VOV4.K’ho - Kơnờm mờ broă geh dong kờl sră kham sơm kòp ờ sa priă, tơngai do, làng bol kòn cau tàm càr Lâm Đồng neh geh sền gàr niam bơta pràn kơl dang să jan niam rơlao, pơgồp bal tàm broă tơnguh niam rài kis. Bu\ lah bè hơ\, broă lơh jăt broă dong kờl do tàm càr gam gơl^k geh ală bơta ờ niam, lơh tus cau geh ai sră kham sơm kòp ờ sa priă gơmù uă ngan jăt mờ nam 2014. Cau te\ khà càr Lâm Đồng kơ\p kờ` Gơnoar ala măt dà lơgar, mpồl duh broă ala măt làng bol ală kơnă bal mờ gah lơh sơnơm sền gròi kờ` bơsong broă do.

 Tàm dơ\ tìp mờ cau te\ khà pa do bơh mpồl kuang bàng tàm Gơnoar ala măt dà lơgar càr Lâm Đồng, cau te\ khà Ka Pen, kis tàm [òn 16, ntum Lộc Thanh, kơnhoàl Bảo Lâm neh đơs, kơnờm mờ broă geh sră kham sơm kòp ờ sa priă, làng bol te\ khà tàm do neh geh sền gàr niam bơta pràn kơl dang să jan mờ sơlơ ngai sơlơ geh niam rơlao. Kơnờm mờ hơ\, làng bol geh tơl bơta pràn drơng tàm broă lơh sa, klàs mờ rơ[ah. Mơya, cau te\ khà Ka Pen kung đơs tai là, tu\ do ală sră nggal dan kham, sơm kòp mờ sră kham sơm kòp ờ sa priă gam uă ir, geh broă tam cah is bơh broă kham sơm kòp mờ sră kham sơm kòp ờ sa priă mờ broă kham sơm kòp jăt broă kờ` lơh, lơh tus bơta niam tàm broă kham sơm kòp ờ sa priă mờ sră kham sơm kòp ờ sa priă ờ hềt niam jăt mờ jơnau kơ\p kờ`. Cau te\ khà Ka Pen đơs: “Tu\ do, làng bol lòt kham kòp tàm ală hìu sơnơm den sră nggal gam lơh uă ngan. Rơlao mờ hơ\ tai broă tìp bal mờ mpồl cau lơh sơnơm kung ờ niam sơl. Kờ` ngan Dà lơgar, Gơnoar ala măt dà lơgar sền gròi tus broă do, tàm hơ\ uă ngan là tus tàm ală hìu sơnơm ntum, hìu sơnơm kơnhoàl, ală hìu kham sơm kòp mờ pà sơnơm kờ` broă lơh do geh lơh sơlơ ngai sơlơ niam rơlao, di pal mờ jơnau kơ\p kờ` làng bol dê”.

Ờ mìng kal ke tài sră nggal geh lơh uă ir, broă ai sră kham sơm kòp ờ sa priă làng bol kòn cau in tàm càr Lâm Đồng gam lơh lơyaì mờ lơh tìs, lơh ờ niam uă ngan tus mờ bơta kuơ làng bol dê. Cau te\ khà K’ Hem, kis tàm ntum Lộc Nam, kơnhoàl Bảo Lâm đơs, kờ` sră kham sơm kòp ờ sa priă tus mờ làng bol lài mờ ngai 31/12 pah nam, den geh uă làng bol pal kơ\p tus nggùl nam pa hơ\ sồng geh dờp. Ờ hềt kờp gam geh uă cau gơtìp cih tìs măt, ngai, nhai, nam deh pal lơh wơl. Do là broă mờ làng bol cau te\ khà nam lơi kung đơs sùm, mơya tus tu\ do kung gam ờ hềt lơh gơs jơh sơl. Cau te\ khà K’ Hem dan: “Gơnoar ala măt dà lơgar lơh bè lơi sồr gah lơh broă sền gàr mpồl bơtiàn pal lơh jăt broă ai sră kham sơm kòp mhar, nhai 1 là pal lơh gơs broă ai sră kham sơm kòp kờ` tơl niam, tu\ geh tìs den he lơh wơl di tu\. Sơm kòp den geh ờ uă cau ờ di pal, bè di lah gơtìp rềs àr tàm lơh broă, ha là rềs àr tàm gùng lòt den tu\ tus sơm sồt lơh lơyaì ngan, ờ niam. Den tàng, ală hìu nhă lơi geh priă den cèng tus Sài Gòn, mờ ală hìu nhă lơi ờ geh priă den pal ơm kơ\p gời. Dan mờ Gơnoar ala măt dà lơgar sền wơl kờ` bol a` kham sơm kòp di pal, tơl niam, di mờ jơnau kơ\p kờ` làng bol dê”.

Kờp tus nhai 6/2015, tàm càr Lâm Đồng geh rơlao 776 rơbô 200 nă cau tus bal blơi sră kham sơm kòp ờ sa priă, geh 61% khà kờp làng bol. Bu\ lah jăt jơnau yal lài tus lồi nam do geh tai 50 rơbô nă cau tus bal blơi sră kham sơm kòp ờ sa priă, mơya gam gơmù tus mờr 20 rơbô nă jăt mờ nam 2014.

Jăt ồng Cil Ha Drang, kuang jăt jơng atbồ mpồl duh broă ala măt kòn cau càr Lâm Đồng yal, gơl^k geh bơta do mìng là khà măt ală mpồl lơh broă tàm tiah kal ke càr dê neh tam gơl. Làng bol kòn cau kis hơdìh tiah kal ke ờ gơwèt mpồl geh ai gời sră kham sơm kòp ờ sa priă. Ồng Cil Ha Drang pà g^t tai, bơh tàm ală dơ\ tìp mờ cau te\ khà pa do, cau te\ khà càr Lâm Đồng geh uă jơnau dan tus mờ Gơnoar ala măt dà lơgar dê là gờ` ai broă do mu\t tàm ală broă cri bơyai kờ` mhar jòi geh broă bơsong: “Do là ală broă mờ cau te\ khà ờ su\k ơm ngan. Bơh tàm ală dơ\ tìp mờ cau te\ khà tàm càr, bol a` neh dờp uă ngan jơnau dan gùt dar ală broă do. Ala măt cau te\ khà tàm càr, a` dan Đảng, Dà lơgar, Gơnoar ala măt dà lơgar sền wơl nền nòn, geh broă lơh di pal kờ` di pal mờ nùs nhơm kơ\p kờ` làng bol dê”.

Tơnguh niam khà kham, sơm kòp mờ sră kham sơm kòp ờ sa priă ai làng bol in sùm là gùng dà, broă lơh dờng Đảng mờ Dà lơgar dê, tàm hơ\ uă ngan là tus mờ cau rơ[ah, làng bol kòn cau geh rài kis kal ke. Cau te\ khà càr Lâm Đồng kơ\p kờ` Gơnoar ala măt dà lơgar pal geh ală broă lơh pràn rơlao tàm broă lơh jăt broă lơh do, lơh bè lơi kờ` di pal niam.