VOV4.K’ho – Pơrjum cau ala mat yàng Phờk gùt lơgar dơ\ 8 ngan ngồn geh lơh drim òr (21/11) tàm Hà Nội mờ bơta tus bal bơh rlau 1 rbô 200 nă cau ala mat tàm lơgar mờ dunia. Do là jơnau kuơ màng tàm rài kis pin dờn jat yàng bơh làng bol jat yàng Phờk dê.

Mờ tơngume “Bồ tơngoh jak – geh kơrnuat – mut gơ rờm bal – bơtàu tơnguh”, pơrjum neh sền wơl broă lơh 5 nam do tàm ală gah bơyai lơh, bơto bơtê, lơh broă niam dong kờl mpồl bơtiàn, sền gàr bơta niam chài gah jat yàng Phờk…, rơndap lài broă lơh bơtàu tơnguh tàm ală nam tus, dipal mờ broă lơh tam gơl pa mờ mut gơ rờm bal dunia bơh dà lơgar dê.

Phó Thủ tướng, ồng Vương Đình Huệ neh jàu Huân chương độc lập, huân chương lao động ai ală cau dùl nă să jak ngan di Mpồl jat yàng Phờk Việt Nam.