VOV4.K’ho – Cục Y tế Dự phòng (gơ wèt Bộ Y tế) neh geh jơnau pơlam làng bol rơcang lài sơndră ală kòp bơ tờp mờng gơlik geh tàm nhai mìu nhàc geh jê ndul gơ jroh, jê mat pơr hê, as sồt gùng tă nhơm, nggù… Cục Y tế dự phòng kung neh geh sră nggal pơyua Sở Y tế ală càr, [òn dờng sồr rơcang lài lam lơh ală broă rơndap lơh rơcang lài bè sơ nơm tơmba mờ broă lơh rơcang sơndră kòp bơ tờp, ai pà dà sàng kloh, gàr kloh niam dà tàm tu\ mờ tơ nơ\ tu\ mìu càl rbut dà ko\ dà cò lơh aniai

Cục Y tế dự phòng sồr Sở Y tế ală càr, [òn dờng bơyai lơh mblàng yal, pơlam làng bol tàm tiah digơlan gơtìp aniai tài bơh mìu nhàc dà ko\ dà cò lam lơh ală broă lơh sền gàr kloh niam să jan, gàr kloh niam tiah ơm kis, ờ do ờ dă phan sa, lơh kloh phan ròng chơt mờ ală broă lơh gàr kloh niam ndai. Ală jơnau pơlam bè ală broă lơh rơcang sơndră kòp bơ tờp tơnơ\ mìu nhàc dà ko\ dà cò lơh aniai neh geh pờ tơlik tàm website bơh Cục Y tế dự phòng dê www.vncdc.gov.vn.

Ală Sở Y tế bơyai lơh sền gròi, di tu\ sền go\ mờ bơsong jơh ală tiah geh kòp bơ tờp gơlik geh tơ nơ\ mìu nhàc mờ dà ko\ dà cò, ngơr bam bè: jê ndul gơ jroh, jê mat pơr hê, as sồt gùng tă nhơm, rơnga sa jơng, nggù, sốt xuất huyết, ngan là pal rơcang sơndră ală kòp bơ tờp jat gùng lơh lề phan sa bè jê ndul gơ jroh, thương hàn… Sùm ai ală mpồl lơh broă làm bă tiah rơcang sơndră kòp nàng rơcang lài dong kờl kấp hơ đơm in.

Gah lơh sơ nơm ală tiah dong kờl dà sơnơm, pơlam làng bol jùt ràu mờ lơh kloh dà tơrlung, dà ngui sa mờ Cloramin B, Aquatabs halà ală bơta sơnơm lơh kloh [ơ\ ndai tàm ală tiah gơtìp mìu nhàc, dà ko\ dà cò, ngơr bam mờ tơrlah ù. Gàr tơl cau lơh broă, sơnơm tơmba, phan bơna mờ ma\i mok drơng broă lơh rơcang sơndră kòp bơ tờp ai ală tiah tàm tiah gơtìp aniai bơhmìu càl rbut, tơrlah ù mờ ngơr bam dà in.

Tàm kàl mìu càl dờng, Cục Y tế dự phòng pơlam uă tus làng bol lơh jat ală broă lơh sền gàr kloh niam să jan, gàr kloh niam tiah ơm kis, ờ do ờ dă phan sa tơ nơ\ ală ngai mìu dờng lơh aniai.

Làng bol pal rơcang lài gàr kloh niam tiah ơm kis gùt dar tiah ơm kis, jùt rau mờ lơh kloh dà tơrlung, dà ngui sa jat jơnau pơlam bơh cau lơh sơ nơm tàm [òn lơgar dê.

Nàng kờ` rơcang sơndră ală bơta kòp bơ tờp, kòp ngòt rơ ngơt tơ nơ\ kàl mìu càl, Cục Y tế dự phòng sồr làng bol sàu sin hùc duh, gàr kloh niam ờ do ờ dă phan sa, sùm ràu tê mờ sơ [o\ng. Jùt ràu sơntèk đơ dà, tơrlung dà, phan pơ dơng dà mờ ngui ală dà sơ nơm nàng lơh kloh dà ngui sa tàm rài kis.

Cau mblàng K’Duẩn