VOV4.K’ho - Tam gơl tơl ală bơta adăt sơndră mờ sa kuề sa koà mờ ai tơl^k gùng dà, kơnòl tòm tàm broă sơndră mờ sa kuề sa koà tơngai bơh nam 2016 tus 2020 gam là broă kal ke ngan geh ai tơl^k tus mờ dà lơgar tu\ do dê. Do là 1 broă lơh pal geh nùs nhơm kơlôi sơnơng tơrgùm bal tơl ală bơta mờ jo\ jòng, geh broă lơh tơl pràn kờ` tơnguh bơta pràn ngui, cồng nha broă sơndră mờ sa kuề sa koà.

Tàm ală nam do, adăt sơndră mờ sa kuề sa koà neh ai tơl^k ală kơnroăt sơndră, rơcang lài, go\ sa kuề sa koà tơl ală bơta mờ jrô ơnàng, geh nùs nhơm sơndră gờ` tàm mpồl bơtiàn, pơgồp bal tàm broă bơ\t bơtàu kơrnoăt sền gàr dà lơgar, sền gàr mpồl bơtiàn “Đơs ờ mờ sa kuề sa koà”, “Ờ gơtùi sa kuề sa koà”, tơmù uă ngan ală broă di gơlan gơbàn geh sa kuề sa koà ha là [uơn go\, kơrian mờ geh broă bơsong di tu\ tus mờ ală broă lơh geh tơngo\ sa kuề sa koà. Ồng Đinh Văn Minh, kuang jăt jơng atbồ Viện khoa học lùp khào đơs là: Do là ală broă tam gơl niam mờ tơl ală bơta, kuơ màng ngan bơh tu\ lơgar Việt Nam tus bal mờ kơrnoăt hơ bal anih duh broă dunia  bè sơndră mờ sa kuề sa koà. Broă lơh ring niam song dơ pă, kơnòl yal mblàng geh chồl pràn tàm ală broă lơh mờ gơnoar atbồ ală kơnă. Mơya, uă kơrnoăt tàm adăt boh lam kung gam ờ hềt di pal mờ broă kờ` bơh broă tam dră mờ sa kuề sa koà tàm kơrnoăt bè tu\ do. Den tàng, tơmù ală broă di gơlan gơbàn sa kuề sa koà ha là [uơn go\, kơrian, geh broă bơsong di tu\ là 1 tàm ală broă mờ broă lơh niam wơl tơl ală bơta adăt sơndră mờ sa kuề sa koà tus do: “Ring niam, song dơ pă, ndrờm bal ờ do ờ dă, ală broă lơh ờ niam den pal pơn jăt tai tam dră. Tàm adăt sơndră mờ sa kuề sa koà den he lơh ờ uă broă lơh niam, ờ uă broă lơh ờ hềt niam bè broă gơrềng tus mờ phan bơna pal geh sền wơl, broă pal geh anih lơh broă tơl pràn kờ` bơsong ală broă sa kuề sa koà dờng; tơnguh gơnoar mpồl bơtiàn, làng bol…he geh sền wơl adăt sơndră mờ sa kuề sa koà mùl màl di pal”.

