VOV4.K’ho- Làng bol kòn cau Rơđê tàm [òn Sút M’Đưng, xã Cư Suê, kơnhoàl Cư Mgar, càr Dak Lak dê đơs bal mờ cau pròc mhàm bơh ùr hàng Hoàn Vũ Việt Nam nam 2017, H’Hen Niê dê đơs is, chờ hờp ngạn tu\ ùr hàng bơh [òn lơgar he dê neh đơs ngan geh bơta hàng niam tàm dơ\ pơrlòng ùr hàng dunia, mờ gơ mu\t tàm mpồl 5 nă ùr hàng hoàn vũ dunia nam 2018.

Làng bol [òn Sút M’Đưng wa\ rò H’Hen Niê tu\ khai rê wơl hờ [òn tơnơ\ tu\ pơrlòng jai ùr hàng Hoàn Vũ Việt Nam nam 2017

H’Min Niê, oh ùr bơh H’Hen Niê dê pà gi\t, tơngai bi H’Hen lòt pơrlòng là di tòm tàm tơngai pik tơnhàu plai kơphê, mơya mè bèp khai dê kung neh lòt tus lơgar Thái Lan nàng lơh hô kòn H’Hen in. H’Min ơm tàm hìu pal kơlôi rơcang broă sươn mìr mơya kung gam jat sền sùm ală jơnau yal bơh bi ùr dê.

Tàm tơngai bi Hen lòt pơrlòng den di tòm tàm tơngai pik tơnhàu kơphê, mơya oh kung gam jat sền tơl cơnđòa jơng lòt bơh bi Hen dê tàm ti vi halà tàm điện thoại. Tài bơh tàm internet mpồl bơtiàn den cih yal tơl ngan uă ngan jơnau yal. Nùs nhơm tu\ do bơh oh dê là chờ hờp ngan tu\ bi ùr geh mu\t tàm mpồl 5 ùr hàng Hoàn Vũ dunia.

Bơta chờ hờp cồng nha lơh geh bơh bơta hàng niam kòn cau Rơđê bơh H’Hen dê neh gơ gơs là jơnau gơdan ai ală cau bơyô kơnòm să in. Broă H’Hen Niê sơrlèt gan uă kal ke, kòl yan, pơrlòng jai mờ gơ gơs là ùr hàng hoàn vũ Việt Nam nam 2017 mờ tu\ do là mpồl 5 nă ùr hàng Hoàn Vũ dunia nam 2018, gơ gơs là bơta chờ hờp ờ go\ di mìng is cau pròc mhàm, hìu bơnhă dê lơm gời ờ mờ gam là bơta chờ hờp bal bơh jơh làng bol kòn cau Rơdê dê sơl tàm ală [òn lơgar tàm Dak Lak.

Làng bol tàm [òn lòt chờ hờp bal mờ hìu bơnhă ùr H’Hen Niê tơnơ\ tu\ pơrlòng gơ mu\t tàm mpồl 5 nă ùr hàng hoàn vũ dunia nam 2018

Mò H’Ức Êban, cau atbồ [òn Sút M’Đưng, xã Cư Suê, kơnhoàl Cư Mgar, càr Dak Lak pin dờn là tơnơ\ ală cồng nha mờ H’Hen neh lơh geh, ngan là geh uă krơh ơruh pơnu lơh ngan pơđơl pràn sơrlèt gan kal ke, mờ pin dờn geh pơnrơ bơh bơta gơdan sơnđan mat H’Hen Niê.

{òn lơgar tàm do chờ hờp ngan, chờ hờp brơn brài ngan ai oh in gơmu\t tàm mpồl 5 nă. Bol a` chờ hờp ngan bè oh, tu\ do ờ gơtùi đơs uă tai ờ. Bol a` ala mat ai jơh ală [òn lơgar nting săp kơ\p kờ` oh pơn jat tai lơh ngan sơrlèt gan brồ guh tàm rài kis mờ lơh geh uă cồng nha pa tai. H’Hen Niê là cau lơh gơlik bơta gơdan ai ală cau kơnòm să in, kuơmàng là tàm tiah Tây Nguyên geh bơta pin dờn lơh ngan sơrlèt gan tàm rài kis.

Cau mblàng Lơ Mu K’Yến