VOV4.K’ho - Xã Hoà Đông, kơnhoàl Krông Pach, càr Daklak la dùl xã neh geh dờp tơl khà [òn lơgar pa bơh càr Daklak nam 2015. Tàm 19 broa\ lơh bơt bơtàu [òn lơgar pa, den broa\ lơh lơh sơnơm xã tơl khà neh geh kấp uỷ, gơnoar atbồ mờ gah lơh sơnơm tàm [òn lơgar geh sền gròi ngan bè lơh sơnơm, pơ gồp bal kuơ màng ngan tàm broa\ kham, sơm kòp làng bol in. Cau ai tơnggit geh jơnau cih đơs wơl:

            Tơnơ\ geh bơcri lơh hìu lơh broa\ niam ngan mờ ua\ ngan ơdu\ kham tơl khà, mpồl cau lơh sơnơm la bác sỹ, y sĩ mờ cau lơh broa\ tàm hìu sơnơm xã Hoà Đông, kơnhoàl Krông Pach, càr Daklak neh sùm lơh ngan nàng bơtàu tơngguh khà jak broa\ lơh, di pal bơta kờ` kham sơm kòp bơh sơnrờp làng bol in. Y sĩ Nguyễn Thị Lý cau lơh broa\ tàm hìu sơnơm xã Hoà Đông ai git,  hìu sơnơm  sùm mut lơh broa\ lơh trừk mang bè ngai, tu\ lơi kung rcang mờ lơh broa\ jơh nùs tu\ geh cau kòp tus kham kòp. Den tàng,  làng bol pin dờ` ngan, tus mờ híu sơnơm xã tu\ kờ` kham kòp, kham sơm kòp bơh sơnrờp neh krơ bè lài do, cau kòp sùm guh hờ hìu sơnơm dờng rlau:“Sa\ tờm a` sơnơng, he rcang tu\ lơi kung geh ngui ala\  broa\ mờ he neh bơsram geh drơng niam làng bol, geh  bơto bơtê wơl, git wa\ ngan  jơnau hơ\, he ngui, nàng geh tơmoh kòp niam rlau, lơh cau kòp pin dờ` rlau den geh tus mờ he ua\ rlau”.

            Geh ala\ bác sỹ, y sĩ sền gàr, drơng sền kòp jơh nùs ngan tu\ tus kham, mò Võ Thị Kim Oanh kis tàm [òn 15, xã Hoà Đông den kờ` ngan bè broa\ kham sơm kòp, sền cau kòp tàm hìu sơnơm xã do. Bulah bè hơ\, jat bơta kơp kờ` bơh mò Oanh kung bè gal ngan làng bol tàm xã,  kờ` pal geh  blơi ua\ ngan tai phan ma\y mok lơh sơnơm, sơnơm tơm ba:“Phan bơna ma\y mok lơh broa\ kung niam rlau mờ lài do,  nus nhơm drơng broa\ kung niam, bulah bè hơ\, den sơnơm gam ờ hềt tơl. Sa\ tờm a` kờ` Đảng mờ Dà lơgar bơcri lơh tai hìu sơnơm xã niam rlau,  phan bơna ma\y mok, sơnơm tơm ba tơl rlau, nàng làng bol  rềp lòt rê, ờ  jơh ua\ tơngai, pria\ jền, dà kơlhề”.

            Bal mờ broa\ tơngguh broa\ lơh  sền gàr, kham sơm kòp cau bơh sơnrờp làng bol in,  hìu sơnơm xã Hoà Đông geh sền kuơ geh tơl cau lơh sơnơm tàm [òn, tơngguh broa\ lơh mblàng pơlam rcang sơndra\ ala\ kòp pluh mờ gơbàn khih phan sa. Bác sỹ Y Nam Kbuôr atbồ Hìu sơnơm xã Hoà Đông ai git:“Mpồl cau lơh sơnơm tàm [òn, tơl [òn geh 1 bác sỹ biên chế,  cau lơh sơnơm do geh drơng ngan ngồn tus hìu sơnơm xã lơh broa\ bal, bè broa\ sền gròi kòp la pal kơnờm mờ cau lơh  sơnơm do,  tus tơl hìu  làng bol nàng geh mblàng pơlam, kờ` làng bol lơh kloh tiah kis, rcang sơndra\ kih dà, hơ\ la broa\ lơh niam ngan”.

