VOV4.K’ho- Mho ngai 11/4, tàm Hà Nội, Bộ Giáo dục mờ Đào tạo, Đoàn Ơruh pơnu Cộng sản Hồ Chí Minh dà lơgar, Mpồl Chữ thập đỏ dà lơgar Việt Nam, Rơndăp broă lơh Ală bồ tơngoh jak Việt số hoá pơgồp bal bơyai lơh dơ̆ lam lơh Broă lơh “Bơta kơ̆p kờñ ai oh in”. Ồng Vũ Đức Đam Phó Thủ tướng Chính phủ tus bal. Broă lơh “Bơta kơ̆p kờñ ai oh in” nàng kờñ yal tơngĭt, lơh gơrề mờ hòi jà tơrgùm jơh bơta pràn nàng dong kờl bơtàu tơnguh bơto bơtê tàm ală ƀòn lơgar tiah kal ke, tiah sar lơgar ngài, tiah làng bol jơi bơtiàn dùl êt nă cau.

Đơs tàm dơ̆ lam lơh, ồng Vũ Đức Đam pà gĭt, bal mờ priă jền bơh Dà lơgar dê, bơta tàm sơm băt tê bal bơh ală mpồl cau, cau dùl nă să is dê geh rơhời lơh niam wơl geh bơta bơkah tơl pràn dơ̆ sàu sa in mờ anih bơsram sră bơh kơnòm bơsram, ală cau pơgru tiah kơh bơnơm, tiah làng bol jơi bơtiàn dùl êt nă cau dê. Bơta do, geh pơgồp bơnah lơh jăt dùl bơta kơ̆p kờñ dờng, bơ̆t bơtàu Việt Nam gơ gơs là dùl dà lơgar dờng pran pas sơm.

Cau mblàng Lơ Mu K’Yến