Dùl broă tàm broă lơh tam gơl tơl ală bơta adăt sơndră mờ sa kuề sa koà geh mpồl bơtiàn sền gròi ngan là, pal pờ ơnàng broă lơh niam wơl adăt sơndră mờ sa kuề sa koà tus mờ ală broă sa kuề sa koà tàm anih lơh broă, mpồl lơh broă, cau 1 nă să is bơdìh mờ broă dà lơgar sền gàr. Bè broă do, ồng Phạm Trọng Đạt, kuang atbồ đah sơndră mờ sa kuề sa koà, gơwèt gah lùp sền Gơnoar atbồ lơgar đơs: adăt ai tơl^k bè broă sa kuề sa koà, broă sơndră, go\ mờ lơh glài ală broă sa kuề sa koà tàm đah dà lơgar bal mờ bơdìh đah dà lơgar là pal geh. Tơngu me do pal tam gơl di pal mờ nùs nhơm là adăt lơh niam wơl tus mờ ală anih lơh broă, mpồl lơh broă, cau 1 nă să is tàm tiah dà lơgar bal mờ bơdìh dà lơgar kung bè bơtơl tơngu me bè broă bơsong broă lơh sră nggal, lơh glài di mờ adăt boh lam tus mờ ală cau geh gơrềng bal tus mờ sa kuề sa koà bal mờ ală broă lơh, lơh tìs mờ adăt sơndră mờ sa kuề sa koà. Ồng Phạm Trọng Đạt, kuang atbồ đah sơndră mờ sa kuề sa koà, gah lùp sền Gơnoar atbồ lơgar đơs: “Gùng dà broă lơh bơh Đảng mờ Dà lơgar tus do kung geh bơtơl tam dră mờ sa kuề sa koà tàm gah cau 1 nă să lơh is. Bơta tòm broă lơh dê là cau sa kuề sa koà geh pồ mờ cau lơh is uă. Pồn tơnơ\ mờ cau 1 nă să lơh is den loh làng ờ hềt geh kơrnoăt tam dră tàm gah cau 1 nă să lơh is, loh làng do là broă gam gơlời. Tus do, lơh niam wơl, bơtơl adăt sơndră mờ sa kuề sa koà gam pal geh ai bơh sơnoa boh lam, gùng dà broă lơh bơh Đảng dê”.

Bơdìh hơ\ tai, geh uă cau jăk chài kung đơs là: Dùl tàm ală tơngu me tòm pal pơn jăt tai lơh niam wơl, lơh gơs ală broă sơndră mờ sa kuề sa koà là lơh gơs ală kơrnoăt bè bơsong kơnòl bơh cau lam bồ anih lơh broă, mpồl lơh broă bè broă sơndră, go\ sa kuề sa koà tàm anih lơh broă, mpồl lơh broă tòm. Ồng Nguyễn Tuấn Anh, kuang jăt jơng atbồ đah adăt boh lam, gah lùp sền Gơnoar atbồ lơagr đơs: “Tàm broă lơh niam wơl, tam gơl tơl ală bơta adăt bơh broă sền gròi, bơnah bơsong jăt kơnòl cau lam bồ, bơsong bè broă lơh sră nggal bal mờ ală broă lơh ndai bơdìh mờ broă lơh glài ku\p màng den pal geh tơl^k loh. Lài do, bơsong broă do he ndrờm lơh jăt tus ală sră nggal ndai. Den tàng tàm bơnah sơndră geh tơl^k kơnòl bơh cau lam bồ tàm broă sơndră mờ sa kuề sa koà. Bơnah bơsong geh ală broă bơsong di pal tu\ ờ lơh jăt ală broă hơ\. Geh bal broă lơh ndrờm bal tu\ gơbàn sa kuề sa koà den geh broă bơsong kơnòl ndrờm bal”.

Gơtùi đơs, lơh niam wơl, tam gơl 1 adăt là broă lơh dờng ờ mìng gơrềng tus mờ 1 gah lơh broă mờ gam gơrềng uă ngan tus mờ gùt mpồl bơtiàn, tàm hơ\ uă ngan là broă [uơn gơbàn mờ kal ke bè broă sơndră mờ sa kuề sa koà. Broă do pal geh broă lơh ngan dờng bơh gùt Đảng, gùt làng bol kờ` gờ` lơh gơs ală kơrnoăt pơgồp bal mờ broă lơh mùl màl, geh kơnroăt tơl pràn, mùl màl, tơnguh bơta broă ngui, cồng nha bơh broă sơndră mờ sa kuề sa koà.

                       Cau cih mờ yal tơng^t Ndong Brawl