VOV4.K’ho - Kờ` tơnguh uă rơlao tai khà niam, cồng nha broă lơh Gơnoar ala măt dà lơgar dê, den bơta niam kuang bàng tàm Gơnoar ala măt dà lơgar geh gơnoar kuơ màng ngan. Uă jơnau đơs là, bal mờ ală khà geh bơh kuang bàng dê neh geh tơl^k tàm adăt bơyai broă Gơnoar ala măt dà lơgar, tềng đăp mờ ală broă kờ` sơlơ ngai sơlơ geh uă bơh làng bol, bơh broă tam gơl pa mờ tơrgùm bal, dơ\ te\ khà kuang bàng tàm Gơnoar ala măt dà lơgar kơnă 14 pal rơwah geh ală kuang bàng làng bol dê, geh nùs nhơm ngăc ngar, lơh ngan tam dră tài gơnoar mờ bơta kuơ di pal làng bol dê.

Adăt bơyai broă Gơnoar ala măt dà lơgar tơl^k ală khà kuang bàng tàm Gơnoar ala măt dà lơgar, tàm hơ\ geh đơs loh, cau ala măt làng bol pal đềt mềr mờ dà lơgar, làng bol mờ sơnoa boh lam, tam lơh lơh jăt broă tam gơl pa, tài làng bol pas gơs, dà lơgar pràn kơl dang, lơh tòm, ndrờm bal, jăk chài; geh nùs nhơm niam; geh bơta ngăc ngar tàm broă lơh, geh pơgồp bal đềt mềr mờ làng bol, iăt jơnau đơs làng bol dê mờ geh làng bol pin dờn mờ pồ. Ồng Bùi Văn Xuyền, kuang jăt jơng atbồ mpồl kuang bàng tàm Gơnoar ala măt dà lơgar càr Thái Bình đơs là, lài jơh, broă rơwah, yal kuang bàng tơl^k măt pồ tàm Gơnoar ala măt dà lơgar kơnă 14 tus do pal geh ai bơh tàm ală khà neh geh ai tàm adăt boh lam. Bơdìh hơ\ tai, jăt ồng Bùi Văn Xuyền yal, Gơnoar ala măt dà lơgar là anih lơh broă làng bol pồ, ala măt jơnau đơs, jơnau kơ\p kờ` làng bol dê. Tềng đăp mờ ală broă kờ` sơlơ ngai sơlơ geh uă bơh làng bol gơrềng tus mờ mờ kuang ala măt làng bol dê, kuang bàng tàm Gơnoar ala măt dà lơgar pal là cau mùl màl geh nùs nhơm kơ\ dơn, khin đơs ală jơnau đơs làng bol dê, tơl^k broă sền gròi bơh să tòm mờ ờ ngòt gơtìp bơta lơi: “Tu\ do, kờ` di pal mờ sơnoa boh lam pa, bal mờ broă tam gơl pa, broă kờ` bơh gơnoar lơh tòm làng bol dê, sền gàr gơnoar lơh tòm làng bol dê là kuơ màng ngan, dờng màng ngan. Ală adăt boh lam, broă lơh geh ai tơl^k tu\ do gam wèt tus mờ làng bol. Den tàng, kuang bàng kung pal g^t wă bè adăt boh lam, broă lơh, tàm hơ\ uă ngan là sơnoa boh lam tu\ do kờ` lơh ală broă lơi kung pal tơl^k geh ală broă kuơ màng, sền gròi, bơ\t bơtàu adăt boh lam kung pal geh gùt dar bơta do kờ` sền gàr kơrnoăt tàm sơnoa boh lam, pleh tìs mờ sơnoa boh lam, sơgràm tus mờ gơnoar khăt gơboh làng bol dê”.

Tơngai lơh broă Gơnoar ala măt dà lơgar kơnă 13, cau te\ khà mờ làng bol gùt lơgar neh iăt uă ngan jơnau đơs pơgồp bal jơh nùs, song dơ pă, geh kơnòl bơh ală kuang bàng tàm Gơnoar ala măt dà lơgar dê. Geh ală broă cau te\ khà ờ su\k ơm geh kuang bàng lùp ală kuang atbồ gah lơh broă dà lơgar, mơya ờ geh bơsong jơh di pal, mờ pơn jăt tai geh ală kuang bàng lùp tai, lùp sùm uă dơ\. Mơya tàm rơndăp broă jơnau yal tơnjơh tơngai lơh broă Gơnoar ala măt dà lơgar kơnă 13 pa geh yal anih duh broă sùm Gơnoar ala măt dà lơgar tàm pơrjum dơ\ 45 pa do kung neh tơl^k loh làng ờ uă broă gam ờ pràn bơh kuang bàng tàm Gơnoar ala măt dà lơgar tơngai lơh broă pa do dê bè, broă kuang bàng ờ ngăc ngar, ờ song dơ pă, lơh roh nùs nhơm pin dờn bơh cau te\ khà mờ làng bol gùt lơgar dê. Trung tướng Nguyễn Quốc Thước, kuang bàng tàm Gơnoar ala măt dà lơgar kơnă 8, 9, 10 đơs là, ală cau lơi tu\ geh yal tơl^k măt pồ te\ khà tàm Gơnoar ala măt dà lơgar kung pal geh rơwah bơh mùl màl mờ pal geh sền gròi să tòm kuang bàng hơ\ neh geh pơgồp bal, lơh ală broă lơi tus mờ dà lơgar mờ làng bol in. Mờ kung kờ` tơnguh nùs nhơm pin dờn, jơnau kơ\p kờ` làng bol dê tàm kuang bàng Gơnoar ala măt dà lơgar, cau ala măt làng bol pal lơh ngan tam dră sền gàr tus du\t ndơl tài gơnoar mờ bơta kuơ di pal làng bol dê: “Di lah cau tơl^k măt te\ khà tàm Gơnoar ala măt dà lơgar là kuang bàng Đảng, dà lơgar den sơlơ pal tơl^k nùs nhơm, bồ tơngoh ngăc ngar bơh 1 nă cau ala măt làng bol dê, geh bồ tơngoh ngăc ngar, să jan pràn kơl dang, tam dră sền gàr gơnoar, bơta kuơ di pal làng bol dê, dà lơgar dê. Tơrgùm wơl, là cau ala măt làng bol den pal kloh niam, bơdìh hơ\ tai pal pràn kơl dang mờ tài làng bol”.

Mờ ală cồng nha neh geh tàm tơngai lơh broă Gơnoar ala măt dà lơgar kơnă 13, cau te\ khà bal mờ làng bol gùt lơgar pin dờn mờ kơ\p kờ`, dơ\ te\ khà Gơnoar ala măt dà lơgar tus do geh rơwah ală kuang bàng mùl màl geh pơnrơ jăk, geh nùs nhơm jăk chài, mùl màl iăt ală cau bơh cau te\ khà pơgồp bal, là cau sơpơ\ bơr bơh cau te\ khà tus mờ Đảng mờ Dà lơgar dê.

        Cau cih mờ yal tơng^t Ndong Brawl