VOV4.K’ho - Pà mhàm is la broa\ lơh geh pơrya kuơ màng ngan  ngồn. Ala\ ntờc mhàm geh  pà bơh nùs nhơm niam ngan neh pơ gồp dờng màng ngan tàm broa\ lơh dong cau kòp sơm  kòp bơh gah lơh sơnơm dê, cèng wơl rài kis git nđờ tơlak na\  kòn bơnus. Go\ geh bơnga\  dờng màng bơh broa\ lơh do,  tàm ala\ nam do,  Hội chữ thập đỏ kơnhòal Ea Kar, càr Daklak sùm geh lơh ngan mblàng pơlam, lam sồr nàng srơh pà mhàm  lơh broa\ dong kờl is do slơ ngai slơ geh gơ rề dờng ơnàng  tàm rài kis mpồl bơtìan.

At tàm tê sra\ dan cih mat, mò Hòang Thị Điểu kis tàm khối 1, thị trấn Ea Knốp, kơnhòal Ea Kar, càr Daklak chờ ngan, do la dơ\ 4 mò geh tus bal  ai mhàm is. Bulah git sa\ tờm neh dờng sơnam  pà mhàm mơya mò gam dan cih mat  pà mhàm, mơ kung geh hòi jà ala\ cau tàm hìu mờ cau rềp hìu lòt bal. Mò Hoàng Thị Điểu  boh bơr:

A` neh pà is mhàm  4 dơ\ bloh. Dơ\ do, tơnơ\ geh kham, bác sĩ đơs mờ a` la neh rlau ir sơnam pà mhàm mơya tài bơh gam go\ pràn tàm sa\ den tàng a` kờ` geh lòt pà mhàm dùl dơ\ tai nàng dong ala\ cau kòp kờ` mhàm. Dơ\ sơnrờp  tơnơ\ geh pà mhàm di dùl nhai a` lơ ma\ di 2 kg mờ go\ gơ lơh sa\ bồ pràn,  pràn rlau.

Tàm ngai chờ  pà mhàm  dong kờl is dơ\ 1 nam 2016,  tàm kơnhòal Ea Kar gam geh ua\ ngan cau dờng sơnam dan cih mat tus bal. Tu\ geh  ala\ y, bác sĩ ai git,  khi neh rlau ir sơnam  pà mhàm, ua\ cau gơ lơh bè geh tìs. Bơta do geh ai go\ mpồl bơtìan slơ ngai slơ git wa\ rlau tai bè bơta kuơ bơh srơh pà mhàm is dòng kờl.

Ờ mìng bơh ala\ cau  dờng sơnam hơ\ sồng git wa\  bơta kuơ bơh  broa\ pà mhàm dong kòn bơnus mờ  bal mờ cau kơnòm sa\, ala\ kơnòm  bơsram tàm kơnhòal Ea Kar kung neh wa\ mờ  jơh nùs ngan tus bal  mờ srơh broa\ lơh do. Dơ\ sơnrờp geh tus bal ai mhàm is, oh Hứa Thị Phương kơnòm bơsram ơdu\ 12D, hìu bơsram kấp 3 Trần Nhân Tông, ai git,  bơh sơnrờp oh gơ lơh ngòt mờ ờ suk ngan, mơya tơnơ\ geh  sền ua\ ngan  cau kơnòm sa\ geh tus bal, oh geh tai bơta khin:

Ai pà mhàm den gơ geh gơ  cat mhàm pa, niam sa\ ja` he in, mơ kung geh dong kờl geh ua\ cau, bè  ala\ cau ờ tơl mhàm kờ` geh tơmut mhàm.

Tàm ala\ nam do,  lơh jat dơ\ lam sồr pà mhàm dong kờl kòn bơnus bơh Hội chữ thập đỏ dà lơgar Việt Nam lam lơh,  Gah lam sồr ai mhàm is dong kờl kòn bơnus-Hội chữ thập đỏ kơnhòal Ea Kar neh nhap nhar mblàng pơlam tus gal ngan làng bol bè bơta pơrya bơh srơh lơh broa\ do. Pah nam,  Gah lam sồr  drờm geh sra\ nggal hòi jà cau kuang,  cau ling,  cau tàm đòan, ơruh pơnu,  kơnòm bơsram mờ làng bol tus bal pà mhàm is. Tu\ do, 16/16 xã, thị trấn bơh kơnhòal Ea  Kar neh geh  gah lam sồr ai mhàm dong kờl cau kòp lơh broa\ niam ngan, geh cồng nha. Mò Nguyễn Thị Hoa kuang atbồ Hội chữ thập đỏ kơnhòal Ea Kar ai git:

Pah dơ\ bơyai lơh,  bol a` drờm geh pơyua  sra\ lam sồr  tus gah lam sồr pà mhàm hờ đơm, dong broa\ tus gơnoar atbồ jàu khà tus ala\ [òn. Tàm ala\  broa\ lơh  bè pơrjum, dong pơlam,  bol a` ndrờm geh lơh bal mblàng pơlam, lam sồr nàng làng bol geh wa\ bè bơta pơrya bơh broa\ ai pà mhàm is. Kơnờm bơh hơ\ mờ khà cau tus bal ai pà mhàm is ngai slơ gơguh ờ mìng geh cau kuang, cau lơh broa\ mờ jơh bal mờ làng bol kis tàm tiah sar lơgar ngài kung jơh nùs lơh jat bal.

Bal mờ broa\ lơh mblàng pơlam,  lam sồr, Hội chữ thập đỏ kơnhòal Ea Kar gam  dờp geh bơta kờ` bal,  geh lơh bal niam bơh ala\ gah, sơnah lơh broa\, mpồl bơtìan tàm kơnhòal. Den tàng, khà cau geh tus bal pà mhàm is mờ kơldung mhàm geh gơguh rhời bơh ala\ nam. Nền nòn, nam 2010,  gùt kơnhòal ai geh 400 kơldung mhàm,  tus nam 2015 mhàm ai geh gơguh ua\ rlau 3 dơ\, nam 2016 gơguh ua\ rlau 4 dơ\. Kơldung mhàm  ai geh kung rlau mờ broa\ geh jàu.

Chồl guh ala\ cồng nha lơh geh, tàm tơngai tus, Gah lam sồr pà mhàm-Hội chữ thập đỏ kơnhòal Ea Kar geh pơnjat tai tơngguh broa\ lơh mblàng, lam sồr làng bol. Ngan la geh lơh bal mờ ala\ hìu bơsram, bơyai  lơh ala\ bùi bơsram hờ bơdĩh hìu bơsram, mblàng bè  pơrya bơh broa\  lơh ai mhàm is tus mờ ala\ kơnòm bơsram, gơ gơs broa\ lơh tơrbo\ bơh hìu bơsram mờ hìu nha\, bơh hơ\  broa\ lơh geh gơ rề ơnàng tàm mpồl bơtìan.

                                                Cau cih mờ yal tơnggit K’ Brọp.