VOV4.K’ho- Kah ngan jơnau Bác Hồ bơto sồr: “Tiah lơi kờn ơruh pơnu geh, tiah lơi kal ke geh ơruh pơnu”, ơruh pơnu Kuang àng càr Kontum sùm pơ`ìơ să là mpồl cau lam lài, bơceh pa, lơh lài lam lài tàm tu\ mu\t lơh kơnòl broă gùng dră bal mờ broă lơh mpồl ơruh pơnu dê. Tơngai lài, Mpồl ơruh pơnu Kuang àng càr Kontum neh bơyai lơh uă broă lơh geh kuơ ngan wèt tus tiah sar lơgar ngài, tiah làng bol kòn cau gam uă kal ke siău siar. Ală broă lơh dong kờl is do ờ mìng dong làng bol tàm tiah khi tus tơrmù [à bòl glar kal ke lơm gời ờ mờ gam lơh gơs rùp să niam bè cau kuang àng làng bol.

            Mờ jơnau đơs “Ơruh pơnu Kuang àng càr lam lài, bơceh pa bơ\t bơtàu mờ sền gàr Dà lơgar”, tơngai lài, Mpồl ơruh pơnu Kuang àng càr Kontum neh bơyai lơh uă broă lơh mpồl bơtiàn, lơh broă niam tơrgùm bal pràn tài mpồl bơtiàn. Ală broă lơh geh lơh duh hồl, làm uă mờ geh lơh dờng neh gơhòi gal ngan ơruh pơnu tàm ală cơldu\ lơh broă, mpồl lơh broă tus lơh bal.

            Bơh 30 dơ\ lơh broă dong kờl is tàm ală ù tiah nhàr lơgar, tiah kal ke, tiah kuơmàng bè sền gàr bơta lơngăp lơngai ờdo ờdă, Mpồl ơruh pơnu Kuang àng càr Kontum neh lơh geh uă broă lơh geh cồng nha geh kuơ ngan ai làng bol in, bè: lơh pa, mờ lơh mờ bêtông rlau 2300 thơk gùng lòt tàm ală [òn; pà gi\t nđờ rbô blah àu mpha, sră măy mờ sră cih ai ală kơnòm bơsram tàm tiah kal ke in bal mờ kờp jơh priă tă lơh là mờr 500 tơlak.

            Mìng kờp is tàm dơ\ ai cau lòt bơ\t bơtàu [òn lơgar tàm dơ\ rlô bơkang pa do tàm ntum nhàr lơgar Rờ Kơi, kơnhoàl Sa Thầy, Mpồl ơruh pơnu Kuang àng càr Kontum neh lơh pa 5 nơm hìu ai hìu bơnhă geh sră dong kờl bơh dà lơgar mờ hìu bơnhă kal ke in; lơh 1800 thơk gùng lòt mờ lam lơh uă broă lơh mpồl bơtiàn, nùs nhơm niam. Sền go\ bơta tă pơgồp mờ nùs nhơm geh kơnòl mờ rài kis làng bol [òn lơgar bơh ơruh pơnu kuang àng càr Kontum dê, bi A Khan, Kuang atbồ [òn Kram, ntum Rờ Kơi, kơnhoàl Sa Thầy, ngoh rơngac đơs: “Bol a` chờ hờp ngan geh wa\ rò ală ơruh pơnu lơh broă dong kờl is Kuang àng càr Kontum dê rê tàm do dong làng bol bol a` lơh ală hìu neh ồm sèt nhhat dà mìu mờ lơh ală gùng lòt ndai. Dong làng bol bol a` tàm broă lơh sa kung bè bơta chài rơgơi. Dong làng bol bol a` geh rài kis pas sơm rlau mờ niam bơne\ rlau”.

            Ai bi A Tiếp, là dùl nă làng bol [òn Kram, đơs bè do: “Mpồl ơruh pơnu Kuang àng càr neh jơh nùs dong kờl ală hìu r[ah mờ lơh gùng lòt rê. A` kơ\p kờn Mpồl ơruh pơnu Kuang àng càr geh broă lơh chờ hờp rlau mờ do tai”.

            Bal mờ dong làng bol tam gơl broă lơh broă sa kung bè rài kis pah ngai, brồ guh bơta pràn tàm broă lơh ờs mờng, Mpồl ơruh pơnu Kuang àng càr Kontum gam lơh pràn broă lơh mblàng yal kơrnoat boh lam, mblàng yal rơcang sơndră cau lơh tìs, rơcang sơndră ma tuý, ờdo ờdă gùng lòt ai làng bol tàm tiah geh lơh ală broă lơh dong kờl is in. Bơh hơ\, dong làng bol gi\t loh làng rlau tai gùng dà broă lơh bơh Đảng mờ kơrnoat boh lam Dà lơgar dê. Ală dơ\ mblàng yal bè kơrnoat boh lam geh ală ơruh pơnu “lơh tơngo\ ngan ngồn” bơh uă broă lơh pơn jat bal, bè bơyai lơh tìp mat lơh quèng chài rơgơi, đơs crih tam ya, tàp pràn să jan; siăt so\, bơto pơlam ală oh dềt broă lơh kloh niam is să jan; tru\ gơm ală phan sa ờ sa priă…den tàng lơh gơkờn uă ngan cau làng bol tus lơh bal.

