VOV4.K’ho -  Pòr sràt là dùl phan sa bơh yau òr làng bol kòn cau K’ho dê tàm kơnhoàl Lâm Hà, càr Lâm Đồng. Di pal bè jơnau sơnđan, pòr lời gơs ka`, sràt bơrlu\ mờ lơngồt mờ [ô bơkah bơh ka` ơlak dê.  Phan sa do dong lơh pràn kơl dang să jan mờ gơ lơh rài tàm să jan bồ tơngoh tơnơ\ ală tu\ jiơ lơh broă bòl glar tàm sre tam mìr bơh làng bol dê.

Tàm hìu bềp làng bol kòn cau K’ho tàm kơnhoàl Lâm Hà, càr Lâm Đồng dê, tu\ lơi kung geh  nhồng geh tiah sơnđan la lềng pòr sràt. Gơ tùi đơs, do phan sa ờ gơ tùi ờ geh tàm làng bol kòn cau K’ho dê, tu\ ơm tàm hìu halà lòt tàm brê, bulah kàl mrềt hàlà kàl duh. Phan sa do là phan nàng ngui sa mơkung là gơtùi sền là phan ngui nàng hùc dà lơh rài să jan. Ờ mìng bè hơ\ lơm gời, pòr sràt gam là dùl phan sa nàng lơh sah să jan ală cau bơ`ul ơlak in, tài dà sràt bơh pòr sràt dê lơh cau bơ`ul in gơmut sa. Mò K’ Ri, ơm tàm [òn Tân Lập, xã Tân Thanh, kơnhoàl Lâm Hà pà g^t:

 “ Làng bol kòn cau he dê lài mờ tu\ lòt tàm sre tàm mìr, sùm gơm pòr bơh ngai lài, tơnơ\ hơ\ sồng sròc tàm nhồng, mờ ơn hơ đang dra bơnha\ ồs hìu bềp. Bulah nggùl ngai trồ duh mờ sa pòr tàm nhồng den sa mrềt mờ bơkah ngan, jơh sa den să tờm gơlơh pràn kơl dang nàng pơn jat tai lơh broă”.

Nàng pòr sràt  gơ in bơkah, làng bol pal gơm mờ phe  kòi mìr. Tru\ gơm pòr sràt den buơn ngan. Phe tàm tu\ rơpau den ơn tàm glah mờ ơn tai dùl êt boh, gơm tus di tu\ phe in lề jơh mờ tơngi mờ lồi dut là lời pòr in ngềt. Tu\ glah pòr neh ngềt jơh, làng bol sròc pòr ơn tàm nhồng. Nhồng pal rào kloh, ơn rơsơh mờ mìng ngui nàng ơn pòr mờ dà hùc pah ngai lơm. Ờ ngui nhồng ơn pòr nàng ơn ală phan sa ndai tài lơh nhồng bô,  dơ\ tơnơ\ ờ gơ tùi ơn pòr sràt tai.

Pòr geh sròc bềng tàm nhồng den sềt kơ\ mờ yồng tềng kơlik hìu bềp. Lời bè hơ\ 2,3 ngai tơnơ\ den pòr gơbàn sràt is mờ [ô bơkah ngan. Mò K’ Ly, ơm tàm [òn Tân Lập, xã Tân Thanh, kơnhoàl Lâm Hà , đơs:

 “ Pòr sràt ờ mìng là phan sa kờ` ngan bơh kòn cau K’ho Cil lơm gời mờ jơh bal mờ kòn cau K’ho Sre sơl. Khi gơm pòr ờ di mìng sròc tàm nhồng mờ gam ơn tàm yang nàng sa hời rơ hời. Dilah ờ geh nhồng ro den pòr ơn tam glah kung geh sràt sơl, mơya pal sa gờ` ờ gơtùi lời jo\, tài bơh pòr gơbàn pơr ìu ờ gơtùi sa tai. Pòr sràt sròc tàm nhồng là di pal ngan rlau jơh mờ bơta sràt kung bơkah rlau tai, sa den mrềt bè ơn tàm tùh mrềt.

Tu\ do phe kòi mìr ngai sơlơ ờ hoan geh tai, den làng bol gơm pòr mờ phe  kòi sre. Jat mò K’ San, ơm tàm [òn Phi Tô, xã Tân Thanh, kơnhoàl Lâm Hà đơs, dilah gơm pòr sràt mờ phe kòi sre den pal gơm mờ phe kơldang, ờ gơtùi gơm phe lơbơn. Bè hơ\ pòr hơ\ sồng bơkah:

 “Gơm pòr sràt den pal gơm mờ phe kơldang hơ\ sồng bơkah, phe lơbơn gơm den gờ` ngan lề, ờ bơkah. Pòr sràt sa bal mờ boh bo\ mờ mre\, ka rì halà ka háp gơm bal mờ 2,3 nai plai blơn mờ mre\ lir den sa bơkah rlau tai.

Pòr sràt jat bơta pơrya bơh kòn cau K’ho dê là phan sa bơkah, phan sa bơhìan yau, buơn tru\, mờ buơn ngan sa. Do là phan sa mơ kung là phan geh sền bè dà hùc lơh rài să bồ. Pòr sràt dong làng bol in pràn kơl dang să jan nàng jai kong mờ bơta duh, càl mờ mìu uă tàm tiah kơh bơnơm dê. Tài bè hơ\, tơl drim lơi lòt tàm sre tàm mìr, den tàm sơ\ làng bol cau K’ ho, bơ dìh mờ nhồng ơn dà den sùm geh nhồng pòr sràt, bal mờ bàr pe nơm ka rì, bàr pe nai mre\ mờ plai blơn… là phan sa nàng lơh rài să bồ mờ lơh pràn wơl să jan tơnơ\ ală tu\ jiơ lơh broă bòl glar tàm tơngai duh.

Cau mblàng K’ Hạnh