VOV4.K’ho – Mut lơh jat kơrnuat sồ 6 tơlik ngai 25/01/2010 bơh Kuang gơs gơnap gơnoar atbồ hơđang rlau jơh dà lơgar dê bè bơt bơtàu, atbồ, ngui tùh sră adat boh lam, tàm 5 nam do, [òn drà Buôn Hồ, càr Dak Lak neh sền gròi bơcri lơh tùh sră adat boh lam tàm [òn lơgar, pơgồp bơnah mblàng yal ală gùng dà broă lơh bơh Đảng, bơta dong kờl, adat boh lam bơh dà lơgar dê, hời rơ hời bơt bơtàu bơta git wă kis mờ lơh broă jat sơnoa boh lam mờ kơrnuat boh lam tàm làng bol:

Sơnah [òn Đạt Hiếu là dùl tiah sùm lam lài tàm broă mblàng yal, bơto bơtê kơrnuat boh lam tus mờ kuang bàng làng bol tàm [òn lơgar in mờ uă broă lơh li la, niam ngan bè: bơyai lơh Ngai adat boh lam, ală dơ\ mblàng yal, bơto bơtê adat boh lam tàm [òn ơm kis, lơh tùh sră kơrnuat boh lam. Tùh sră kơrnuat boh lam bơh sơnah [òn Đạt Hiếu dê geh ơn tềng dùl mpồng bơh kuang bàng lơh broă kơrnuat boh lam drơng lơh mờ rlau 200 bơta sră, sơnah [òn gam rơndap dùl cơldu\ sền sră ơnàng, niam ngan, nàng ai làng bol tus sền halà jồm sră. Ồng Đỗ Viết Lâm, atbồ sơnah [òn Đạt Hiếu 2 pà git: “ Bơh tu\ geh tùh sră kơrnuat boh lam, a` sùm tus jồm sră nàng cèng rê sền bè ală adat boh lam geh gơrềng tus broă lơh pah ngai bè Adat gùng tam bau mờ hìu nhă, Adat ù tiah.... Broă sền sră, jòi git jơnau tơngit bè adat boh lam neh dong a` bơsong ală bơta gơlik geh tàm [òn lơgar, ngan là broă tơr`a bơsong gơ rờm bal dù bă geh cồng nha rlau”. Ờ mìng sơnah [òn Đạt Hiếu, tu\ do tùh sră kơrnuat boh lam neh geh mut lơh uă ngan tus gùt 12 ntum, sơnah [òn, ală mpồl lơh broă, anih lơh broă, hìu bơsram tàm [òn drà mờ 22 tùh sră, rlau 1.500 bơta sră. Pah nam, bơdìh mờ broă geh Cơldu\ lơh broă kơrnuat boh lam [òn drà pà bơ tơl ală bơta sră, Anih duh broă làng bol ală ntum, sơnah [òn ndrờm geh priă jền nàng blơi bơtơl sră kờ` drơng jơnau kờ` jòi git jơnau tơngit jơrnuat boh lam tàm kuang bàng mờ làng bol. Bal mờ broă bơcri blơi sră, ală tiah gam sùm sền dờng màng tus broă mblàng yal, bơto bơtê kơrnuat boh lam mờ uă broă lơh krơi is den tàng neh gơ hòi gal ngan kuang bàng, làng bol tus jòi sền sră. Bơh broă mut lơh ringbal ală broă lơh bơto bơtê kơrnuat boh lam neh dong mpồl kuang bàng, làng bol tàm [òn lơgar git di tu\ ală sră nggal adat boh lam gam ai ngui tu\ do, mut ngui mờ lơh jat niam ală kơrnuat bơh Đảng mờ dà lơgar ai tơlik, pơgồp bơnah tờmu dimơ lơh tìs adat boh lam tàm ală gah bè lơh glài kup màng, phan bơna mờ broă làng bol, gùng tam bau mờ hìu nhă, gùng lòt... Ală tìs tàm mpồl bơtìan kung bơh hơ\ mờ gơmù hời rơhời; bơta mờng quèng jòi git mờ lơh jat adat boh lam làng bol dê geh crơng gơs. Ồng Nguyễn Kỷ Trung, ơm tàm [òn 2, ntum Bình Thuận tam pà: “ A` neh dờng sơnam den tàng ờ git ngui mai\ mok nàng jòi jơnau tơngit tàm internet bè cau kơnòm să. Pah tu\ geh broă lơi kờ` den tus Anih duh broă làng bol ntum halà tu\ lơi ru den a` kung sùm jồm ală bơta sră nàng sền, kơnờm bơh hơ\ mờ a` git ờ uă adat boh lam gơrềng tus rài kis pah ngai nàng bơto bơtê kòn sau tàm hìu nhă lơh jat bal mờ lơh jat niam adat boh lam dà lơgar dê.”

