Tơrlah tềng gah dà dờng Ia Pa, gơl hòr gan ala\ kơnhoàl tiah đah mat tơngai lik mờ tiah đah jum mat tơngai lik càr Gia Lai gam slơ ngai slơ ờ niam ngan. Tơrlah neh sùm lơh roh ù lơh sa mờ pơhìn tơn tus màng kis bơh git nđờ hiang hìu nha\ làng bol. Ala\ bơta rơndap broa\ ntrờn làng neh geh gơnoar at bồ lơgar mờ ala\ gah lơh broa\ geh gơnoar cri bơyai ua\ nam. Mơya tài gam ua\ ngan kòl yan kal ke neh lơh ala\ rơndap broa\ kung gam kơp geh ki\ hala ờ geh tơl pria\ jền nàng mut lơh. Làng bol ờ hềt git la gam pal kong mờ ngòt rngơt tus tu\ lơi.

Hìu nhă mò Nay Blan, kòn cau Jarai, kis tàm bòn Lang, ntum Cư\ Rcăm, kơnhoàl Krông Pa rềp tơn tềng gah dà dờng Ia Pa. Mìng rơ\p 2, 3 nam lài, ù jăt gah dà dờng Ia Pa neh gơtìp tơrlah mờr tus rềp tềng hìu. Mò Nay Blan ờ su\k ơm đơs:“Bol a` kis tàm do ngòt rơngơ\t ngan, tơrlah ù tus rềp tềng hìu bloh. Mìu, dà tih ờ khin b^c, ờ g^t gơtìp pơrdô tu\ lơi. Kơ\p kờ` dà lơgar dong kờl làng bol ntrờn tus tàm tiah ndai nàng niam tàm rài kis”.

Bòn Lang geh 120 hìu làng bol kis rềp tềng gah dà dờng Ia Pa. Tàm 2, 3 nam pa do, dà dờng Ia Pa tam gơl hòr dà sùm, lơh gơtìp tơrlah jăt gah dà tơnguh mhar ngan. Geh uă tiah tơrlah tu\ do mìng ngài mờ hìu làng bol 2, 3 jơn đoà jơng, lơh g^t nđờ 10 hìu làng bol tàm bòn gơtìp ngòt rơngơ\t ngan, pal mhar ntrờn. Làng bol neh dan uă nam do, mơya ờ hềt geh gơnoar atbồ bơsong. Ồng Pher, kis tàm bòn Lang đơs:“Kung uă dơ\ dan mờ gơnoar atbồ geh gơnoar, lơh bè lơi kờ` ai làng bol geh niam tàm rài kis. Tu\ trồ mìu dờng là tơrlah, dà cò pơrdô”.

Kung gơwèt bal tàm broă dà tus tềng jơng hơ\ sồng ntoăt, pal ntrờn mhar làng bol l^k bơdìh tiah gơtìp tơrlah mờ ngòt rơngơ\t, gam 30 hìu ndai tàm [òn Huy, ntum Cư\ Rcăm mờ 170 hìu tàm ală bòn Puh, bòn Cik, bòn Pan, bòn Kting, ntum Ia Rsai, kơnhoàl Krông Pa. Tàm ală [òn do, dà dờng Ia Pa kung neh lơh tơrlah ù tus rềp tềng hìu làng bol sơl.

Bơh nam 2011 tus tu\ do, gơnoar atbồ 2 ntum Ia Rsai, Cư\ Rcăm neh uă dơ\ dan mờ ală gah, mpồl lơh broă geh gơnoar kờ` ntrờn làng bol l^k bơdìh tiah ngòt rơngơ\t bè tơrlah ù. Neh geh uă broă lơh, rơndăp broă geh ai tơl^k, mơya, tài geh uă bơta, den tàng tus tu\ do kung gam ờ hềt ntrờn mờ pal kis tàm bơta ngòt rơngơ\t. Ồng Ngô Tiến Hùng kuang atbồ anih duh broă ntum Ia Rsai dan:“Ntrờn den pal lơh gờ`, tài làng bol kis jăt gah dà dờng Ia Pa, mờ dà dờng Ia Pa tu\ do neh tam gơl sùm hòr dà. 2, 3 nam pa do den tam gơl hòc dà, tềng do tơrlah, den gah  ne làng bol gam ơm kis. Khà dà uă den di gơlan là broă tơrlah, pơrdô lơh aniai tus mờ hìu làng bol là uă ngan. Kung kơ\p kờ` geh broă sền gròi bơh Dà lơgar sơlơ gờ` sơlơ niam”.

Ồng Đinh Xuân Duyên kuang atbồ gah lơh sa suơn sre kơnhoàl Krông Pa pà g^t, kơnhoàl do là tiah tòm bè broă gơtìp tơrlah, mơya bè broă ntrờn làng bol l^k bơdìh tiah ngòt rơngơ\t bơh tơrlah den gam uă kal ke, tàm hơ\ uă ngan là priă. Kờ` lơh jăt ală rơndăp broă, gùng dà ntrờn làng bol mờ bơ\t jăt gah dà dờng, sơndră mờ tơrlah, kơnhoàl neh dan mờ ală gah, mpồl lơh broă mờ khà priă rơlao 320 tơmàn priă. Tus bồ nam 2013, kơnhoàl neh k^ rơndăp broă ntrờn làng bol tàm ntum Ia Rsai mờ khà priă là 17 tơmàn priă. Bu\ lah bè hơ\, tus nhai 9/2013, ờ g^t tài geh jơnau lơi, rơndăp broă ntrờn làng bol tàm ntum Ia Rsai gơtìp koh khà priă. Tus bồ nam 2014 do, rơndăp broă do hơ\ sồng lơh wơl mờ khà priă mìng geh di pơgăp 5 tơmàn 300 tơlăk priă. Khà priă di pơgăp 315 tơmàn priă gam tai, gam pal kơ\p càr Gia Lai mờ Dà lơgar. Ồng Đinh Xuân Duyên đơs:“Gơwèt mờ gah lơh broă do den kung neh dan mờ càr sền wơl, lơh bè lơi kờ` ală tiah ờ hềt geh broă bơcri priă tàm rơndăp broă lơh, den càr dan mờ dà lơgar kờ` tơl niam tơnguh bơtàu lơh sa-mpồl bơtiàn, ring niam rài kis làng bol tàm kơnhoàl. Dơ\ 2 tai la, tàm tiah đah tô dà dờng mờ đah jum rơbàng Lệ Bắc geh ờ uă tiah dà dờng Ia Pa gơtìp tơrlah pah nam mhar ngan, den kung pal bơ\t kờ` sền gàr bòn lơgar mờ sền gàr ù lơh sa làng bol in”.

Tàm tu\ gam kơ\p geh ntrờn, làng bol ală kơnhoàl đah măt tơngai l^k càr Gia Lai, kis jăt gah dà dờng Ia Pa gam pal tam dră mờ ală bơta ngòt rơngơ\t ngan bè tơrlah ù. Mờ ală tam gơl bè trồ tiah, ală tam gơl ni sơna bè dà hòr, ờ hềt g^t loh bơta ngòt rơngơ\t tus tu\ lơi mờ g^t nđờ rơhiang hìu làng bol.

                                                             Cau mblàng Ndong Brawl.