VOV4.K’ho - Lơh jăt broă pơlòng “Ơruh pơnu Kuang àng làng bol bơsram, lơh jăt 6 bơta Bác Hồ bơto” ơruh pơnu kuang àng càr Dak Nông ờ mìng tơnguh nùs nhơm lam lài tàm broă lơh jăt kơnòl tòm tàm broă lơh mờ gam lam lài, lơh broă nùs nhơm is, tus bal pơgồp bơta pràn tài rài kis mpồl bơtiàn. Bơh tu\ hơ\,pơgồp bal tàm broă bơ\t bơtàu, lơh niam tai rùp rài “Kuang àng làng bol tài lơgar hu^ să tòm, tài làng bol drơng broă”.

Bơsram mờ lơh jăt jơnau jăk Bác Hồ bơto, ală nam do, mờ gơnoar là cau atbồ mpồl pơlam broă lơh tơrgùm bal, Kuang àng kơnhoàl Dak Glong, Thượng uý Đinh Văn Bộ sùm tơnguh nùs nhơm geh kơnòl, lơh gơs jăk chài kơnòl geh jào.

                                                Chi đoàn anih sền gàr chính trị pà phan làng bol in

4 nam tơn, bi ndrờm geh khà cau ling jăk chài tàm pơlòng tàm broă “Ơruh pơnu Kuang àng làng bol bơsram, lơh jăt 6 bơta Bác Hồ bơto”, Ban thường vụ tỉnh đoàn pà sră jờng rơ bè cồng nha broă lơh tàm 5 nam lơh jăt Chỉ thị sồ 03 bơh Bộ chính trị bè bơsram mờ lơh jăt ơnà jăk Bác Hồ dê.

Tam pà bè ală broă lơh bơh ơruh pơnu tàm mpồl, Thượng uý Đinh Văn Bộ đơs:

-Bal mờ Mpồl đơng lam Đoàn Kuang àng kơnhoàl, bol a` neh bơ\t bơtàu broă lơh di pal, pơgồp bal broă lơh đoàn mờ broă lơh tòm tàm kơnhoàl bè: gàr niam ờ do ờ dă tàm xã Quảng Khê; lam sồr adăt boh lam ai kơnòm bơsram in; bơyai lơh ală broă lơh nùs nhơm is tàm ală tiah, còp să mờ pà phan ai làng bol in; tă priă, dong kờl broă bơ\t bơtàu [òn lơgar pa.

Mờ nùs nhơm lam lài bơh ơruh pơnu dê, ală nam do, Trung uý Nguyễn Sỹ Nam, Phó kuang atbồ mpồl atbồ đặc doanh, Phòng cảnh sát atbồ sră nggal bè bơta niam ờ do ờ dă mpồl bơtiàn Kuang àng càr Dak Nông neh lơh niam broă pơlam kuang bàng ală kơnă in ai tơl^k uă broă lơh, rơndăp broă drơng tam dră mờ cau tìs, kuơ màng là broă dan atbồ [òn ơm kis, broă lam sồr toh wơl phào crong, phan bơrtoh, phan dong kờl, lơh geh cồng nha broă lơh tòm.

                                  Ơruh pơnu đah kuang àng càr Dak Nông tus bal ai mhàm dong kờl is

Là kuang bàng tàm đoàn, bi sùm bơyai lơh ală broă lơh wèt tus tàm ală xã, còp să, pà phan ai ală hìu nhă geh sră dong kờl bơh dà lơgar, hìu nhă geh rài kis kal ke, bơyai lơh sră kim ta ntrờn làng bol tàm ală [òn in. 2 nam tơn, Trung uý Nguyễn Sỹ Nam pơnyờ să geh khà pơn jờng “Cau kơnòm să kuang àng càr Dak Nông jăk chài, geh pơnrơ”. Trung uý Nguyễn Sỹ Nam yal:

-Lơh broă tòm ndang mờ lơh broă đoàn ndang geh gơrềng uă ngan sơl. Den tàng a` sùm rơcang rơndăp broă lơh di pal, tam pà tơngai kờ` tus bal mờ ală broă lơh, rơndăp broă lơh kờ` lơh gơs niam kơnòl mờ cấp uỷ, kuang bàng đơng lam jào.

