VOV4.K’ho- Ồng Vũ Đức Đam, Phó Thủ tướng Chính phủ đơng lam dơ\ lơh broă mờ Bộ Y tế mờ Bộ Kuang àng bè dơ\ lơh sơnơm ung thư ờ ngan Vinaca mờ lơh glài krà` ală dơ\ broă lơh pờng bác sĩ gơlik geh tàm tơngai pa do.

Tàm dơ\ lơh broă, ala mat Bộ Y tế dê đơs ngan: anih lơh gơlik kă bro phan bơna Vinaca sơm kòp ung thư ờ hềt geh ai gơnoar mờ kung ờ hềt yal jat jơnau ai bơh Bộ Y tế dê. Do là dùl phan bơna thực phẩm chức năng ờ ngan.

Cồng nha sền swì pà go\, anih lơh gơlik kă bro phan bơna Vinaca sơm kòp ung thư mờ bàr pe bơta phan bơna ndai ndrờm ờ geh sră cơng tàng dờp tơl bơta lơh gơlik jat jơnau ai bơh kơrnoat boh lam dê. Ală phan bơna bơh anih do dê ờ hềt geh lơh sră cih mat mờ ờ hềt yal jat jơnau ai bơh kơrnoat boh lam dê mơkung cih ờ go\ di là sơnơm mờ ờ go\ ngui ala sơnơm sơm kòp in sơl.

Bè hơ\, jơnau đơs pơndu\t bơh sơnrờp đơs ngan là: phan bơna bơh công ty do dê là phan bơna thực phẩm chức năng ờ ngan. Anih lơh broă atbồ drà kă bro geh kơrnoat lơh glài anih lơh sa do 44 tơlak priă. Ồng Vũ Tuấn Cường bơto yal lài làng bol in ờ go\ di ngui phan bơna do.

Cau mblàng mờ yal tơngi\t- Lơ Mu K’Yến