VOV4. K’ho - Bơta gơbàn gơ tơrlơm gùng brong rgồng lam dà bơh hìu ma\y pờ tơlik ồs đèng Dà Dờng-Dà Chomo di ntum Lát, kơnhoàl Lạc Dương, càr Lâm Đồng pa do neh lơh 12 na\ cau lơh broa\ gơbàn kòl tàm dơlam, bulah tơnơ\ hơ\ jơh ala\ cau do ndrờm geh dong klàs lik bơdĩh ờ do ờ da\, mơya neh lơh geh ai go\ lài bè  bơta  gơbàn roh bơta ờ do ờ da\ tàm  broa\ mut lơh bơh ala\ broa\ lơh hìu ma\y đèng. Cau te\ khà càr Lâm Đồng gam ờ suk ngan  mờ bơta do geh gơbàn wơl, tu\ mờ tàm càr gam ua\ ngan broa\ lơh hìu ma\y đèng. Cau te\  khà đan mờ Gơnoar atbồ lơgar kờ` pal tơngguh bơta sền gròi rlau tai he dê tus mờ ala\ broa\ lơh hìu ma\y pờ tơlik pồs đèng tàm càr do đơs is mờ gùt lơgar đơs bal.

Tơnơ\ mờ dơ\ gơtìp tơrlah gùng trồm dà hìu măy pờ tơl^k ồs đèng Dà Dờng-Dà Chomo tàm càr Lâm Đồng, bơh ală kuang bàng đơng lam dờng ngan tus mờ ală làng bol gùt lơgar ndrờm ngòt rơngơ\t ngan, ờ su\k ơm sền gròi sùm broă dong klàs 12 nă cau lơh broă, bơtoah ngan tu\ tơn jơh neh geh dong klàs jơh ală cau, mơya neh lời wơl jơnau yal lài. Jăt cau te\ khà Nguyễn Thị Hồng, kis tàm [òn drà Liên Nghĩa, kơnhoàl Đức Trọng đơs, bu\ lah ờ ru ngan mờ broă kă bro tàm drà Liên Nghĩa, mơya mò bal mờ ală cau tăc phan ndai tàm drà do sùm sền dơ\ dong klàs 12 nă cau lơh broă bơh tàm ală anih yal tơng^t. Mò đơs là, bơh tàm broă gơtìp rềs àr do, neh tơl^k 1 jơnau kờ` bơsram di pal ngan tus mờ ală broă lơh hìu măy pờ tơl^k ồs đèng ndai dê:“Lài mờ hơ\, dơ\ tơrlah trồm brong dà den bol a` kung iăt, sền sùm broă dong klàs bè lơi. Mờ mùl màl ngoh rơngăc ngan tu\ geh dờp jơnau yal là neh dong klàs geh jơh ală cau l^k bơdìh. Tơnơ\ mờ dơ\ do, den đơs bal là mpồl bơtiàn mờ ală anih lơh broă, mpồl lơh broă pal sền wơl ală broă lơh mờng chài tus mờ ală broă lơh ndai”.

Lài mờ hơ\, tàm nhai 6/2011, làng bol te\ khà càr Lâm Đồng neh ờ su\k ơm ngan sơl, moăt jùng mờ ờ su\k ơm tềng đăp mờ broă gơtìp bơcah ding dà tàm hìu măy pờ tơl^k ồs đèng Dà Bol, kơnhoàl Bảo Lâm, lơh 2 nă cau chơ\t mờ 3 nă cau ndai sồt să jroă, dà neh cò tơrlah uă ngan tàm 1 tiah ơnàng mờ jòng mờr 5 kơi sồ. Jơnau kờ` đơs ngan là, lài mờ tu\ gơtìp, bu\ lah cau te\ khà tàm do neh geh jơnau yal tu\ go\ gơl^k dà tàm ală tiah tơrbo\ gùng ding dà, mơya kung ờ geh cau tòm bơcri priă lơh mờ mpồl lơh broă lơi geh gơnoar tàm càr sền gròi.

