VOV4.K’ho- Nam 2019, Công ty Ồs đèng Dăk Lăk neh bơyai lơh uă broă lơh kah rơngal cau năc ngui đèng mờ tơrgùm lơh pràn tàm tơngai 3 nhai lồi nam.

Ồ đèng Dăk Lăk ala ờ sa priă ală gùng che đèng ngui tàm rài kis ai ală hìu bơnhă kal ke in

Jăt mờ hơ\, Công ty lam lơh uă broă, bè: Broă lơh “Sòl àng gùng [òn”, bal mờ 8 broă lơh tàm ală kơnhoàl: Cư Mgar, Cư Kui`, Ea H’leo, Krông Năng, Krông Buk mờ Lăk in; Broă lơh “Sòl pơnđàng bơta pin dờn” bal mờ broă lơh niam wơl, crăp ơn, ala pa gùng che đèng tơnơ\ công tơ, bảng đèng, đèng pờ àng ai 500 hìu bơnhă kal ke in; Tus lơh kloh niam ờ sa priă rlau 70 trạm biến áp ai ală cau năc ngui đèng uă in; Dong kờl bơh 30% priă apah cau tus crăp ơn ai jơh ală năc ngui đèng pa in; lam lơh 100% ală drơng broă ai pà ồs đèng jăt broă lơh điện tử; kah rơngal rlau 300 nă năc tơm priă đèng ờ tơm mờ priă măt; Poh dum phồng pà mhàm dong kờl is…

Ală broă lơh bềng bơta geh kơnòl mờ bơta jơh nùs jơh tồr bơh gah lơh đèng càr Dăk Lăk dê neh dờp geh bơta kờ` gơboh pin dờn bơh làng bol dê, là ală cau năc ngui đèng. Mò H’Wênh Niê, ơm tàm [òn Ea Nao, xã Ea Tu, [òn dờng Buôn Ma Thuột là dùl tàm 500 hìu bơnhă tàm càr Dăk Lăk pa geh ala pa ờ sa priă ală gùng che đèng bơh ngkời công tơ, chờ hờp đơs: A` ưn ngài gah lơh đèng neh dong lơh che đèng pa ai hìu bơnhă in. Sa tềp do, hìu bơnhă a` neh iang nùs ngui ală phan drơng tàm rài kis.

Cau mblàng Lơ Mu K’Yến