VOV4.K’ho-Jơnau tung kơ`au phan, bơta mu\t kơ`au bơh ală cau ngir ma túy, cau lơh kòn gùng hoài jà năc blơi phan geh tu\ là lơh pờng kuang bàng, cau lơh sơnơm sùm gơlik geh tàm Hìu sơnơm dờng càr Daklak. Jơnau geh ngan do jo\ jòng tàm uă nam do, mơya mpồl lơh broă geh gơnoar kung gam ờ hềt kơryan jơh sơl, lơh kuang bàng, cau lơh sơnơm, cau kòp mờ cau hìu bơnhă cau kòp dê kơlôi rơcang ờ suk ngan.

Bi Trần Văn Thường kis tàm kơnhoàl Dak Mil, càr Daknông lòt sền gàr pơ ùr mờ kòn gam piam kòp tàm khoa Nhi Tổng hợp, Hìu sơnơm dờng càr Daklak dê mờr 2 nhai do. Pah ngai, bi pal ơm wơl kềng gah cơldu\ hìu sơm kòp mờ mang den bi\c tềng hơđơm kai ntùng hìu sơnơm dê. Sền go\ uă broă roh bơta lơngăp lơngai gơlik geh tàm do, bi Trần Văn Thường kơlôi rơcang ngan, đơs bè do:

“Tàm hìu sơnơm do den bol blơ\ mờ bol tung kơ`au phan là uă ngan. A` gơlơh kơlôi rơcang ngan tài bơh bi\c bơdìh tàm do den geh tu\ là priă jền he dê kung glar bòl ngan sơl. Tu\ mang guh bi\c, a` sền go\ geh cau lơh 2 li dà kơphê, khai ai he in hùc dùl li là ờ kah chi lơi tai, hơ\ sồng khai kơ`au điện thoại, geh 400 rbô đong tàm bóp khai kung kơ`au jơh sơl. Ngai lài, den geh dùl nă ồng ne kơ`au 2 nơm điện thoại. Cau sền gàr ting ku\p đah bơdìh ne, hơ\ sồng jàu kuang àng in mơya ngai òr den sền go\ tai ồng do khai ơm tềng do”.

Bol blơ\ sùm sơmờm bơta bòl glar, ờ go\ sền ngac bơh cau hìu bơnhă cau kòp dê ơm bi\c ing jat kềng bơdìh cơldu\ kòp hìu sơnơm nàng tung kơ`au phan

Jat jơnau yal bơh Hìu sơnơm dờng càr Daklak dê, mìng kờp is bơh nam lài tus tu\ do, Mpồl cau sền gàr hìu sơnơm neh bàn mờ ku\p 12 dơ\ tung kơ`au phan mờ jàu Kuang àng sơnah [òn in bơsong, jàu wơl priă jền phan bơna ai cau gơtìp roh in. Ală cau ờ sền go\ mờ ku\p geh halà cau gơtìp roh phan ờ go\ yal den ờ gơtùi tơrgùm kờp geh.

Jơnau gam kơlôi rơcang rlau tai là jơnau lơh tàm bàs, lơh pờng cau lơh sơnơm lơh roh bơta lơngăp lơngai sùm gơlik geh tàm hìu sơnơm. Kuơmàng, pa do, tàm khoa Nội Tổng quát, tàm tu\ ală cau lơh sơnơm gam lơh sră nggan nàng jàu dùl nă cau kòp tus hờ khoa Ngoại Tổng quát nàng sơm kòp den klau Lâm Tùng Sơn là kòn klau cau kòp dê tàm sơnah [òn Tân Thành, [òn dờng Buôn Ma Thuột neh mu\t mờ lơh pờng điều dưỡng Vũ Văn Sang, lơh sồt jơh muh mat. Điều dưỡng Vũ Văn Sang, yal wơl bè do:

“Ngai hơ\ là oh drơng tàm trồ mang. Tu\ mờ tam gơl khoa den bi do ờ gi\t bơh tiah lơi tus bơh bơdìh cơldu\ sơm kòp mu\t mờ po\ a` tơn, lơh pờng cau lơh broă, ìa bal pềs mu\t po\ bal a`. Oh gơtìp sồt tềng mat, neh jing mờ sơm kòp dùl poh tài bơh gơtìp po\ sồt mat. Kuang àng sơnah [òn pal drơng gàr sùm 3 ngai hơ\ sồng ku\p geh mờ jun tus hờ sơnah [òn. Nùs nhơm bi hơ\ dê là ờ hềt go\ dan să sơl. Bàr pe ngai do, Kuang àng sơnah [òn mìng hòi tus nàng tơr`a bơyai lơm. Jơnau phan bơna là go\ kuơ, mơya nùs nhơm den là oh mi kơlôi rơcang ngan”.