Broă sền gàr tùh sră adat boh lam geh kuơ dờng ngan tàm broă tơnguh git wă lơh jat adat boh lam tus mờ kuang bàng, làng bol tàm [òn lơgar, mơya tài priă jền ờ huan uă, phan bơna ờ hềt tơl jat jơnau kờ` sền sră làng bol dê den tàng khà cau sền kung ờ hềt uă jat bè bơta kơp kờ`. Jat sền gròi tàm 5 nam do, bơdìh mờ priă jền [òn drà Buôn Hồ dong kờl mờr 97 tơlak priă den ală tiah mìng bơcri 7 tơlak 700 rbô priă nàng lơh tùh sră adat boh lam mờ mìng geh mờr 642 dơ\ cau tàm dùl nam tus sền halà jồm sră tàm ală ntum, sơnah [òn. Bi ùr Nguyễn Thị Hiếu, kuang bàng lơh broă kơrnuat boh lam – sră cih mat cau tàm hìu nhă sơnah [òn Đạt Hiếu pà git: “ Uă ngan ală tùh sră adat boh lam geh ơn tềng mpồl lơh broă dùl mpồng, ờ hềt rơndap geh cơldu\ sền sră is, den tàng ờ uă cau gam ờ khin tus jồm halà sền sră. Bal mờ hơ\, ờ uă cau, ngan là cau kơnòm să ờ huan kờ` mờ broă jòi git ală bơta sră bè adat boh lam”. Ai bi Cao Văn Sang, kuang bàng lơh broă kơrnuat boh lam sơnah [òn Đòan Kết pà git: “ Broă tam gơl, bơ tơl mờ ai tơlik pa ală sră nggal adat boh lam ngai sơlơ uă, mơya priă jền [òn lơgar dê den ờ huan geh, den tàng broă blơi pa ală bơta sră gam lơỳai, lơh aniai tus broă jòi git, kơlôi sơnơng bơh cau sền sră dê. Kuang bàng drơng broă tùh sră adat boh lam den pal lơh tơn uă broă, ờ geh dờp bơta dong kờl kung là dùl tàm ală jơnau lơh tùh sră adat boh lam ờ hềt brồ guh cồng nha bè bơta kơp kờ`.”

Ồng Nguyễn Văn Huynh, kuang atbồ cơldu\ lơh broă kơrnuat boh lam [òn drà Buôn Hồ, càr Dak Lak đơs tờm: “ Tàm tơngai tus, [òn drà geh sơlơ tơnguh rlau tai broă mblàng yal nàng lơh gơs bơta mờng quèng jòi git adat boh lam tàm làng bol jat uă broă lơh bè pơgồp bal tàm ală dơ\ pơrjum làng bol, ală mpồl lơh broă taà ală dơ\ pơrjum gơtùi mblàng yal ală bơta cih bơh adat geh gơ rềng dê...mơkung dan bơh [òn drà ai priă jền nàng bơcri tùh sră in ngai sơlơ niam rlau. Geh bè hơ\, den tùh sră adat boh lam hơ\ sồng brồ guh cồng nha niam tàm broă mblàng yal adat boh lam tus ală rơnàng làng bol.”

                                                         Cau mblàng K’ Duẩn.