            Jat ồng Nguyễn Đình Vượng, Chủ tịch Uỷ ban Nhân dân xã Hoà Đông, den lơh sơnơm xã 2 nam sùm geh dờp la tơl khà jat khà pa tơngai bơh nam 2012-2020, bulah gàr geh khà la dùl bơta lòng mơya, gơnoar atbồ mờ gah lơh sơnơm xã geh pal lơh  broa\ ua\ ngan rlau tai:“Geh hìu sơnơm xã bloh la pal drơng sền gàr làng bol, sền gàr làng bol pal go\ ngan tàm nùs nhơm, ơnà lơh broa\ la rlau  jơh,  cau kuang cau lơh broa\ tàm hìu sơnơm xã pal tam pà bal mờ trừk, ờ go\ di lời làng bol tus mờ hìu sơnơm ờ lơh broa\. Tu\ làng bol tus den  cau lơh broa\ pal niam, jơh nùs, kham sơm kòp làng bol in, sền gròi ngan tus gah lơh sơnơm mpồl bơtìan  drơng làng bol. Nền nòn la bol a` sền gròi ngan, lơh geh mpồl cau lơh broa\ tàm hìu sơnơm xã pal tơl khà niam. Bơta chờ  hờp ngan ờ di la bol he lơh geh hìu sơnơm xã, hala kờ` gơ tơl khà. Mờ  chờ ngan la bol he lơh ndang geh hìu sơnơm xã tơl khà, cau lơh broa\ tơl jak, mpồl cau drơng sền gàr pràn sa\ ja` làng bol niam, làng bol ờ geh dùl jơnau đơs lơi...”

Càr Dak Lak neh lơh ngan lơh jăt broă bơ\t bơtàu hìu sơnơm xã tơl khà

Lơh jăt khà dà lơgar bè broă lơh sơnơm xã tơngai bơh nam 2012 tus 2020 pơgồp bal mờ broă bơ\t bơtàu [òn lơgar pa, ală Đảng uỷ, gơnoar atbồ, ală gah, mpồl lơh broă geh gơnoar tàm càr Dak Lak neh lơh ngan mờ ai tơl^k geh broă tam gơl loh làng. Tus tu\ do, gùt càr geh 96 xã, sơnah [òn, thị trấn geh dờp geh khà dà lơgar bè lơh sơnơm tơngai tus nam 2020 tu\ khà do gùt lơgar mìng rơ\p geh 64%. Cau ai tơng^t jơnau đơs do neh geh dơ\ lùp Bác sĩ Doãn Hữu Long, Atbồ Sở Y tế càr Dak Lak bè broă do.

- Ơ bác sĩ, lơh jăt broă bơ\t bơtàu hìu sơnơm xã geh khà jăt khà dà lơgar bè lơh sơnơm xã tơngai bơh nam 2012 tus 2020 pơgồp bal mờ broă lơh jăt khà dà lơgar bè bơ\t bơtàu [òn lơgar pa, tus tu\ do, càr Dak Lak neh geh cồng nha lơi?

Bác sĩ Doãn Hữu Long: Lơh jăt khà dà lơgar tàm broă lơh sơnơm xã bơh nam 2012 tus 2020, gah lơh sơnơm càr Dak Lak neh pơlam ală kơnă, gơnoar atbồ bal mờ [òn dờng kờ` lơh jăt broă đơng lam bơh gơnoar atbồ [òn dờng, ală kơnhoàl, ală xã mờ gơtùi đơs tus tu\ do, càr Dak Lak neh geh 96% xã, phường, thị trấn geh khà dà lơgar bè lơh sơnơm, tàm tu\ khà ba gùt lơgar dê là 64%. Dơ\ 2 tai là geh khà 15 bơh broă bơ\t bơtàu [òn lơgar pa den gah lơh sơnơm càr Dak Lak neh geh 140 tàm 152 xã geh tus rơlao 92%, tàm tu\ khà bal bơh khà lơh jơh gùt càr dê là di pơgăp 63%, đơs ngan là gah lơh sơnơm neh lơh sơlèt tàm broă tơnguh broă lơh phan bơna kờ` gàr niam bơta pràn kơl dang să jan làng bol. Mơya, gàr sùm khà do kung là 1 kal ke dờng màng, tài pah nam gah lơh sơnơm pơlam ală hội đồng in kờ` sền g^t ală xã geh khà, mờ gàr geh khà lah ờ, di lah tàm 1 tơngai lơi hơ\ he ờ geh mờ ờ gàr khà den di gơlan gơbàn toh wơl…

- Bơh 5 nam lơh jăt, mùl màl tàm càr pà go\ gam geh ală kal ke lơi tàm broă geh ală khà jăt kơrnoăt neh ai?

