VOV4.K’ho - Ồng Vũ Đức Đam Phó Thủ tướng Chính phủ pa sồr ală Bộ, gah sơnah lơh broă geh gơnoar kơlôi sơnơng jơnau dan bơh Mpồl tam klăc nhơl chờ Việt Nam, dan ală kơrnoat, broă lơh, gùng dà broă lơh jal mhar dong kờl, tă bơsong bơta kal ke tài gơrềng bơh kòp dờng Covid-19 gơwèt mờ gah nhơl chờ.

Sền swì jơnau dan bơh Mpồl tam klăc nhơl chờ Việt Nam dê bè ală broă lơh jal mhar dong kờl mpồl lơh sa kă bro mờ ngui Hộ chiếu vaccine tàm tơngai gơrềng bơh kòp dờng Covid-19, ồng Vũ Đức Đam Phó Thủ tướng Chính phủ geh jơnau đơs bè do: Bộ Kế hoạch mờ Đầu tư đơng lam, pơgồp bal mờ Bộ Văn hoá, Thể thao mờ Du lịch mờ ală Bộ, anih lơh broă geh gơrềng kơlôi sơnơng jơnau dan bơh Mpồl tam klăc nhơl chờ Việt Nam dê, dan ală kơrnoat, broă lơh, gùng dà broă lơh jal mhar dong kờl, tă bơsong bơta kal ke tài gơrềng bơh kòp dờng Covid-19 gơwèt mờ gah nhơl chờ; tơrgùm bal, yal mờ Thủ tướng Chính phủ in tàm qúy 2 nam 2021.

Cau mblàng K’ Hạnh