            Broă lơh Hùc dà kah tô dà kung geh Mpồl ơruh pơnu Kuang àng càr Kontum bơyai lơh sùm. Mìng kờp is nam 2015, Mpồl ơruh pơnu kuang àng càr Kontum neh lơh mờ jàu pà 4 nơm hìu bơta nđàc kờp mờ priă jơh ală là rlau 200 tơlak; pà rlau 1500 bơnah phan ai ală hìu bơnhă geh sră dong kờl bơh dà lơgar, cau kue\t kơlte, kơnòm kòn đời, kơnòm bơsram r[ah sơrlèt gan kal ke bơsram jak in. Trung uý Lê Đình Lợi, kuang bàng lơh broă tàm Cơldu\ lơh broă Kảnh sát lùp khàu cau lơh tìs bè rơndăp tăp sèng ờdo ờdă atbồ lơh sa mờ gơnoar broă, pà gi\t: “Bơh broă lơh do, a` kung geh tă pơgồp bơta pràn kơnòm să bơh he dê nàng dùl bơnah lơi hơ\ dong kờl làng bol. Bơh do bol a` kung kơ\p kờn bơ\t bơtàu rùp să kuang àng làng bol gơ in niam bơne\ ngan”.

            Sùm là mpồl cau lam lài tàm srơh pà mhàm dong kờl is, mìng kờp is tàm nam 2015 pa do, Mpồl ơruh pơnu Kuang àng càr Kontum neh bơyai lơh pe dơ\ pà mhàm dong kờl is mờ rlau 500 dơ\ kuang bàng, kuang àng mờ ơruh pơnu lơh bal. Gi\t nđờ rhiang kơldung mhàm lơh geh neh drơng niam ai broă lơh kham sơm kòp bơh Hìu sơnơm dờng càr Kontum dê. Ală broă lơh pa yal neh tơngo\ geh nùs nhơm geh kơnòl bơh ơruh pơnu Kuang àng càr Kontum dê gơ wèt tus mờ làng bol [òn lơgar, sơlơ lơh niam rlau tai rùp să niam bơne\ bơh cau kuang àng tàm nùs nhơm làng bol dê. Trung uý Trần Khánh Duy, Kuang jat jơng atbồ đơng lam Mpồl ơruh pơnu Kuang àng càr Kontum, pà gi\t: “Bồ nam 2016, Mpồl ơruh pơnu Kuang àng càr neh bơyai lơh uă ngan broă lơh wèt tus [òn lơgar, ală broă lơh mpồl bơtiàn dong kờl is. Kuơmàng là tàm dơ\ rlô bơkang. Bơh tu\ do tus tàm lồi nam mờ tàm tơngai tus Mpồl ơruh pơnu Kuang àng càr geh gam bơyai lơh uă ngan broă lơh geh kuơ ngan wèt tus [òn lơgar mờ jơnau đơs lơh broă là Ơruh pơnu Kuang àng Kontum lam lài, bơceh pa, bơ\t bơtàu mờ sền gàr Dà lơgar. Wèt tus [òn lơgar nàng lơh rài kis bơh làng bol dê ngai sơlơ niam bơne\ rlau”.

            Cih dờp cồng nha mờ Mpồl ơruh pơnu Kuang àng càr Kontum neh lơh geh tàm ală broă lơh dong kờl is tài bơh làng bol [òn lơgar, nam lài, mpồl ơruh pơnu kuang àng càr Kontum bal mờ gi\t nđờ jơ\t nă ơruh pơnu neh geh Mpồl ơruh pơnu Dà lơgar, Ală mpồl lơh broă dà lơgar, Anih duh broă làng bol càr Kontum, Mpồl ơruh pơnu càr pà Sră jờng rơ ală bơta. Bơta pơn jờng, jờng rơ di tu\ bơh ală kơnă, ală gah lơh broă dê gơ wèt tus mờ broă lơh Mpồl ơruh pơnu mờ broă lơh Mpồl là bơta pràn bơtơl tai bơta pràn nàng ală ơruh pơnu Kuang àng càr Kontum pơn jat tai lam lài, bơceh pa, bơ\t bơtàu mờ sền gàr Dà lơgar.

            Cau cih mờ yal tơngi\t- Lơ Mu K’ Yến