VOV4.K’ho - Mờ ală broă lơh tờm ngan, mpồl lơh broă sền gàr ngap lơngai kuang àng càr Daklak neh ntàu tam dră, lơh loh uă cau tàm ntum Ea Bông mờ Ea Na, kơnhoàl Krông Ana, càr Daklak neh geh broă lơh cribơyai mờ mpồl Fulrô kis lềng hờ lơgar cau nàng lơh broă ờ niam. Pa do, tàm [òn Kô, ntum Ea Bông, ală cau kra [òn, cau atbồ [òn neh bal mờ gơnoar atbồ [òn lơgar mờ mpồl kuang àng neh bơyai lơh bơto bơtê mờ ai 5 nă cau [uơn pin dờn, iat jat Fulrô geh lik đơs tìs di tềng đap làng bol:

5 nă cau lơh tìs gơtìp đơs lah sền tìs di tềng đap mat [òn lơgar geh Y Sơn Buôn Krông, ơm tàm [òn Kô, ntum Ea Bông; Y Khin Enuôl, Y Khut Adrơng, Y Khem Hđơk, Y Sơn Niê ơm tàm ntum Ea Na, kơnhoàl Krông Ana, càr Daklak. Tàm hơ\, Y Sơn Buôn Krông ơm tàm [òn Kô, ntum Ea Bông là cau neh lòt bơ chồt, pơn dờm 4 nă cau gam wơl tus bal lòt lơh ală broă lơh aniai tus ngap lơngai ờ do ờ dă [òn lơgar. Bơh nhai 8 nam 2013, Y Sơn Buôn Krông neh ngui điện thoại nàng yal jơnau mờ Ymut Mlô, Y Sik Niê, là ală cau tàu dră Fulro kis lềng tàm lơgar Mỹ. Tơnơ\ hơ\ 2 nă cau kis lềng tàm lơgar Mỹ do hơ geh pơyua priă  Y Sơn Buôn Krông in nàng tơm priă lòt jòi git ală bơta [òn lơgar dê nàng yal hờ lơgar Mỹ bol khi in. Y Sơn Buôn Krông gam pơn dờm 4 nă cau pa yal tus bal mờ yal uă jơnau tơnggit ờ ngan bè ală bơta gơlik geh tàm ală [òn hờ lơgar ndai ală bol tàu dră in. Y Sơn Buôn Krông, ơm tàm [òn Kô, ntum Ea Bông, kơnhoàl Krông Ana, càr Daklak yal: “ Tàm tơngai a` tus bal mờ mpồl Fulro bơh nam 2013 tus tu\ do, a` neh yal jơnau mờ mpồl Fulrô kis lềng tàm lơgar Mỹ, khi sồr a` hòi jà, pơn dờm cau tus bal, yal tìs bè ală broă lơh tàm [òn lơgar.”

Ală broă lơh tìs hơ\ bơh ală cau do dê neh lơh ală cau kra [òn, cau atbồ [òn mờ làng bol ală [òn moat jrùm ngan. Y Hen Niê, atbồ [òn Kô, ntum Ea Bông, kơnhoàl Krông Ana đơs: “ Ală cau do neh lơh tìs ngan, ngui điện thoại nàng yal jơnau mờ mpồl Fulrô ơm kis lềng tàm lơgar ndai. Tài bol do ơm đah lơgar Mỹ den khi git bơta lơi bè Việt Nam he dê, khi lơh aniai tus ngap lơngai hìu nhă là dùl, lơh aniai broă lơh sa he dê là 2, mbè gơtùi đòm jat khi. Uă dơ\ a` neh bơyai lơh pơrjum làng bol tàm [òn Kô do nàng yal ală bơta gơlik geh bè ngap lơngai, ờ do ờ dă gùng dră bal tàm [òn; ba` iat, ba` jat bol ờ niam bơ chồt, lơh tung lơtang, lơh aniai tus ngap lơngai, ba` iat bol ờ niam bơ chồt dră wơl dà lơgar bol he dê, tu\ lơi pơrjum a` kung tơngkah ală bơta hơ\.”

Tơnơ\ mờ tu\ iat ală cau kra [òn, cau atbồ [òn mờ kuang bàng gơnoar atbồ, mpồl kuang bàng mblàng yal, Y Sơn Buôn Krông bal mờ ală cau tìs neh git bơta tìs he dê. Y Sơn hơ: “ Kơnờm geh bơta sền gròi tàm [òn lơgar he dê, kuang bàng, cau atbồ [òn, kuang àng ntum, kơnhoàl… a` neh git tìs he dê mờ he pal tam gơl, kơp kờ` làng bol ba` đòm jat bè bol a` tai, a` neh lơh tìs, neh git pal kơlôi lơh sa mờ sền gròi ai oh kòn bơsram sră.”

Bơh jơnau yal bè broă lơh tìs bơh Y Sơn Buôn Krông tàm [òn Kô, ntum Ea Bông, kơnhoàl Krông Ana, càr Daklak dê, tơl nă cau tàm ală [òn ndai pal git rơcang ngac rlau nàng rơcang sơndră ală kai bơ chồt, pơr lồm, tam cah is, lơh aniai bơh ală bol Fulrô ơm kis lềng tàm lơgar ndai.

                      Cau cih mờ yal tơnggit K’ Duẩn.