VOV4.K’ho - Bộ Y tế pa bơyai lơh pơrjum cri bơyai bè bơta lơh aniai bơh broă sơgràm ơlăk bièr, lơh glài mờ sơm khih ơlăk geh Methanol uă. Tàm pơrjum, ală jơnau pơgồp bal neh đơs tòm, broă sền gàr lơh, kă bro ơlăk tu\ do gam ờ pràn ngan. Tàm hơ\ uă ngan là ală cau lơh sơnơm bal mờ Mpồl sền gàr cau ngui đơs là, geh bơta klài bal angkôl Methanol mờ dà ngềt kờ` gơs ơlăk, mơya ala măt Bộ Công thương den đơs ờ hềt go\ bơta do.

Tềng đap mờ broă gơbàn khih tài `ô ơlăk geh khà angkồl Methanol uă gam tơnguh, ồng Nguyễn Phú Cường, Vụ trưởng Vụ Khoa học Công nghệ, Bộ Công thương đơs là, ală cau gơbàn khih ơlăk pa do là tài `ô uă ir, khà methanol geh tàm să lài mờ hơ\ uă rơlao mờ khà geh ai. Tài, tàm ơlăk geh khà di kung gam geh 1 khà methanol jăt khà geh ai. Ồng Nguyễn Phú Cường đơs tòm:

- Ờ geh ơlăk klài bal bơh angkôl Methanol, ờ geh cau lơi klài tài methanol kas priă ngan, pal blơi bơh lơgar bơdìh. Methanol là ơlăk hoá chất geh sền gàr. Ală anih lơh sa kă bro blơi Methanol bơh lơgar bơdìh pal yal loh làng.

Mơya, uă cau jăk chài gah lơh sơnơm pà g^t, cồng nha sền mhàm tus mờ ală cau gơbàn khih ơlăk tàm tơngai pa do pà go\, khà geh angkôl Methanol tàm mhàm uă rơlao g^t nđờ 10 nđờ rơhiang dơ\, geh tu\ g^t nđờ rơbô dơ\ jăt mờ khà geh ai.

Cau gơbàn khih ơlăk

Bơta do pà go\, ơlăk pal geh klài bơh angkôl Methanol. Ală bơta ơlăk do geh tăc mờ priă ờ kas den tàng do di gơlan là ơlăk geh lơh bơh angkôl blơi bơh lơgar bơdìh ờ kas priă.

Ring bal mờ jơnau đơs do, ồng Nguyễn Mạnh Hùng, Phó Chủ tịch mpồl sền gàr cau ngui sa pà g^t:

- Boă ai angkôl Methanol klài bal mờ dà kờ` gơs ơlăk, ờ di pa do hơ\ sồng go\. Pơgăp mờ do 2, 3 nam, ală anih yal tơng^t kung neh yal lài, tàm hơ\ uă ngan là tàm càr Nghệ An, cau tăc tàm thùng phi, tăc khăt gơboh ngan, kàr lơi kung geh Methanol blơ bơh lơgar Lo.

Bơta ờ su\k ơm ngan tu\ do là anih lơh broă geh gơnoar bal mờ ală càr, [òn dờng ờ hềt sền gròi broă lơh ơlăk bơh angkôl Methanol, kung bè ờ hềt sền gàr niam ơlăk tru\ is tàm ală hìu. Ồng Nguyễn Văn Việt, Chủ tịch mpồl tam klăc ơlăk, bièr, dà hùc Việt Nam đơs là:

- A` kơlôi gơbàn khih ơlăk Methanol tơnguh là tài cau klài ơlăk bơh angkôl Methabol mờ he pal geh broă sền gàr…poh lài, a` geh tus pơrjum tàm càr Ninh Bình – do là 1 tàm ală càr lam lài gùt lơgar bè broă tru\ ơlăk is. Càr yal geh 2 rơbô 500 hìu tru\ ơlăk is, mơya mìng rơ\p geh 6 pang sră ai tru\. Ngan là sền gàr ơlăk tru\ is, lơh tàm làng bol gam geh bơta.

Jăt ồng Nguyễn Viết Tiến, Thứ trưởng Bộ Y tế yal: lài do, broă klài angkôl Methanol kờ` ngui tàm broă lơh sa mờ măy mo\k pal geh ai xanh-mê-thy-len bal, lơh geh dà tơlir kờ` tam cah mờ ơlăk sàng tru\ is.

Ơlăk khih go\ tàm Hà Nội

Mơya tu\ do, broă do ờ geh lơh tai den tàng [uơn ngan gơbàn sơgràm, ai ơlăk metrhanol tăc bal mờ ơlăk geh ai:

- Tu\ do, angkôl Methanol geh klài kờ` lơh keo, véc-ni, mơya tài ngui bơta angkôl do ờ di mờ broă kờ` ngui den tàng gơbàn khih, chơ\t cau. Sền gàr broă do gơwèt tus mờ Bộ Công thương dê.

Loh làng, broă sền gàr tru\, kă bro ơlăk gam uă bơta ờ pràn neh dong kờl tus mờ ală cau geh nùs nhơm ờ niam, kờ` geh bơta kuơ, klài ha là tăc ală bơta ơlăk geh lơh bơh angkôl Methanol, lơh gơbàn khih tus mờ cau `ô ơlăk.

Mìng kờp bơh tơnơ\ satềp nam 2017 tus tu\ do, tàm Hà Nội mờ càr Lai Châu neh geh tus g^t nđờ rơhiang nă cau gơbàn khih ơlăk methanol, tàm hơ\ geh 18 nă cau gơbàn chơ\t. Jăt khà kờp bơh Cục An toàn thực phẩm gơwèt Bộ Y tế yal, 10 nam do, gùt lơgar neh geh 382 nă cau gơbàn khih tài `ô ơlăk ờ kloh niam, lơh 98 nă cau gơbàn chơ\t. ală bơta do là tài `ô ơlăk ờ g^t anih lơh gơs, ờ geh ai sră dờp di mờ khà phan geh ai lơh mờ ơlăk geh tăc tàm ală hìu sa, hìu `ô dềt, tăc ờ uă ha là geh cau `ô lơh is. Tàm hơ\, khà cau gơbàn chơ\t tài `ô ơlăk geh khà Methanol uă geh uă ngan, mờr 50%.

Cau cih mờ yal tơng^t Ndong Brawl