VOV4.K’ho - Ala\ nam rềp do,  bơta chài trah phàt rùp hìu bồc neh ờ gam geh ngui ua\ ngan tàm rài kis chài rgơi  tàm ala\ [òn làng bol cau Jarai. Mơya, nđờ jơt nam do,  cau chài Ksor Hnao kis tàm [òn Plei Kép, [òn dờng Pleiku, càr Gialai gam sùm bơto bơtê mờ prap gàr bơta chài trah phàt rùp hìu bồc bơto tus ala\ rnàng kơnòm sa\ in bè dùl broa\ lơh tơng kah khi bè bơta bơhìan niam, bè  tơnggu rơyas jơi bơtìan kòn cau he dê. Mờ ala\  ta\ pơ gồp ngan tus mpồl bơtìan, nam 2016, cau chài Ksor Hnao neh  geh dờp sra\ jờng cau chài jak ngan bơh kuang atbồ lơgar. Di bồ sơnam pa, bol a` geh dơ\ tìp mờ lùp mờ ồng Ksor Hnao bè ala\ broa\ neh lơh neh lơh geh tàm nam  neh  rlau mờ ala\ kờp du\ tàm nam pa 2017.

            -Ơ ồng, bơh tài ồng tus mờ broa\ trah phàt rùp hìu bồc?

            Ồng Ksor Hnao: Bơh nam 12 sơnam, a` neh kờ` ngan sền ala\ rùp mơ chi, kờ` ngan sền ala\ cau dờng, ala\ wa, bèp trah  phàt rùp tàm ala\ dơ\ lơh yàng Bơthi bồc. Ala\ rùp trah phàt do niam ngan, gơ krơi is ngan mờ bè cau ngan. Tu\ hơ\ a` at mra, at sùng bơsram trah, bơsram phàt rhời. Tu\ a`  tòm 18 sơnam, a` neh git trah  phàt rùp. Rùp sơnrờp mờ a` trah phàt la rùp mè kơnđu kòn. Sa\ tờm  a` go\ niam, làng bol kung go\ niam. Sền rùp hơ\ a` go\ gơ geh sồp sùan, bè hơ\ la làng bol tàm [òn ai rùp hơ\  boh  cau chơt tềng hìu bồc. Tơnơ\ hơ\, làng bol geh sồr a` lòt  trah, phàt rùp tai. Den tàng,  khà rùp a` trah phàt slơ ngai slơ ua\. A` go\ gơlơh kờ` gơboh ngan. Do la broa\ ờ di la  broa\ jòi pria\, mờ la bơhìan  niam chài bơh  kòn cau Jarai bol a`.

            -Bè hơ\,  kờ` prap gàr wơl  bơhìan trah phàt rùp hìu bồc bơh cau Jarai, ồng neh lơh broa\ lơi tàm tơngai tu\ do?

            Ồng Ksor Hnao: Tus tu\ do,  bulah   cau dê cau ờ gam bơyai lơh  yàng Bơthi bồc tai, mơya a` gam prap gàr ờs bơhìan chài rgơi trah phàt rùp do. Ờ geh hìu bồc ơn  rùp den a` geh trah phàt rùp lời  a` dê tàm hìu a`.  Hơ\ la broa\  a`  lơh geh mờ kah tus bơta chài  rgơi bơhìan bơh cau Jarai. Kung kơnờm bè hơ\ mờ a` geh lòt pơr lòng, mờ a` gah khà jờng. Dơ\ 2, a` lòt trah  phàt rùp rùp tàm Buôn Đôn, Daklak. Dơ\ 3, a` geh lòt   trah phàt rùp mờ chi tàm tiah nhơl chờ Ko\ Tam tàm Daklak, hơ\ sồng tus  tiah nhơl chờ Đồng Mô, Hà Nội. Bal mờ ala\ rùp mờ chi geh  ơn tềng hìu bồc dềt, tus tu\ do a` neh trah gơs geh 60  tus 70 rùp dờng. Tàm Gia Lai, a` neh bơto bơtê trah phàt rùp  mờ chi tus  mờ  pơnu tàm ala\ kơnhoàl Cư\ Pưh mờ Đức Cơ, [òn Kép,  tàm [òn dờng Pleiku. Den tàng,  gơnoar atbồ [òn lơgar mờ  dà lơgar neh  jàu a` in khà cau jak chài bơhìan yau. Tu\ lơi rnàng kơnòm sa\ kờ` trah phàt rùp, den a` gam pơnjat tai bơto khi in git bè  bơhìan trah phàt rùp  mờ chi do.

            -Tàm nam pa 2017, ồng geh bơta kơp kờ` lơi nàng prap gar, bơto bơtê bơhìan trah  phàt rùp hìu bồc bơh cau Jarai?

            Ồng Ksor Hnao: Tu\ do,  bơhìan  trah phàt rùp hìu bồc gơ lơh bè neh cau hiu\, gơbàn  roh  tàm rài kis bơh cau Jarai. Mơya, a` kung gam  sền gàr mờ kah gơ nàng kah tus bơhìan làng bol kòn cau bơh lơh yàng Bơthi bồc rài yau  bơh ồng pàng  yau. A` kung kơp kờ` tơnơ\ do làng bol ba` sang bơhiàn niam chài do, tài gơ la bơhìan chài rgơi jo\ rài ngan bơh  mò pàng yau. Hơ\ la  jơi nòi kuơ màng ngan. Nam 2017 tus, a` kờ` lơh dùl hìu bơhìan mờ mpàn kòn cau  nàng geh ơn ala\ rùp hìu bồc mờ a` neh trah phàt gơs, nàng kah tus bơhiàn chài rgơi bơh cau Jarai bol a`. Hơ\ la dùl hìu dềt, nàng cau nac tàm lơgar, nac  bơh lơgar cau tus sền bơta niam bơh ala\  rùp hìu bồc, yal tơnggit khi in bè chài rgơi  bơhìan cau Jarai dê. bal mờ hơ\, [òn lơgar geh cau  kờ` bơsram trah phàt rùp, a` tu\  lơi kung rcang tus bơto bơtê khi in.

            -Dan ưn ngài ồng ua\ ngan !

                             Cau cih mờ yal tơnggit K’ Brọp