A` sùm rơcang pơlam ai cấp uỷ, kuang bàng đơng lam mpồl ling ală broă, rơndăp broă lơh đoàn, pơgồp mờ broă lơh ală kơnòl broă tòm. Geh pơnrơ ngan bè broă lơh sră kim ta ntrờn làng bol tàm ală xã tiah sar lơgar ngài tàm càr in, pơgồp bal tàm broă lơh niam sră nggal, tơmù ờ uă ngan tơngai lòt rê bal mờ priă làng bol in.

Tàm ală nam do, Mpồl đơng lam Đoàn ơruh pơnu Kuang àng càr Dak Nông neh ai geh uă broă lơh, rơndăp broă đơng lam ală mpồl Đoàn gơrềng bal, ai bơh tàm broă kờ` lơh, kơnòl broă krơi is kờ` lơh mùl màl jơh ală khà pơlòng mờ ai cồng nha bơsram pah nam bơh mpồl, cau 1 nă să dê.

                                              Chi đoàn Phòng cảnh sát pà phan cau rơ[ah in

Bơh tu\ hơ\, dong kờl tơl nă đoàn viên ơruh pơnu tơnguh jơnau g^t wă, lơh jăt nền nòn bơta sồr, bơ\t bơtàu rài kis chài rơgơi, tơnguh uă nùs nhơm drơng làng bol, pơgồp bal tàm broă lơh gùt mpồl gàr niam ờ do ờ dă tàm [òn lơgar. Đại uý Phan Văn Hùng, Bí thư đoàn ơruh pơnu Kuang àng càr Dak Nông pà g^t:

-Nam pa do, Đoàn ơruh pơnu kuang àng càr mờ uă ngan broă lơh jăt broă lơh ơruh pơnu kuang àng làng bol bơsram, lơh jăt 6 bơta Bác Hồ bơto – broă lơh bơh đoàn ơruh pơnu Bộ Công an, lơh jăt tus đoàn ơruh pơnu kuang àngală càr, bơyai lơh ală broă lơh wèt tus hờ ală [òn, tàm hơ\ uă ngan là [òn tiah sar lơgar ngài, tiah làng bol kòn cau, tiah kal ke. Bơh ală broă lơh do, neh bơto bơtê chính trị, nùs nhơm ai đoàn viên ơruh pơnu in bơhiàn jăk chài dà lơgar Việt Nam dê.

Bal mờ broă dờp ròng siam 1 nă cau mè Việt Nam khin cha jăk chài, nam 2017 pa do, Đoàn ơruh pơnu kuang àng càr Dak Nông neh bơyai lơh 12 broă lơh mpồl bơtiàn lơh ală broă lơh nùs nhơm tus tàm ală [òn, kham kòp, pà sơnơm ờ sa priă 200 nă cau in; pà 1 “jơdu\ bơsram ai oh in”, 2 khàr jồr dà, 100 khà priă bơsram; 400 pò phan satềp ai cau rơ[ah in mờ kờp jơh khà 534 tơlăk priă, tus bal pơs wàs kloh niam, toah wàs rơbòng dà, lơh 10 kơi sồ gùng lòt tàm [òn.

Bơyai lơh broă ai mhàm dong kờl is, mờ rơlao 900 nă đoàn viên, ơruh pơnu tus bal, geh 736 kơl dung mhàm.

Wă jơnau bơto bơh Bác Hồ, cau kơnòm să kuang àng càr Dak Nông neh mờ gam pơn jăt tai, tơnguh bơhiàn jăk chài bơh gah broă lơh bal mờ mpồl ơruh pơnu kuang àng làng bol pơnyờ să lơh jăk tai ală broă lơh jăk chài, di pal mờ ală jơnau bơto sồr bơh Bác Hồ dê gơwèt mờ mpồl ơruh pơnu.

Cau cih mờ yal tơng^t Ndong Brawl