VOV4.K’ho – Là tiah tờm lơh sa – chính trị - mpồl bơtìan bơh càr Kon Tum dê, tàm ală nam do, kấp ủy đảng, gơnoar atbồ [òn dờng Kon Tum neh lơh ngan chồl pràn broă lơh hòi jà bơcri pria\.

Lơh jat ală broă lơh bè lơh niam wơl sră nggal lơh broă hành chính, gơ hòi gơ jà bơcri pria\ bơh càr dê, tơngai lài, [òn dờng Kon Tum lơh ngan tam gơl ua\ tàm broă bơsong mhar sră nggal ai cau dùl nă să mờ mpồl lơh sa kă bro in; dong kờl ală cau bơcri pria\ git jơnau yal bè broă bơcri pria\... nàng kờ` gơ hòi gơ jà, lơh gơlik bơta niam pa nàng hòi jà pria\ bơcri, lơh gơlik bơta chul chồl ai broă mut gơ rờm bal mờ bơtàu tơnguh pràn kơldang [òn dờng in. Kuang đơng lam bồ [òn dờng Kon Tum sền gròi đơng lam lam lơh jat niam broă lơh rơndap lài ù tiah, bơt bơtàu phan bơna, atbồ tiah drà bal mờ broă lơh jat cơ chế broă lơh krơi is, broă bơcri pria\ loh làng.

Mờ bơta đơng lam jơh nùs bơh kấp ủy đảng mờ gơ noar atbồ, bal mờ broă lam lơh jat niam ală broă lơh dong kờl bơh dà lơgar dê tàm gah bơcri pria\ mờ chồl pràn broă lơh hòi jà bơcri pria\, broă gơ hòi gơ jà bơcri pria\ bơh [òn dờng Kon Tum dê tàm nam 2018 mờ nam 2019 geh ua\ bơta tam gơl niam. Ngai sơlơ geh ua\ ală rơndap broă lơh dờng mờ kờp jơh pria\ bơcri git nđờ rhiang tơmàn đông, bè rơndap broă lơh tơnau dơng dà tam cah dà wềl pơ gồp bal mờ pờ tơlik ồs đèng Đăk Bla; rơndap broă lơh [òn ơm kis Hoàng Thành [òn dờng Kon Tum; rơndap broă lơh Trạm 220 KV Kon Tum mờ tơrbo\ bal; rơndap broă lơh hìu tac phan `ô sa kềng gah dà dờng Đăk Bla; rơndap broă lơh hìu ma\i lơh phan bơh ù buh, phan bơt bơtàu geh bơta niam ua\ tàm xã Vinh Quang; rơndap broă lơh Hìu ma\i bơsong, lơh gơlik wơl bơh sồ sia\ tuh bơh ngui sa tàm rài kis tàm thôn Thanh Trung, sơnah [òn Ngô Mây; rơndap broă lơh hìu ma\i lơh dơm chi Trung Tín…

Bơta pal đơs là ală rơndap broă lơh dờng tàm gah tiah drà – kă bro – broă drơng ala geh lam lơh bè: Mpồl tiah tờm kă bro – Shophouse Vincom Kon Tum 250 tơmàn đông; Mpồl [làng nhơl golf, nhơl chờ ơm rlô să, nhơl `o\ lơh rài bồ tơngoh bơh Tập đoàn FLC sơn đờm mut lơh tàm nhai 8 pa do mờ kờp jơh pria\ tă lơh git nđờ rbô tơmàn đông. Do geh sền là bơta pơn rơ, lơh gơlik ală tềl tơnggo\ tam gơl pa ai drà kă bro ù tiah hìu đan tàm [òn dờng in, pơgồp bơnah drơng jơnau kờ` bè hìu ơm ai làng bol in kung bè jơnau kờ` ơm wơl bơh nac nhơl chờ dê. Bơdìh hơ\ tai, tàm tơngai ờ jo\, ală rơndap broă lơh dờng do lơh gơs mờ geh ai ngui den geh lơh gơlik bơta niam chài bè hìu đam, tiah kis tiah drà bơh [òn dờng Kon Tum dê pa mờ niam rlau.

Ồng Nguyễn Thanh Mân, Phó Chủ tịch UBND [òn dờng Kon Tum pà git: Tàm tơngai lài, [òn dờng Kon Tum neh lơh ală broă lơh kuơmàng, bơcri lơh niam phan bơna [òn dờng mờ lơh niam wơl tiah drà, lơh gơlik bơta [uơn nàng [òn dờng in tìp mat, lơh bal mờ ală tiah tàm càr, mờ ală càr tàm Tây Nguyên mờ ală càr ndai tàm lơgar. Bơh bơta tam gơl tàm broă bơcri pria\ bơt bơtàu phan bơna gam pơ gồp bơnah chồl pràn bơtàu tơnguh lơh sa – mpồl bơtìan bơh [òn dờng dê.

Bơdìh mờ broă lam lơh geh cồng nha ală broă lơh bal bơh dà lơgar dê bè gơ hòi gơ jà bơcri pria\, [òn dờng Kon Tum gam hơ pơrgon tàm tơngai tus geh lòt bal mờ mpồl lơh sa kă bro, cau bơcri pria\, rơcang lài ai tơlik ală broă lơh dong kờl, tam gơl niam broă bơcri pria\; jơh nùs đơng lam lơh niam wơl sră nggal lơh broă hành chính, tơnguh nùs nhơm lơh broă, ngan là gơ wèt tus mờ mpồl công chức lơh broă tơn mờ mpồl lơh sa kă bro, lơh jat cơ chế dùl mpồng liên thông mờ broă lơh dùl mpồng điện tử pa; nàng kờ` tơmù ua\ ngan rlau jơh ală sră nggal, tơrmù tu\ jơ tàm broă bơsong broă lơh mờ mpồl bal, làng bol mờ mpồl lơh sa kă bro, lơh gơlik bơta niam ngan rlau jơh nàng mpồl lơh sa kă bro in bơtàu tơnguh mờ gơ hòi gơ jà bơcri pria\.

Tàm tu\ khà ù tàm ua\ [òn dờng hời rơ hời ờ huan gam tai, tàm tu\ hơ\, khà ù tàm [òn dờng Kon Tum den gam ua\, do là bơta nàng ai tơlik gùng dà broă lơh mờ là drà kă bro geh bơta pràn mờ ală cau bơcri pria\ gam wèt tus. Jat hơ\, [òn dờng Kon Tum gam lam lơh pràn ngan ală broă lơh nàng tơnguh bơta pràn, tơr gùm bơcri pria\ bơtàu tơnguh phan bơna tiah drà, chồl pràn bơcri pria\ bơtàu tơnguh ală cụm công nghiệp – tiah drà- broă drơng ala, rề ơnàng gùng bơtàu tơnguh nhơl chờ, wèt tus jơnau kờ` gơ gơs là tiah drà khà 2. Mờ bơta [uơn kung bè bơta pràn he dê, [òn dờng Kon Tum hơ pơrgon geh lơh gơlik dùl ròt tu\ niam bơcri pria\ mờ kă bro pa ai ală cau bơcri pria\ in mờ geh là drà kă bro ù tiah hìu đam bềng bơta pràn tàm ală nam tus.

Cau mblàng K’Duẩn