Kờ` pleh mờ ală dơ\ gơtìp rềs àr di gơlan gơl^k geh tai bơh tàm ală broă lơh hìu măy pờ tơl^k ồs đèng, cau te\ khà K’ Siêng, kis tàm ntum Phi Liêng, kơnhoàl Dam Rông dan mờ Gơnoar ala mat dà lơgar pal tơl^k nền nòn adăt tàm broă ai sră lơh ală rơndăp broă gơrềng tus mờ hìu măy pờ tơl^k ồs đèng, bơdìh hơ\ tai pal tơnguh rơlao tai gơnoar sền gròi bơh Gơnoar ala mat dà lơgar dê tus mờ broă lơh, niam ờ do ờ dă bơtơ\t, tơnao dà tus mờ ală rơndăp broă lơh hìu măy pờ tơl^k ồs đèng tàm càr dê, ồng K’ Siêng đơs:“Làng bol càr Lâm Đồng dan đơs ờ uă jơnau tus mờ Gơnoar ala măt dà lơgar bè broă tơnguh bơtàu lơh sa dà lơgar dê. Ală cau ala măt Gơnoar ala măt dà lơgar pal sền gròi rơlao tai bè broă tơnguh bơtàu dà lơgar dê bè: ai ồs đèng làng bol in, cau pơgru, lơh hìu bơsram ală kơnòm bơsram in. Kờ` pleh mờ ală rềs àr gơl^k geh tàm hìu măy pờ tơl^k ồs đèng Dà Dờng, càr Lâm Đồng lài do, bol a` dan broă sền gròi bơh Gơnoar ala măt dà lơgar tus mờ ala broă lơh, ală rơndăp broă lơh hìu măy pờ tơl^k ồs đèng pal geh sền gròi nền nòn rơlao”.

Jăt ồng Hà Phước Toản kuang atbồ gah lam sồr làng bol mpồl đơng lam Đảng càr Lâm Đồng yal, bơh tàm ală broă gơl^k geh tàm ală broă lơh hìu măy pờ tơl^k ồs đèng tàm càr Lâm Đồng lài do, jơnau ờ su\k ơm làng bol te\ khà tàm do dê bè bơta ờ tơl kơl jăp tàm broă lơh ală rơndăp broă lơh hìu măy pờ tơl^k ồs đèng là geh ngan. Ala măt làng bol te\ khà, ồng Hà Phước Toản dan mờ Gơnoar ala măt dà lơgar pal sền gròi mờ geh jơnau đơs tus mờ ală mpồl lơh broă geh gơnoar kờ` lơh niam wơl:“Bol a` kơ\p kờ` la Gơnoar ala mat dà lơgar geh jơnau đơs tus mờ broă tơnguh bơtàu lơh hìu măy pờ tơl^k ồs đèng, mơya pal tàm tơngu me geh khà ai ù tiah dê mờ tơl niam, kơl jăp ală jơnau kờ` bè broă lơh mờ kờ` lơh geh broă do, den pal geh broă sền gròi bơh ală gah, mpồl lơh broă, kuơ màng ngan là gơnoar bơh gah tề lam, bơh mpồl lơh broă, bơh làng bol”.

Bơdìh hơ\ tai, ală rơndăp broă lơh hìu măy pờ tơl^k ồs đèng bè: Dà ~im, Đại Ninh, Hàm Thuận-Đa Mi, Đồng Nai 2, 3, 4. Lài do, càr Lâm Đồng gam ai khà ù tiah tus 83 tiah kờ` lơh hìu măy pờ tơl^k ồs đèng di mơ mờ dềt, mờ bơta pràn 619MW. Bu\ lah neh uă dơ\ sền wơl, càr Lâm Đồng neh sơbì 46 rơndăp broă lơh, mơya tu\ do gam tus 37 rơndăp broă lơh hìu măy pờ tơl^k ồs đèng di mơ mờ dềt, mờ tàm khà do mìng rơ\p geh 20 broă lơh neh mờ gam lơh.

Ồng Ya Đuck kuang geh jơng tàm anih duh broă gah tề lam gùng dră bal Việt Nam, kuang bàng tàm Gơnoar ala măt dà lơgar kơnă 13 càr Lâm Đồng đơs là, broă tơnguh bơtàu hìu măy pờ tơl^k ồs đèng uă ir neh mờ gam gơs là bơta pơhìn ngòt rơngơ\t ngan, mờ pal sền wơl nền nòn tus mờ broă lơh tơl kơl jăp ală rơndăp broă lơh hìu măy pờ tơl^k ồs đèng do lài mờ tu\ ai sră bơcri priă lơh. Den tàng, tềng đăp mờ ală jơnau đơs bơh cau te\ khà bè broă tơnguh broă sền gròi tus mờ ală rơndăp broă lơh hìu măy pờ tơl^k ồs đèng, bol a` geh iăt mờ geh yal tềng đăp mờ pơrjum Gơnoar ala mat dà lơgar, mờ geh ală broă lơh niam tàm broă sền gròi. Ồng Ya Đuck đơs:“Tu\ do pal tơnguh broă sền gròi ală broă lơh, ờ mìng ală broă lơh bơtơ\t rơbòng dà, hìu măy pờ tơl^k ồs đèng mờ gam geh ală rơndăp broă lơh ndai tai. Bol a` geh kơlôi sơnơng mờ geh yal tus mờ dà lơgar, geh đơs tềng đăp mờ pơrjum Gơnoar ala măt dà lơgar kờ` geh ală broă lơh bè lơi, pleh mờ gơtìp tai bè rềs àr tu\ do”.

                                               }au mblàng Ndong Brawl.