VOV4.K’ho – Bơh ngai 01/01/2016, kơnòm bơsram, cau bơsram dờng kòn cau di hìu nhă rơbah tu\ tus bal bơto bơsram hìu bơsram cao đẳng, trung cấp tàm ală hìu bơsram bơto broă lơh geh dờp ală bơta dong kờl bơsram bè: priă bơsram, ală bơnah priă dong kờl blơi phan ngui, dong kờl tàm dơ\ sa tềp bơhìan yau mờ dong kờl lòt rê. Broă dong kờl bơsram tus mờ kơnòm bơsram, cau bơsram dờng hìu bơsram cao đẳng, trung cấp pa geh Gơnoar atbồ lơgar ai tơlik:

Cau geh dờp bơta dong kờl tu\ tus bal broă lơh bơto bơsram hìu bơsram cao đẳng, trung cấp tàm ală hìu bơsram bơto broă lơh là: cau kòn cau di hìu nhă rơbah, hìu nhă ndrờm bè cau rơbah, cau kuet kơlte; cau jơh bơsram hìu bơsram kòn cau kai 3; cau yoan di hìu nhă rơbah, hìu nhă ndrờm bè cau rơbah halà cau kuet kơlte geh sră cih mat ơm kis sùm tàm tiah geh broă lơh sa mpồl bơtiàn uă kal ke, tiah làng bol kòn cau, tiah nhàr dà lơgar, bồt dà lềng. Kơnòm bơsram, cau bơsram dờng kòn cau di hìu nhă rơbah, hìu nhă ndrờm bè cau rơbah, cau kuet kơlte geh dờp priă dong kờl bơsram ndrờm mờ 100% priă nhai bơh sơn rờp tàm dùl nhai.

Gơwèt mờ kơnòm bơsram, cau bơsram dờng jơh bơsram hìu bơsram kòn cau kai 3; kơnòm bơsram, cau bơsram dờng cau yoan là cau kuet kơlte geh sră cih mat ơm kis sùm tàm tiah geh broă lơh sa mpồl bơtiàn uă kal ke, tiah làng bol kòn cau, tiah nhàr lơgar, bồt dà lềng, priă dong kờl bơsram ndrờm 80% priă nhai bơh sơn rờp tàm dùl nhai. Ai kơnòm bơsram, cau bơsram dờng cau yoan di hìu nhă rơbah, hìu nhă ndrờm bè cau rơbah geh sră cih mat ơm kis sùm tàm tiah geh broă lơh sa mpồl bơtìan uă kal ke, tiah làng bol kòn cau, tiah nhàr lơgar, bồt dà lềng, priă dong kờl bơsram ndrờm 60% priă nhai bơh sơn rờp tàm dùl nhai.

Bal mờ hơ\ ală cau do gam geh dong kờl dùl dơ\ mờ khà priă 1 tơlak tàm 1 ơdu\ bơto bơsram nàng blơi phan ngui bè ồi tơ\, àu răm dilah kờ`, kơmùng bic, bềl, àu mìu mờ àu mpha sền gàr lơh broă jat broă lơh mờ he bơsram.

Kơnòm bơsram, cau bơsram dờng ơm wơl hìu bơsram tàm dơ\ sa tềp bơhìan yau geh dong kờl 150 rbô priă. Bal mờ hơ\, tơl nă kơnòm bơsram, cau bơsram dờng geh dong kờl pah nam dùl dơ\ priă lòt rê bơh anih bơsram rê hờ hìu nhă mờ sơ lơu\ wơl mờ khà 300 rbô tàm dùl nam tus mờ kơnòm bơsram, cau bơsram dờng tàm ală tiah geh broă lơh sa mpồl bơtiàn uă kal ke mờ khà 200 rbô tàm dùl nam tus mờ ală cau gam wơl.

Cau geh dờp bơta dong kờl gam geh ờ sa, tơmù priă bơsram; dong kờl priă bơsram; priă pơr lòng; pà sră kham pràn să jan, geh kham pràn să jan pah nam; pà sră kham sơm kòp ờ sa priă; pà priă dong kờl bơsram pơn jờng bơsram jat kơrnuat geh ngui tu\ do. Tơl nă kơnòm bơsram, cau bơsram dờng mìng geh dong kờl dùl dơ\ tu\ tus bal broă lơh bơto bơsram hìu bơsram cao đẳng, halà trung cấp jat broă lơh dong kờl geh cih tàm kơrnuat do. Dilah kơnòm bơsram, cau bơsram dờng di ală cau geh dờp uă bơta dong kờl dùl dơ\ le\ den mìng geh dờp dùl bơta dong kờl jơnhua ngan rlau jơh halà bơsram dùl dơ\ le\ tàm uă hìu bơsram bơto broă lơh den mìng geh dờp bơta dong kờl tàm dùl hìu bơsram.

Tàm dùl nam bơsram, priă dong kờl bơsram geh ai tơl 12 nhai. Gơ wèt mờ broă lơh bơto bơsram geh tơngai hơđơm 1 nam halà geh tơngai bơsram nam lồi dut ờ tơl 12 nhai den priă dong kờl bơsram geh pà jat khà nhai bơsram ngan ngồn bơh nam bơsram hơ\ dê. Gơ wèt mờ ală broă lơh bơto bơsram jat tín chỉ den priă dong kờl bơsram geh pà jat tơngai bơsram tam gơl mơya ờ sơr lèt rlau tơngai bơsram bơh gah broă lơh geh bơsram mờ kai bơsram ndrờm bal jat nam bơsram.

Kơrnuat cih loh, kơnòm bơsram, cau bơsram dờng ờ geh dờp priă dong kờl bơsram mờ ală bơta dong kờl cau tàm ală tu\ bè tơnơ\ do: Gơtìp lơh glài sồr ơm bơsram halà ơm bơsram tài kòp jê, rềs àr ờ gơtùi pơnjat tai bơsram; tàm tơngai gơtìp sồr ơm ing bơsram geh tơngai pơr gon, ờ kờp tu\ ơm bơsram tài kòp jê, rềs àr, bơsram wơl halà ơm bơsram tài ală jơnau gơlik geh mờ geh hìu bơsram dờp geh ngan; tàm tơngai gơtìp kup jàm ing.

                                                             Cau cih mờ yal tơngit K’ Duẩn.