                          Mờ tàm jơnờng piam kòp tơn neh geh k[àng cih tơngkah “kơrhia cau blơ\ tung kơ`au phan”

Ồng Hoàng Gia Hịêp, Tổ trưởng Tổ sền gàr pà gi\t, bơh nam lài tus tu\ do, tàm hìu sơnơm dờng càr Daklak neh geh pơgăp 70 dơ\ lơh roh bơta lơngăp lơngai. Tàm tu\ mpồl cau sền gàr lơh kơnòl broă sùm den ờ uă, phan ngui lơh broă mìng geh gai đùh, den tàng uă jơnau gơlik geh ngòt rơngơ\t, kal ke ờ jai kơryan geh. Bulah neh geh quy chế pơgồp bal mờ kuang àng sơnah [òn, mơya uă jơnau gơlik geh nisơna, mpồl lơh broă geh gơnoar bơsong lơyaì. Ồng Hoàng Gia Hiệp, pà gi\t:

“Ală bol blơ\ tung kơ`au phan tàm do uă ngan là cau ngir ma tuý lơm. Ku\p uă ngan sơl mờ lơh tìs tai kung uă sơl. Hìu sơnơm kung geh sơl quy chế pơgồp bal mờ kuang àng sơnah [òn, yal sùm mờ 113 mờ PC64, mơya uă tu\ broă gơlik geh bơsong lơyaì ngan. Kung uă dơ\ sơl dan bơsong mhar mơya đah kuang àng sơnah [òn ờ geh uă cau. Pa do tàm khoa Nội, cau hìu bơnhă cau kòp dê ờ suk gơjra` nùs ìa pềs pơhìn mờ lơh pờng cau lơh broă tàm hìu sơnơm, hòi điện thoại mơya 45 phuk tơnơ\ den hơ\ sồng tus ”.

                                     Cau sền gàr Hìu sơnơm càr Daklak lơh broă sùm tàm cơldu\ kham kòp

Trung tá Nguyễn Thái Học, Kuang atbồ Kuang àng sơnah [òn Tân Thành, [òn dờng Buôn Ma Thuột pà gi\t, bơta lơngăp lơngai rơndăp tăp sèng gơlik geh kal ke ờ mìng tàm dơlam Hìu sơnơm lơm gời ờ mờ geh bal tàm [làng đah bơdìh hìu sơnơm sơl.

Ală cau blơ\ mu\t tàm bơrlu\ bal tàm tiah kă phan lềng tềng đap mpồng hìu sơnơm nàng kơ`au priă jền phan bơna mờ lòt jat cau hìu bơnhă cau kòp dê mu\t tàm [làng hìu sơnơm nàng tung kơ`au phan. Tềng đap jơnau hơ\, bơh nhai 6 nam do, kuang àng sơnah [òn Tân Thành neh lơh Broă rơndăp lơh rơcang sơndră cau lơh tìs tàm [làng hìu sơnơm, mơkung lơh geh wơl bơta rơndăp tăp sèng tềng đap mpồng hìu sơnơm.

“Lơh jat 2 broă rơndăp lơh do, bal mờ Quy chế pơgồp bal đah kuang àng sơnah [òn mơya Hìu sơnơm dờng càr Daklak, ală mpồl lơh broă tàm ală anih lơh broă chính trị bal mờ kuang àng sơnah [òn lơh cau tờm, tus tu\ do sền bal neh tơn jơh jơnau sơgràm dơlam gùng kềng gah gùng tềng đap mpồng hìu sơnơm càr. Bol a` ai mpồl hình sự in mu\t tàm [làng hìu sơnơm nàng kờ` gi\t bơta gơlik geh, drơng ku\p ală cau tung kơ`au phan tàm [làng hìu sơnơm”.

Bulah neh geh quy chế pơgồp bal mờ ală broă rơndăp lơh ngan ngồn, mơya bơta lơngăp lơngai, rơndăp tăp sèng tàm ù tiah Hìu sơnơm dờng càr Daklak kung gam gơlik geh kal ke sơl. Tàm dơlam hìu sơnơm den jơnau tung kơ`au phan, lơh pờng kuang bàng, cau lơh sơnơm; đah bơdìh den tung kơ`au phan, cau lơh kòn gùng hoài jà năc lơh roh bơta lơngăp lơngai rơndăp tăp sèng.

Dilah ală mpồl lơh broă geh gơnoar, să tờm là kuang àng sơnah [òn ờ lơh bal kràn cê jơh nùs den kuang bàng mờ cau lơh sơnơm tàm Hìu sơnơm dờng càr Daklak kung bè cau kòp mờ cau hìu bơnhă cau kòp kung gam gơlơh ờ lơngăp lơngai sơl!

Cau cih mờ yal tơngi\t- Lơ Mu K’ Yến