Ờ niam tiền đình là kòp mờng tìp tus mờ ală cau. Do là kòp lơh gơl^k geh ờ ndrờm bal tàm să bồ, lơh cau kòp mờng gơtìp kơroài, pơdar bồ tơngoh, t^ tồr, hă, lòt ờ song…lơh ờ su\k ơm ngan. Kòp do mờng gơl^k geh wơl ngan, lơh aniai tus mờ broă lơh, lơh aniai tus mờ bơta niam tàm rài kis.

Tu\ gơtìp ờ niam tiền đình den gơl^k geh kơroài, t^ tồr, gơdan hă, kuơ màng là  ring să jan, tu\ hơ\, cau kòp pal ơm 1 bă să, ba` ơwa`. Bơdìh hơ\ tai, cau kòp bè ờs ha là gơlơh ờ ndrờm bal tàm să.

Ờ niam tiền đình là kòp mờ [uơn ngan gơl^k geh wơl, lơh anai tus mờ broă lơh bal mờ bơta niam tàm rài kis. Geh 2 bơta ờ niam tiền đình:

Tiền đình ngoại biên: gơl^k geh bè kơroài tu\ ơwa` să, do là kòp ờ ngòt, mìng lơh cau kòp ờ su\k ơm tàm rài kis, mơya kung gam lòt rê bè ờs, dơ\ kơroài neh jơh mhar, mìng gơl^k geh tàm 1 tơngai ờ jo\, kòp gơl^k geh tu\ tam gơl bè he wơl ke, bơh b^c tus nggui. Bơdìh hơ\ tai, ờ niam tiền đình ngoại biên gam lơh gơl^k kơroài uă m jo\, cau kòp ờ gơtùi lòt rê, ờ gơtùi ơwa` să bơh b^c tus nggui. Kuơ màng ngan, kơroài geh bal hă uă mờ hă jo\, t^ tồr, huơr măt, `jơ\ bồ, ờ gơtùi tơrgùm tơngoh…

Ờ niam tiền đình trung ương: là kòp mờng gơl^k geh mờ ală bơta gơl^k geh ờ niam tàm gùng mhàm tơngoh, cau kòp lòt rê kal ke, tu\ ơwa` să gơtìp kơroài, geh tu gơdan hă. Gơl^k geh ờ niam tiền đình trung ương là tài gơtìp aniai tàm tiền đình, sồt tàm gùng mhàm tơngoh mờ di gơlan là tài gùng mhàm dờng cèng mhàm ròng tơngoh gơtìp kòl tài bơcah gùng mhàm…

Bơta gơl^k geh:

-Cau kra tài geh ờ uă bơta gơtìp gơmù pràn, den tàng mờng gơl^k geh ờ niam tiền đình uă rơlao mờ ală cau gam kơnòm.

-Cau lơmă ha là rơgai ir ndrờm gơtìp ờ niam tiền đình.

-Ờ tơl mhàmgơwèt mờ cau ùr tơnơ\ mờ tu\ deh, mờ cau klao di gơlan gơtìp tài sồt să roh uă mhàm. Ha là kung di gơlan tài gơtìp 1 bơta kòp lơi hă gơl^k mhàm, ha là đì ndul gơl^k mhàm.

-Nùs nhơm gơtìp ờ niam sùm.

-Broă lơh uă ir, pal nggui jo\ tềng đăp măy vi tính.

-Mhàm gơmù lơh khà mhàm tus tàm tơngoh ờ tơl kung klà 1 bơta lơh gơl^k geh ờ niam tiền đình.

-~ô uă ir ơlăk, bièr kung là bơta tòm lơh gơl^k geh ờ niam tiền đình.

-Să jan gơtìp sơnơm khih, ha là gơtìp khih tài ngui sơnơm kung là 1 tàm ală bơta tòm gơl^k geh ờ niam tiền đình.

Ală cau [uơn gơtìp kòp tiền đình

Khà cau [uơn gơtìp kòp tiền đình uă ngan là tài lơh broă tàm tiah geh uă ir broă, ờ hoan ơwa` să mờ sùm lơh broa\ mờ măy vi tính, jơdu\ lơh broă ndơ\p, mrềt den tàng lơh ntìng gòr ngko [uơn gơtìp mrềt, jo\ ngai geh lơh gơrồt gùng mhàm ntìng gòr ngkời, tài gơmù mhàm, tài ntìng gòr ngko lơh gơklơn gùng mhàm, lơh ờ pràn mhàm tus tơngoh.

Den tàng, kờ` sơndră mờ kòp do, pleh mờ gơl^k wơl kòp he pal ba` nggui uă tàm jơdu\ geh măy mrềt, ba` nggui jo\ ir tềng đăp măy vi tính, a` nggui jo\ ir 1 bă tiah tàm 1 jơdu\. Hùc dà sùm di pơgăp 2 l^t dà tàm 1 ngai. Tàp pràn să jan sùm, tàm hơ\ uă ngan là bồ, ngko, jơng kồt. Tàp chồl nhơm mu\t tàm 2 đah tồr mờ broă ngui 2 mpàng tê klơn tềng 2 đah tồr pah ngai bơh 50 tus 100 dơ\.

Cau kòp kung ba` wơl ke ha là ntào, nggui mhar ir, pleh mờ broă măy rơndeh ha là măy ală bơta phan geh măy mo\k pràn di lah gơtìp kơrwài sùm. Cau kòp kung pal tơmù nùs nhơm, ba` ờ su\k ơm, ba` sền sră tu\ rơndeh gam lòt, pal nggui ha là b^c mơ di lah gơlơh hoar măt…

Hoar măt ờ di là bơta gơl^k geh bơh kòp jroă, mơya di lah go\ gơl^k geh 1 tàm ală bơta bè tơnơ\ do, jê bồ ni sơna, duh să bơh 28 độ C rơlao hờ đang, ờ loh ha là hoar măt, ờ sền loh phan, ờ loh măt, t^ tồr…den pal lòt kham mơ.

Cau kòp pal lòt kham, tài gơdìh mờ ờ niam tiền đình, ală bơta tơngo\ do di gơlan geh gơl^k ală bơta kòp jroă rơlao bè kòp bơcah, kòl gùng mhàm, kòp as tơngoh, kòp parkinson, kòp nùs gùng mhàm, kòp kră kơl dang gùng mhàm.

                                                           }au mblàng Ndong Brawl