VOV4.K’ho – Tàm dơ\ pơrjum 44 geh lơh poh lài, Ủy ban Thường vụ Quốc hội neh ai jơnau đơs bè jơnau kờp du\ Broă lơh bơt bơtàu adat boh lam, kơrnuat boh lam nam 2021. Dùl jơnau lơh nền ring bal bơh Ủy ban Thường vụ Quốc hội dê là ờ tơlik Nghị quyết halà tam gơl Adat ù tiah tàm tơngai lơh broă Quốc hội khóa 14 mờ geh lơh sền sơ wì jơh ală bơta, tơl làm nàng tơngai lơh broă khóa 15 geh lam lơh tam gơl Adat ù tiah dùl bă tơr gùm jơh ală bơta.

Sră yal bơh Chính phủ dê bè Broă lơh bơt bơtàu adat boh lam, kơrnuat boh lam nam 2021 geh 8 rơndap lơh adat boh lam. Tàm hơ\, pal sền gròi ngan là: Adat tam gơl, bơ tơl 2, 3 bơta bơh Adat Rơcang sơndră bơ tờp virus lơh gơbàn ờ niam bơta pràn sơndră mờ kòp gơlik geh tàm kòn bơnus (hơ\ là kòp HIV/AIDS), Adat rơcang sơndră ma túy (tam gơl)…

Bè broă tam gơl Broă lơh nam 2020, Chính phủ sồr ai tơlik bơdìh bơh Broă lơh rơndap lơh Adat tam gơl, bơ tơl 2, 3 bơta bơh Adat ù tiah dê. Ủy ban Thường vụ Quốc hội đơs là, rơndap lơh adat gam geh 2, 3 bơta kal ke, kòl yan, pal geh tai tu\ tơngai nàng kơ lôi sơ nơng, rơcang lài mờ sền sơ wì nền nòn rlau, bè ală broă bè lơh sa, pria\ jền; khà pria\ ù; tơr gùm ù lơh sa sươn sre… Broă tam gơl, bơ tơl rơndap lơh Adat do tàm tơngai geh lơh pơrjum Đảng ală kấp digơlan geh gơ rềng ua\ ngan tus bơta kơ\ kơljap chính trị - mpồl bơtìan.

Phó Chủ tịch Quốc hội, ồng Phùng Quốc Hiển sồr, pal sền sơ wì geh halà ờ broă tơlik Nghị quyết bơh Quốc hội dê bè bơsong 2, 3 bơta kòl yan tàm tu\ ngui ù:

“Nghị quyết do gơtùi bơsong halà ờ? Adat ù tiah là adat [ươn tam gơl, den tàng pal kơ lôi sơ nơng nền nòn. Den tàng geh ua\ broă mờ bol he pal lời tơngai lơh broă tơ nơ\ sền sơ wì bơh Nghị quyết pơrjum Đảng gùt lơgar, sền sơ wì tơl làm, gơtùi lơh gơs broă rơndap lơh bơtàu tơnguh lơh sa mpồl bơtìan bơh dà lơgar dê. Bơh hơ\ sền sơ wì bal, tơr gùm jơh ală bơta hơ\ sồng gơtùi lam lơh ngan ngồn”.

Ring bal mờ jơnau đơs do, Chủ nhiệm Ủy ban lơh sa bơh Quốc hội dê, ồng Vũ Hồng Thanh đơs là, ală kòl yan, ờ niam tàm Adat ù tiah tơngai lài gam hời rơ hời geh tă bơsong, bè: Broă cok khà pria\ ngui ù, cok khà rơndap broă lơh geh ngui ù… Ală kal ke bơh sơn rờp geh bơsong tu\ Chính phủ tơlik Nghị định sồ 25 bè cok khà gơ noar ngui ù gơ wèt tus mờ ală rơndap broă lơh.

Ồng Vũ Hồng Thanh mblàng lơh loh:

“Bal mờ tam gơl Adat bơcri pria\ tam gơl mờ bal mờ Nghị định sồ 25 bơh Chính phủ dê neh tă bơsong dùl bơna. Ai ală broă lơh ndai den pa do bol hi neh sền sơ wì. Bol hi ring bal là Ủy ban adat boh lam yal, ờ yal Quốc hội khóa 14 in mờ lời tus Quốc hội khóa 15 in, kơp ală gùng dà pơlam bơh Nghị quyết pơrjum Đảng khóa 13 hơ\ sồng tam gơl”.

Geh ua\ jơnau đơs kung sồr kơ lôi sơ nơng, sền sơ wì broă Quốc hội tơlik Nghị quyết bè bơtàu tơnguh [òn dờng Đà Nẵng tus nam 2030, broă rơndap lơh wèt tus nam 2045. Tài bơh tu\ crơng gơs, Quốc hội ờ hềt geh tu\ lơi sền sơ wì bè “broă wèt sền” bơh càr, [òn dờng dê, mờ mìng sền sơ wì broă lơh krơi is bè pria\ jền halà lơh tơr lòng lài 2, 3 broă lơh dong kờl.

Bè tơngume do, Chủ tịch Quốc hội, mò Nguyễn Thị Kim Ngân đơs loh:

“Nghị quyết bè Đà Nẵng den tàm do geh bơta wă tìs bè mat sơnđan. Mat sơnđan hơ\ Quốc hội ờ lơh, bol hi mìng lơh ală bơta krơi is. Pơn yơu bè broă lơh bè pria\ jền, kes pria\ mờ Adat kes pria\ ai gơ noar, dilah geh broă lơh krơi is den yal Quốc hội in. Halà ai gơnoar krơi is bè gơnoar atbồ tiah drà den hơ\ sồng ai [òn dờng Hà Nội in. Ai dilah ua\ bơta krơi is den gơ gơs “ờ gam bơta lơi krơi is tai”. Tu\ do Quốc hội mìng ai broă lơh krơi is bè pria\ jền, kes pria\ bơh [òn dờng Hồ Chí Minh dê mờ 1 broă lơh krơi is ai gơnoar atbồ [òn dờng Hà Nội dê in”.   

Cau mblàng K’Duẩn