VOV4.K’ho - Di dơ\ ơm rơlô ngai chờ tơnklàs dà lơgar 30 ngai 4, bu\ lah khà cau năc tus nhơl, ơm rơlô să tàm [òn dờng Dà Làc tàm ală ngai do gơguh uă, mơya hìu ơm bal mờ ală broă lơh drơng ala nhơl chờ ndai tàm [òn dờng do gam tơl niam.

Khà priă anih ơm geh gơguh uă rơlao bơh 2 tus 3 dơ\ jăt mờ ngai bè ờs, mơya bơta niam tàm broă lơh kung geh tơnguh, den tàng geh uă cau năc di nùs mờ kờ` bal.

Kờ` tơl niam broă drơng cau năc tus nhơl sền, ơm rơlô să tu\ tus [òn dờng Dà Làc, càr Lâm Đồng, gơnoar atbồ bal mờ gah nhơl chờ càr Lâm Đồng neh lơh niam sùm [òn drà mờ tơnguh broă atbồ dà lơgar tàm ală gah broă.

Kơnờm mờ hơ\, broă gơbàn pơrlồm kă bro, tơnguh khà priă, rồn bơklơn khà priă neh rơhời geh lơh niam. Cau năc gal den tàng neh lơh gơbàn gal ir tàm gùng lòt, tàm hơ\ uă ngan là tàm ală gơl gùng tiah tàm gùl [òn dờng bal mờ ờ uă tiah ndai, anih tus sền nhơl chờ tàm [òn dờng Dà Làc.

Kờ` pleh mờ broă gơbàn kòl gùng, kòl rơndeh jo\ tơngai gơbàn, mpồl cảnh sát sền gàr gùng lòt, kuang àng [òn dờng Dà Làc neh ai 100% khà cau lơh broă tus sền gròi tàm ală gơl gùng kuơ màng kờ` tam cah, pơlam, bơto sồr cau lòt gùng, den tàng broă lòt rê gam geh niam mờ ờ do ờ dă.

Cau mblàng Ndong Brawl