VOV4.K’ho – Nàng rơcang sơndră kòp Covid-19 dùl bă geh cồng nha, Chính phủ neh lơh nền bơyai lơh yal gah lơh sơnơm in gơ wèt tus mờ gùt làng bol. Broă yal blac pơr lồm halà ờ yal là broă lơh lơh tìs adat boh lam. Bộ Tư pháp sồr tơnguh khà lơh glài mờ pria\, bơ tơl tai ală broă lơh glài bal mờ ală broă lơh bơsong jơnau gơ lời wơl dùl bă dipal nàng kờ` kơryan ală broă lơh tìs.

Ală ngai do, Việt Nam sùm geh tai ală cau pa bơ tờp kòp Covid-19, tàm hơ\ geh ală cau kòp Việt Nam rê bơh tiah geh kòp lơh gơbàn tus ală cau bơ tờp kòp gơ tàm pơn jat. Tàm dơ\ pơrjum Mpồl đơng lam dà lơgar bè rơcang sơndră kòp Covid-19 geh lơh tàm drim ngai 9/3, ala mat Bộ Tư pháp pà git, dilah cau lơi yal gah lơh sơnơm in ờ ngan lơh gơbàn jơnau gơ lời wơl kơn jơ\ den gơtìp lơh glài kup jàm bơh 5 tus 10 nam rlau hơđang.

Jat jơnau cih tàm Bơta 3 bơh Adat rơcang sơndră kòp bơ tờp nam 2007 dê mờ Kơrnuat sồ 29 bơh Bộ Y tế dê, kòp Covid-19 gơ wèt mpồl A, là mpồl kòp ngòt rơ ngơt ngan mờ digơlan bơ tờp mhar ngan, bơ tờp ua\ bal mờ khà chơt să ua\.

Bơta 8 bơh Adat rơcang sơndră kòp bơ tờp dê neh cih, 7 mpồl broă lơh gơtìp ờ ai lơh. Tàm hơ\, geh 3 broă lơh gơ rềng tus broă yal tu\ tơngai dịch tễ. Mùl màl, cih ală broă lơh pồn, ờ yal halà yal ờ di tu\ ală cau gơbàn kòp bơ tờp jat jơnau cih bơh adat boh lam dê, kờ` yal blac, yal ờ ngan bè kòp bơ tờp, ờ lơh jat ală broă lơh rơcang sơndră kòp bơ tờp jat jơnau sồr bơh anih lơh broă geh gơ noar dê.

Cau geh ală broă lơh gơtìp ờ ai lơh jat jơnau cih tàm Bơta 8 bơh Adat rơcang sơndră kòp bơ tờp dê geh gơ jat tàm tơl bơta mùl màl mờ digơlan gơtìp lơh glài mờ pria\ halà gơtìp yă tìs hình sự. Ală broă lơh ờ yal gah lơh sơnơm in, yal ờ ngan, ờ lơh jat ală broă lơh rơcang sơndră kòp bơ tờp gơtìp kơryan. Dilah bơta do lơh bơ tờp kòp mờ lơh gơbàn ngòt rơngơt mpồl bơtìan in den digơlan gơtìp yă tìs hình sự jat jơnau cih bơh Bơta 240 bơh Adat Hình sự dê.

Nghị định sồ 67 bơh Chính phủ dê cih mùl màl 2, 3 bơta bơh Adat rơcang sơndră kòp bơ tờp mờ sền gròi tàm gah lơh sơnơm tiah nhàr dà lơgar kung cih loh kơ nòl bơh cau mut, lik hờ lơgar ndai, lòt gan lơgar ndai, cau tờm rơndeh rơndồ mờ phan bơna pal yal bè bơta pràn kơldang să jan nisơna gơ wèt tus mờ mpồl gròi sền sơnơm tơmba tiah nhàr dà lơgar. Dilah anih lơh broă geh gơ noar lùp khàu git loh là ală cau lơi geh broă ờ bài halà pleh yal gah lơh sơnơm in tu\ mut tàm lơgar Việt Nam den broă lơh tìs jat bè jơnau cih bơh adat rơcang sơndră kòp bơ tờp dê digơlan gơtìp lơh glài mờ pria\ jat jơnau cih bơh Nghị định bè lơh glài mờ pria\ tàm gah lơh sơnơm dê.

Bộ Tư pháp sồr Chính phủ đơng lam Bộ Y tế, là anih tờm đơng lam rơcang cih nghị định kờp sền, kơlôi sơnơng mờ tơnguh khà lơh glài mờ pria\, bơ tơl ală broă lơh glài kung bè ală broă lơh bơsong jơnau gơ lời wơl dipal nàng gàr niam bơta kơryan gơ wèt tus mờ ală broă lơh tìs.

Cau mblàng K’Duẩn