VOV4.K’ho - Drim òr (16/09), tàm Hà Nội, Phó Chủ tịch lơgar mò Võ Thị Ánh Xuân neh geh dơ̆ lơh broă mờ kuang bàng, y, bác sĩ tàm Viện Huyết học – Truyền máu Dà lơgar mờ pà phan kơnòm dềt gam sơm kòp tàm do in di satềp Trung thu.

                       Phó Chủ tịch lơgar mò Võ Thị Ánh Xuân còp să, pơn dờm kơnờm dềt gơtìp kòp

Phó Chủ tịch lơgar mò Võ Thị Ánh Xuân pơyoa jơnau tam pà bal, lam sồr mờ jào pà phan ai cau ala măt ală kơnòm dềt gơtìp kòp in. Tơl pò phan geh ƀañ Trung thu, dà toh, phan nhơl crăp rùp mờ priă ngan. Kung tàm ngai bal, lơh broă mờ kuang bàng, y, bác sĩ tàm Viện Huyết học Truyền máu Dà lơgar, Phó Chủ tịch lơgar mò Võ Thị Ánh Xuân neh dờp ală broă lơh ngan bơh Viện do dê geh rơcang sơndră mờ kòp mờ gàr niam broă kham, sơm kòp, mờ ai 125 nă cau lơh sơnơm tus dong kờl ƀòn dờng Hồ Chí Minh in. Bơdìh mờ broă gàr niam broă ai tơl mhàm tàm broă sơm kòp tàm Viện mờ 172 hìu sơnơm tiah đah tô dà lơgar, Viện Huyết học – Truyền máu Dà lơgar gam ai di tŭ rơlao 12 rơbô kơl dung mhàm nàng dong kờl ală hìu sơnơm tàm tiah hờ đah jum dà lơgar in tàm tơngai kòp Covid-19 gơtờp.

Cau mblàng Ndong Brawl