VOV4.K’ho- Bơh bồ nam tus tu\ do, Công ty Ồs đèng Dăk Lăk neh tơrgùm mờr 540 rbô sồ điện thoại mờ rlau 130 rbô email bơh năc ngui đèng dê, nàng yal tơngi\t ală broă drơng ala sền gàr cau năc ngui đèng bơh tin nhắn, sră pơyua điện tử.

Bal mờ nhắn tin yal khà đèng, priă đèng pal tơm pah nhai, công ty gờ` yal bè tơngai ơm ing pờ đèng, ală tìs tài bơh chơ\t đèng nisơna tài bơh bơta gơ aniai, ală jơnau yal gơrềng tus drơng broă bơh gah đèng dê…dong cau năc ngui đèng in rcăng lài tàm broă ơm kis, lơh sa, kă bro. Mờ bơh ală gah Website, phần mềm điện thoại mờ tổng đài 19001909, Công ty Ồs đèng Dăk Lăk neh dờp rlau 23 rbô 800 jơnau sồr tơn tàm internet.

Ồng Nguyễn Văn Minh, Phó Chủ tịch Ủy ban Nhân dân kơnhoàl Cư Mgar đơs: Broă ngui công nghệ yal tơngi\t jơnau tàm tu\ ătbồ kung bè tàm tu\ tơm priă đèng den gah ồs đèng lơh là niam ngan, tu\ do gam lơh broă tơm priă đèng bơh tàm thẻ ngân hàng. Hơ\ sồng ală jơnau yal bơh gah đèng dê kung geh yal sơl tàm điện thoại ngăc ngar, yal bè priă đèng, yal bè bơta aniai, yal bè tơngai tơn chơ\t đèng, yal mhar mờ di tu\ ngan.

Cau mblàng Lơ Mu K’Yến