Nha lốt la biap sa geh tam ua\ ngan tàm lơgar he. Nha lốt sùm geh ngui nàng lơh biap nha bô bơkah, lơh phan te\ tru\ gơm ala\ phan sa. Bal mờ hơ\ tai,  nha lốt hala  tờm, bơkàu, hala rơyas gam geh ngui nàng lơh ala\ bơta sơnơm sơm kòp geh kuơ ngan.

Jăt đông y, nha lốt sa hòi, ram. Nha lốt mờng ngui kờ` sơm ală bơta kòp bè jơng tê, ờ niam tàm ndul, hă, mrềt ndul, jê ndul gơjroh, leh mờ hìu dà đồm mrềt, jê bồ, jê sề, gơl^k dà muh, đì ndul gơl^k mhàm. Geh ờ uă bơta sơnơm geh lơh bơh nha lốt kờ` sơm ală kòp bè:

Sơm jê as ala\ kồ ntìng, jơng tê gơtìp jê, he rơcang ală bơta bè tơnơ\ do:

1.Ngui bơh 5 tus 10 nha lốt ìr ra`, ha là bơh 15 tus 30 gram nha lốt ris, tru\ mờ dà, tam pà bơh 2 tus 3 dơ\ hùc tàm ngai.

2.Nha lốt mờ rơyas ală tòm plai [ung, rơyas tòm vòi voi, tơl bơta 1 mbăt. Cèng ală bơta phan do rào kloh, tiă dềt, coh sin, hơ\ sồng ơn tàm glah bal mờ 1 l^k dà, tru\ di pơgăp 20 phút, ngui kờ` hùc uă dơ\ tàm ngai. He kung gơtùi ngui is nha lốt kờ` tru\ dà hùc pah ngai, kờ` sơm kòp phong thấp, jê tê jê.

Sơm kòp jê, lơgah bu\t, as kơl tang, mpàng jơng gơtìp jê, nhap nho: ai 1 mbăt jrang mờ rơyas tòm nha lốt , 1 mbăt rơyas ja, rào kloh, tru\ ai dà hùc.

Sơm gơl^k dà kơlhề jơng, tê: dus 1 mbăt tòm nha lốt, geh bal rơyas, tòm mờ nha rào kloh, tru\ dà kờ` tram jơng mờ tê, tram tu\ dà gam duh tus mờ tu\ dà ngềt. Tram lài mờ tu\ rê b^c geh cồng nha uă rơlao.

Sơm kòp jê ndul gơjroh tài mriềr mu\t, gơl^k pơrhàl, hăt ndul: ai 1 mbăt nha neh ra`, kơnuh cayòng, ca ngan neh ra` tiă dềt, bo\ gơs [òk, klài 1 sơ-io\ tàm 1 bơngàn dà piang nàng hùc. Ngai hùc 3 dơ\ tơnơ\ mờ tu\ neh sào, kòp geh bời. tàm tu\ jê ndul gơjroh, gơban hă, sơ-ơ\, he mìng ai 1 mbăt nha lốt ris, rào kloh, sa jơh nha den jơh.

Cau dờng sơnam gơtìp ngkròk tă nhơm tàm kơnhà, gơsăp ntơh, gơdan hă: ai 1 mbăt nha lốt neh ra`, tàm hơ\ geh bal rơyas, tòm mờ nha, tiă dềt, bo\ gơs [òk klài 1 sơ-io\ mờ 1 bơngàn dà piang, hùc lài mờ tu\ sào.

Sơm kòp jê 1 bơnah bồ: ai 1 mbăt nha lốt geh ìs ra`, bo\ gơs [òk. Cau gơtìp jê bồ mum dà duh tàm bơr, di lah jê đah ma den ơn ờ uă nha lốt đah muh kiao; mờ sơlơ\u wơl, di lah jê bồ đah kiao den ơn ờ uă [òk nha lốt đah muh ma; cau jê bồ rơhềp nha lốt geh jơh jê bồ 1 bơnah.

Sơm kòp xoang, gơl^k dà muh: pal ai nha lốt ris rào kloh, păt lề, tơmu\t tàm trồm muh; ha là bo\ lề, păt ai dà, ơn tàm đềs hơ\ sồng tơmu\t tàm trồm muh.

Sơm jê sề tài tu sa sề: ai 1 mbăt nha lốt neh ra`, ờ uă gar tiêu neh ra` bo\ bal gơs [òk, klài bal mờ 1 sơ-io\ dà lơwe, klăc gơs pơnai dềt, tơmu\t tềng sề jê gơtìp tu sa.

Sơm kòp cau ùr: ai 50 gram nha lốt, rơm^t 40 gram, phèn sràt 20 gram, tuh dà gơbam sơnơm di pơgăp 2 nao tê, tru\ duh, tơmù ồs lời duh bơh 10 tus 15 phút, lời gam 1 bơngàn dà nàng rào. Să gam tai tru\ dà kờ` hồl, he gơtùi hồl uă dơ\.

Sơm kòp lỵ: ai 1 mbăt dềt nha lốt, tru\ mờ 300ml dà, ngui kờ` hùc.

Sơm kòp toh kiăt tềng mpàng tê: ai 1 mbăt uă nha lốt, rào kloh, bo\ lề, păt ai dà 1 bơngàn, hùc 1 dơ\. Să gam tai ơn tàm glah tru\ mờ 3 bơngàn dà, tru\ duh 2, 3 dơ\ hơ\ sồng tă să lời is. Tu\ dà gam ram đe den rào tềng toh kiăt. Jùt kloh hơ\ sồng ai să ơn mờ pùt. Ngai lơh bơh 1 tus 2 dơ\, lơh sùm tàm bơh 5 tus 7 ngai den bời.

Lơh jơh khih bơsềt, bơs kăp: ai 1 mbăt nha lốt ris, 1 mbăt nha plai kơya, nha khoah rơbài, rài kloh, păt lề, tru\ dà lời ngềt, păt ai dà hùc den jơh khih.

                                                            Cau mblàng Ndong Brawl.