòng măi rơndeh geh bơta lơh pa?

Kuang atbồ Gah Gùng lòt pơndiang phan dà lơgar neh geh sră nggal sồr Mpồl lơh broă gùng rơndeh Việt Nam, Gah gùng lòt pơndiang phan ală càr mờ bòn dờng, mờ ală anih lơh broă geh gơ rềng pơn jăt tai mu\t lơh kràn cê jơh nùs ală broă lơh, tàm hơ\, sơlơ lòt sền ni sơna; Sền gròi tus bơta pràn kơldăng să jan\ bơh cau măi rơndeh dê. Gah Gùng lòt pơndiang phan dà lơgar geh kơlôi sơ nơng lơh crăp măi ai khà is tus mờ 2 kơi sồ gùng lòt tàm bòn lơgar; kờp sền wơl broă bơto bơtê măi rơndeh gơ in dipal mờ bơta geh ngan; Bơto pơlam broă lơh pơr lòng jăt gùng dà, lơh kràn tàm tu\ pơr lòng; sơlơ bơto pơlam ai mpồl cau pơgri, cau sền cau pơr lòng mờ kuăng bàng ătbồ ală anih bơto bơtê, pơr lòng măi rơndeh. Tàm hơ\, kuơmàng sền gròi tus broă tơnguh jơnhoa cồng nha bơto bơtê, pơr lòng măi rơndeh dờng khà A1 ( rơndeh măi 2 nơm kong geh bơta dờng xi lanh bơh 50 tus 175 phơng khối).

                                                                          Cau mblàng Lơ Mu K’ Yến.