Bác sĩ Doãn Hữu Long: Kờ` lơh geh ală khà do den pal geh ală Đảng uỷ, gơnoar atbồ, geh bal làng bol tus bal tàm broă sền gàr bơta pràn kơl dang làng bol. Tàm tu\ hơ\, gah lơh sơnơm là gah lơh tòm tàm broă lơh, pơlam Đảng uỷ, gơnoar atbồ in lơh jăt ală broă lơh ndrờm bal. Tàm broă lơh den phan bơna, phan lơh broă kung bè cau lơh broă bal mờ bơta niam den kung gơbàn ală kal ke, tài càr Dak Lak geh 47 jơi bơtiàn kòn cau, geh uă bơta chài rơgơi, den tàng broă bơto làng bol, kờ` làng bol wă, sền gròi tus broă sền gàr bơta pràn kơl dang să tòm, pràn kơl dang mpồl bơtiàn geh ală kal ke dờng màng ngan. Bơdìh hơ\ tai, mpồl sền gàr bơta pràn kơl dang să jan xã, sơnah [òn, thị trấn di lah lơh broă ờ niam, ờ ndrờm bal mờ khà blơi sră bảo hiểm y tế ờ geh den geh ờ geh khà dà lơgar.

- Bè bơta niam broă lơ, đah lơh sơnơm xã gam geh ală broă ờ pràn lơi mờ xã neh geh ală broă lơh lơi kờ` tơnguh uă bơta niam broă lơh sơnơm tàm xã?

Bác sĩ Doãn Hữu Long: Bơta niam bơh kuang bàng lơh broă tàm đah lơh sơnơm xã, di lah pơndrờm mờ bơta bal den kung geh ală bơta ờ pràn. Mơya, ai tàm kơnòl bơh ală cau lơh broă do dê là sơndră mờ kòp bal mờ lơh jăt ală kòp bè ờs den bè bơta tòm gah lơh sơnơm càr Dak Lak kung neh geh ală broă ai tơl^k, ờ go\ di pơndrờm bơta ngăc ngar bơh ală đah lơh sơnơm mờ bác sĩ geh bơta ngăc ngar tàm broă lơh ơh ală hìu sơnơm dờng, jơnau đơs pơndrờm bal pal geh ai tàm gơnoar, kơnòl kờ` pơnrờm bal. Bè broă sền gàr bơta pràn kơl dang làng bol, càr Dak Lak kung là 1 tàm ală càr lam lài gùt lơgar là ală hìu sơnơm xã, sơnah [òn, thị trấn ndrờm geh bác sĩ lơh broă. Ngan là khà ngăc ngar bác sĩ lơh broă tàm hìu sơnơm xã den ờ ndrờm mờ hìu sơnơm dờng rơlao, mơya tài gơnoar, kơnòl là sơndră mờ kòp mờ lơh jăt ală broă lơh jăt khà dà lơgar, den tàng pal lơh di mờ broă kờ`. Mơya, kờ` tơnguh rơlao tai den gah lơh sơnơm càr Dak Lak neh lơh ală broă, pờ ală ơdu\ bơto jo\ tơngai, ờ jo\ tơngai ală broă lơh jăt mờ gơnoar, kơnòl ală cau lơh broă do in. Mờ pơlam Uỷ ban Nhân dân, Hội đồng Nhân dân càr lơh jăt nghị quyết kờ` hòi jà ală y, bác sĩ tus lơh broă tàm xã.

- Khà bal mờ ală broă lơh geh lơh gơs khà bơ\t bơtàu hìu sơnơm geh khà tơngai bơh nam 2012 tus 2020 càr dê?

Bác sĩ Doãn Hữu Long: Tàm tơngai tus geh 1% xã, sơnah [òn, thị trấn ờ hềt geh khà lơh sơnơm, lơh ngan tus nam 2020 den geh 100% khà xã,  sơnah [òn, thị trấn geh khà dà lơgar bè lơh sơnơm, gah lơh sơnơm neh pơlam ală Đảng uỷ, gơnoar atbồ bè broă đơng lam ală mpồl sền gàr bơta pràn kơl dang să jan pal geh tơnguh kung bè jàu kơnòl sền gròi jơh ală broă lơh sền gàr bơta pràn kơl dang să jan tàm xã, sơnah [òn, thị trấn ờ geh khà. Pơn jăt tai là khà geh broă blơi sră bảo hiểm y tế kung ờ hềt geh, den tàng lơh gơbàn tus mờ khà dà lơgar dê bơh xã, phường, thị trấn hơ\, mờ tàm hơ\ tai, tài bơta ngăc ngar tàm broă lơh bơh ală bác sĩ lơh broă tàm do ờ hềt geh khà, lơh ngan tàm tơngai tus ală broă lơh lam sồr sền gàr bơta pràn kơl dang să jan làng bol kung bè jơnau g^t wă bè broă sền gàr pràn kơl dang să tòm bal mờ mpồl bơtiàn. Mờ bơh gah lơh sơnơm pal tơnguh bơta ngăc ngar tàm broă lơh kờ` di pal mờ broă kờ` sền gàr bơta pràn kơl dang să jan làng bol tàm tơngai tus in.

- Ơi, dan ưn ngài bác sĩ!

Cau cih mờ yal tơng^t K' Brọp - Ndong Brawl